Luù 14:21 - WƆŊ FƐ̀Ì EBÒ SÌÀŊ DAYÀA

²¹ Wo ɓɔìjɔ̀àa naŋ kɛ̀ɛ̀ maŋjɛ̀wɛ yèè wò naŋ wòò tɛɛ̀ gbiŋ koɓɛ̀ wo kààmɔɔuŋ nɔɔ̀ŋ. Wo kààmɔɔuŋ nɔɔ̀ŋ naŋ wa tuù yèè wò naŋ wòò wo ɓɔìjɔ̀àa wààŋ, ‘Kɔ̀à fiò maŋ dòmaŋ màŋ diɛŋ yaà e jawaà sùà muŋ hiàŋ anyuùŋ pɔ̀ɔ nyàŋ, anyuùŋ kpɔ̀ɔ̀kpɔɔ nyàŋ, anyuùŋ zììlè fɛ̀ɛ̀ nyaŋ, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ.’

Luù 14:21 ပူးပေါင်းရင်းမြစ်များ

Maafiù 11:28

Wo Jisɛ̀ naŋ ɓɛìŋ woò wààŋ, “Hnaìŋ ko nɛ̀ɛ̀ŋ miìŋ, nyɛ̀iŋ nyàŋ kinɛiŋ nìŋ yaà kɔ̀ɔ̀yɛ̀ e keì nyìnga dìì e nyaàiŋ dè e yèɛ aŋ kààmɔ̀ɔ̀ŋ maŋ Sàwà nyaŋ naiŋ woò yèè àŋ naiŋ gbùwò ɗì maŋ, yèè mìŋ doiŋ nàŋ gè maŋ keì nyìnga bi ɗì.

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 15:12

Kpeiŋ anyùùŋ màŋjɛ̀wɛ̀ nyaŋ naŋ hnè ko nɛ̀ɛ̀uŋ niìŋ yèè àŋ nauŋ woò nyààŋ, “Màŋ nyìmàŋ kɛ̀ mùŋ naŋ pɔ̀ɔ̀ aŋ Fɛlosiì nyaŋ ɓɛ̀ɛ e nyaàiŋ dè e yèɛ mùŋ naŋ woò lɛ?”

Maafiù 18:31

Nààŋ aŋ ɓɔìjɔ̀à gbànaŋ nyàŋ naŋ yɛ̀mɛ̀ e yèɛ naŋ wa kaaìŋ lɛ, àŋ naŋ wa tuù, yèè àŋ naŋ kɔ̀ koɓɛ̀ wo kanaà àŋ nauŋ gbàì e keì bi jìì.

Maafiù 20:7

Yèè anyùùŋ nyaŋ naŋ wòò wo kenàaŋ nyààŋ, ‘È sìàìŋ kià foo esaɓù kɛ̀ wo nyùùŋ gbiŋ kòò wò kìɛ̀ŋ wì è tòmo.’ Yèè wò naŋ nyiŋ woò wààŋ kɛ̀, ‘Kɔ̀àaìŋ niŋ tomo ko ɓù gbɛɛwɛ̀jɛ̀wɛ̀ miìŋ.’

Luù 14:13

Sèè mùŋ woà mààŋ muŋ gè wɔŋ ɗaa, nyaàŋ anyuùŋ pɔ̀ɔ nyàŋ, anyuùŋ kpɔ̀ɔ̀kpɔɔ nyàŋ, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ, yèè anyuùŋ zììlè fɛ̀ɛ̀ nyaŋ.

Luù 14:20

Wo bà guùŋ naŋ woò wààŋ, ‘Mìŋ naŋ nɔŋ mɔ̀nɔ̀ŋ wo jawè miɔ̀ŋ e ɗɔ̀ɔ̀ tìyèeɛ̀, wèè esaɓù lɛɛ̀ mìŋ fè ɓɛ̀nɛ̀ŋ hnàaŋ.’

Luù 14:22

E teenga kpuu sùa wo ɓɔìjɔ̀àa naŋ kɛ̀ɛ̀ maŋjɛ̀wɛ yèè wò naŋ wòò wo kààmɔɔuŋ nɔɔ̀ŋ wààŋ, ‘Kà nyɛ̀nɛ̀ŋ e nɛ̀ɛŋ mùŋ naim woò wèè ka nyɛ̀nɛ̀ŋ lɛ, kɛɛ maŋ jɛ̀i foo zimgbe naŋ joo wèè anyuùŋ zimgbe.’

Luù 14:24

Mìŋ yààùm wòò sùà, anyùùŋ nyaŋ kinɛiŋ mìŋ naŋ tùɔ̀ŋ ke mìè jiɛ̀ yèè aŋ gò hnàŋ nyaŋ, wo bà guùŋ pɛɛ wo naàŋ wɔ̀ɔ̀ è nɛ̀ŋje bi bà.’ ”

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Luù 9:10

Aŋ keela tàeɗùù nyaŋ naŋ kɛ̀ɛ̀ maŋjɛ̀wɛ àŋ naŋ wòò wo Jisɛ̀ e nɛ̀ɛŋ gbiŋ àŋ naŋ nyɛ̀nɛ̀ŋ lɛ. Kpeiŋ wo Jisɛ̀ naŋ nyiŋ ɓemè yèè àŋ naŋ kɔ̀ nyiŋ wouwòù ko jawa bà àŋ nyaaŋ Bɛ̀sailià.

Jɔ̀ɔŋ 9:39

Yèè wo Jisɛ̀ naŋ woò wààŋ, “Mìŋ naŋ hnè e ɗuunyaŋ lɛɛ̀ wèè ka gbàì anyùùŋ nyaŋ. Mìŋ naŋ hnè wèè ka nyɛ̀nɛ̀ŋ wo nyuùŋ zììlè le fɛ̀ɛ̀ɔ wo yɛ̀mɛ̀ dìì, yèè wèè ka nyɛ̀nɛ̀ŋ wo nyùnɔ̀ɔŋ yɛmɛ̀ dìì wɔ wo zììlè le fɛ̀ɛ̀.”

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

Maŋ kèì nyɛɛnɛŋ 19:15

E kòyà ɗùà nɔ̀ɔŋ nauŋ wa fòlò ko nyààŋ. Tiŋ wò do nàŋ toomò wèè wo ɓùlà maŋ fuɔŋ màŋ. Wò do nyiŋ nàŋ kìlìè e kànà wɔŋ kùàŋ gaàŋ gbee diɛŋ, e kìlà wò do nàŋ kààìŋ maŋ gbɛ̀mɛ̀ɛ̀ŋ muaŋ màŋ sùà wɔŋ golo tììlà maŋ gbɛ̀mɛ̀ɛ̀ɔŋ sùà e nyaàiŋ dè e wùàŋ gbèè wo Kanaà Dàyà Gaàŋ Gbeeɔ̀.

Maŋ kèì nyɛɛnɛŋ 22:17

Wo Jìnàŋ Nɛɛmaàŋ yaà wo jɔunɔ̀ɔŋ wo Ɓaawaaà do nàŋ ɓemè wɔ naŋ woò nyààŋ, “Hnaàŋ!” Wo nyùnɔ̀ɔŋ gbiŋ komo tɛɛ̀ wɔ wo woò wààŋ, “Hnaàŋ!” Hnaàŋ, nyɛ̀iŋ nyàŋ gbiŋ nìŋ yaà ke jòòmàì sùà nyaŋ. Kùwaìŋ e wùìyèɛ kuwa wɔŋ nyiiŋ gèeɔ̀ lɛ wèè e nɔ̀ŋ e nɛ̀ŋ kìɛŋ, koɓɛ̀ wo nyùnɔ̀ɔŋ gbiŋ mànàŋ niìŋ wɔ.