Luù 15:18 - WƆŊ FƐ̀Ì EBÒ SÌÀŊ DAYÀA

¹⁸ Mìŋ yaà kɛ̀ɛ̀ sùà maŋjɛ̀wɛ koɓɛ̀ dèda mio yèè kauŋ woò mìàŋ, “Dèda, kà nyɛ̀nɛ̀ŋ e tùwò naanààŋ koɓɛ̀ Dayài ko àìjɛnɛ̀ŋ yèè ko nɛ̀ɛ̀ŋ muìŋ.

Luù 15:18 ပူးပေါင်းရင်းမြစ်များ

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Maafiù 6:14

“Sèè nìŋ juuyà aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, wo Dèdaiŋ nɔɔ̀ŋ ko àìjɛnɛ̀ŋ wuŋ pɛɛ doiŋ nàŋ jùùyè hakɛ̀.

Maafiù 6:9

Kpeiŋ e ɗewe kii lɛɛ̀ sùà nìŋ kuwa naŋ zoolò. ‘Wo Dèda wiɔ̀ ko àìjɛnɛ̀ŋ, tɔ̀ e dèè nɛɛmaŋ mɔ̀ɛ̀ e nɔ̀ŋ jòòwo niŋ.

Maafiù 7:11

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛ̀ŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ mànɛ̀ŋ kɛnɛ kòɓɛ̀ ànyùùŋ nyaŋ dawàuŋ nyaŋ?

Luù 11:2

Wo Jisɛ̀ naŋ nyiŋ woò wààŋ, “Sèè nìŋ nɔ̀ŋ zoolo, tɛɛ̀ nìŋ woà, ‘Dèda, tɔ̀ e dèè nɛɛmaŋ mɔ̀ɛ̀ nɔ̀ŋ jòòwo niŋ. Tɔ̀ e Kana mɔ̀ɛ̀ hnàŋ,

Luù 15:17

Ko diemeì, e jiikɛ̀ɛ nauŋ dè yèè wò naŋ wòò koɓɛ̀ wuŋ biì wààŋ, ‘Wo dèda miɔ̀ŋ kuwa aŋ ɓɔìjɔ̀à tòmo yèè àŋ kuwa e nɛ̀ŋje zimgbe wèè aŋ jè, kpeiŋ mìŋ jaa kià e jìè wààŋ e jìwàim!

Luù 15:19

Miŋ fè ɓɛìŋ tɛ̀ɛ̀ wèè maim nyààŋ wò jɔ̀àfelaaum. Ɓèmèim miŋ nɔ̀ŋ wo ɓɔìjɔ̀à tòmo mɔɔ̀ŋ bà guùŋ.” ’

Luù 15:21

Kpeiŋ wo jɔ̀àfelaaà naŋ woò wààŋ, ‘Dèda, kà nyɛ̀nɛ̀ŋ e tùwò naanààŋ koɓɛ̀ Dayài ko àìjɛnɛ̀ŋ yèè ko nɛ̀ɛ̀ŋ muìŋ. Miŋ fè ɓɛìŋ tɛ̀ɛ̀ wèè maim nyààŋ wò jɔ̀àfelaaum.’

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”