Luù 15:29 - WƆŊ FƐ̀Ì EBÒ SÌÀŊ DAYÀA

²⁹ Kɛɛ wò naŋ wòò wo kɛ̀ɛ̀ wààŋ, ‘Yɛ̀mɛ̀, kà tomo e weèum mààŋ wo ɗo maŋ doa mɛɛ̀ŋ gbiŋ, yèè miŋ gò gììyà kè mìè gbòa mɔɛ̀ŋ màŋhɛɛ kè ɗɔ̀ɔ̀ guùŋ. Kiìŋ mùŋ naim wa kiɛ̀ŋ? Kòò mùŋ kìɛ̀ìm pɛɛ wò diì jɔ̀à wèè yàwi nààŋ dàwiim nyàŋ eiŋ gììyà è zɔlɔ̀ kòɓɛ̀ guùŋ!

Luù 15:29 ပူးပေါင်းရင်းမြစ်များ

Maafiù 20:12

Àŋ naŋ woò nyààŋ, ‘Anyuùŋ dìàmaŋ nyàŋ naŋ hnè nyaŋ naŋ tomo wèè e teenga kpuu, yàwi zà naŋ tomo ke ɗɔɔɛ̀ gbiŋ e gɔɛɛ nyìngaà dìì. Yɛi nɔŋ è yaà mùŋ naŋ wi kìɛ̀ŋ e nɛɛnɛɛ̀ŋ eiŋ seenè kpaŋ.’

Luù 15:28

Wo jɔ̀àfelaa gbeeɔ̀ naŋ wa tuù yèè wò naŋ gè maŋhɛɛ wèè wo jɔ̀à ko saaìŋ. Kpeiŋ wo kɛ̀ɛ̀ naŋ fòlò ko nɛ̀ɛ̀uŋ niìŋ yèè wò nauŋ pɔwɔ̀ wèè wo jɔ̀à ko saaìŋ.

Luù 15:30

Kɛɛ wo jɔ̀àfelaaum wɛɛ̀ naŋ kɔ̀ wo pɔ̀ɔ̀pɔ̀ɔ̀ e nɛ̀ɛŋ mùŋ he weè nàŋ nyìnìè wɔŋ nyiiŋ gèe mɔɔ̀ŋ sùà lɛ aŋ jɔùŋ maŋjɛ̀wɛ, yèè nààŋ wò naŋ kɛ̀ɛ̀ maŋjɛ̀wɛ ko gbooì, mùŋ naŋ jìwè wo dìi jawe gbeeɔ̀ e weèuŋ!’

Luù 15:7

Wo Jisɛ̀ naŋ nyiŋ ɓɛìŋ woò wààŋ, “Yɛi nɔŋ e zɔlɔ̀ do nàŋ nɔ̀ŋ ko àìjɛnɛ̀ŋ sèè wo nyùùŋ maŋ tùwo naanààaŋ bà guùŋ fè maŋ tùwo naanààuŋ màŋ jɛwɛ, e nìàŋ anyùùŋ tɔ̀ɔ̀nyaàŋ gbànaŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ nyaŋ diɛŋ aŋ yè nyaŋ kuwà màŋ tùwò naanààŋ wèè aŋ miŋ fè jɛwɛ nyàŋ.”

Luù 17:10

Yɛi nɔŋ è yaà wèè nyɛ̀iŋ pɛɛ. Sèè nìŋ kpɛɛyɛ̀ nyɛ̀nɛ̀ŋ e tòmoɛ̀ nìŋ kuwa naŋ nyɛ̀nɛ̀ŋ lɛ, wòoiŋ nààŋ “È yààìŋ nɔŋ aŋ ɓɔìjɔ̀à tòmo, è naiŋ nɔŋ nyɛ̀nɛ̀ŋ e tòmoɛ̀ è kuwa eiŋ nyɛ̀nɛ̀ŋ lɛ.”

Luù 18:9

Wo Jisɛ̀ naŋ ɓɛìŋ wòò ke kàɓanè koɓɛ̀ anyùùŋ bà aŋ yè nyaŋ naŋ tùlìè e tɔ̀ɔ̀nyaàŋ nyiŋ nɛ̀ jii yèè àŋ naŋ kɔ̀ɔ̀yɛ̀ anyuùŋ gbànaŋ nyàŋ gbiŋ fɛ̀ɛ̀ diɛŋ nyàŋ.

Luù 19:21

Mìŋ naŋ tii nyɛ̀nɛ̀ŋ esaɓù kɛ̀ e jùùɛ yààìm mɛ̀iŋ wèè e nɛ̀ɛŋ mùŋ he weè nàŋ nyɛ̀nɛ̀ŋ lɛ, sèè mìŋ go nyɛ̀nɛ̀ŋ e geenìŋ. Kà nyìmàŋ kɛ̀ e tùwo mɔ̀ɛ̀ è naŋ nyìngè. Mùŋ ɓemàŋ e nɛ̀ɛŋ muŋ kanàŋ lɛ yèè mùŋ kpaa maŋ nɛ̀ŋje ɓù maŋ muŋ gò nyùàŋ maŋ.’

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 3:27

Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

Luùm 7:9

Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,

Maŋ kèì nyɛɛnɛŋ 2:17

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e gbɔ̀uɛ̀ bà e yèɛ àŋ nyaaŋ maanàŋ è yaà ko nyɛɛnɛŋ lɛ̀, wèè e nɔ̀ŋ e jìwààjɛ̀wɛ̀ nyiŋ nɛ̀. Mìŋ do ɓɛìŋ nàŋ kìɛ̀ŋ ke duò fùà koɓɛ̀ wo bà guùŋ gbiŋ, ke yèɛ àŋ naŋ sìngè è dèè e yèɛ wo nyùùŋ gbiŋ wo nyimààŋ lɛ, sɔɔ̀ nɔŋ wo nyùnɔ̀ɔŋ do nyiŋ nàŋ yɛmɛ̀ wɔ.”

Maŋ kèì nyɛɛnɛŋ 3:17

Mùŋ woà mààŋ, ‘Mìŋ naŋ banè yèè mìŋ yaà tɛ̀ɛ̀, mìŋ kuwa e nɛ̀ɛŋ gbiŋ mìŋ naŋ kpɛɛ̀ŋ weè niŋ lɛ̀.’ Kɛɛ muŋ nyimààŋ è ɗeweɛ̀ ke jii mɔ̀ɔ̀nɛŋ naum wòòyè fùùŋ e kìlà mùŋ naŋ tɛɛwɛ̀ wèè aum tɔ̀ɔ̀ ke nyowo lɛ̀. Mùŋ yaà wo nyuùŋ kɛ̀ɛ̀o sìwè, ke kpanja, yèè wo nyuùŋ zììlè fɛ̀ɛ̀.