Luù 14:1 - WƆŊ FƐ̀Ì EBÒ SÌÀŊ DAYÀA

¹ Kè Ɗɔ̀ɔ̀ zòòlò aŋ Juùù nyaŋ bà guùŋ diɛŋ wo Jisɛ̀ naŋ wa kɔ̀ ko gbòò wo nyùùŋ gbèè aŋ Fɛlosiì nyaŋ bà guùŋ ko jììyè nɛ̀ŋje. Yèè anyùùŋ nyaŋ gbiŋ nauŋ wa jàà fɛ̀ɛ̀ diɛŋ.

Luù 14:1 ပူးပေါင်းရင်းမြစ်များ

Maafiù 12:12

Wo nyuùŋkpùuŋ kuwa e sɛmɛ e nìàŋ wo ɓaawaa! Sèè è nɔ̀ŋ yɛi, ke Sàwà wiɛ̀ naŋ wi gè nyààŋ diɛŋ wèè eiŋ nyɛ̀nɛ̀ŋ e keì sìàŋ, wèè eiŋ sùngà wo nyùùŋ bà ke Ɗɔ̀ɔ̀ Zòòlò aŋ Juùù nyaŋ diɛŋ.”

Luù 11:37

Nààŋ wo Jisɛ̀ naŋ wa kpɛ̀ɛ̀yɛ̀ gbòa, wo Fɛlosiìɔ bà nauŋ dawè wèè wo ka ko gboouŋ noo wèè aŋ jènɛ̀ŋ. Yèè wò naŋ kɔ̀ wo jɛi wèè aŋ jènɛ̀ŋ.

Luù 14:2

E teenga kpuu sùà wo felaa bà kuwa wa maŋ kuàŋ yèè maŋ golò mìngè minge naŋ hnè koɓɛ̀ Jisɛ̀i.

Luù 17:20

Aŋ Fɛlosiì nyaŋ bà nyiŋ naŋ dàwè wo Jisɛ̀ nyààŋ, “Kiìŋ è teenga e Kànà Dayàa do nàŋ hnè?” Yèè wo Jisɛ̀ naŋ nyiŋ fasàì wààŋ, “E Kànà Dayàa e fè è nɛ̀ŋ wèè e hnàŋ wò nyùùŋ do niŋ yɛmɛ̀.

Luù 20:20

Kpeiŋ aŋ jòò Jisɛ̀ nyɛɛ̀ŋ nauŋ tɔ̀ɔ̀tù tùàŋ maŋ nɔnɔŋ sɔ̀pɛsɔ̀pɛ, esaɓù kɛ̀ àŋ manaŋ wa auŋ kìlà koɓɛ̀ anyùùŋ gbèègbèè fùɔ̀ŋ Luùm nyaŋ. Kpeiŋ àŋ naŋ kìɛ̀ŋ aŋ felaa bà ke gòò dùùm wèè aŋ tɔɔ̀ nyiŋ bi kɛ̀ àŋ yaà anyùùŋ tɔ̀ɔ̀nyaàŋ, yèè àŋ naŋ nyiŋ tùɔ̀ŋ koɓɛ̀ Jisɛ̀i wèè aŋ kuwiàuŋ maŋ mààŋdàwè sùà wèè wo woò e keì naanààŋ.

Luù 6:7

Aŋ kààmɔ̀ɔ̀ŋ maŋ Sàwà Dayà nyaŋ bà yèè aŋ Fɛlosiì nyaŋ bà yào wa àŋ manaŋ wa auŋ kùwìà ke sàwà e keì naanààŋ nyɛ̀nɛŋ. Yèè àŋ nauŋ jàà fɛ̀ɛ̀ diɛŋ wèè aŋ yɛmɛ̀ sèè mààŋ wò do wa nàŋ sùngò wo felaaà ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 3:1

Wo kenàŋ bà yaào wa àŋ nyaaŋ wo Nìkɔ̀dimɔ̀. Wò yaà wa wo nyùùŋ gbèè aŋ Juùù nyaŋ bà guùŋ e yìwìà ke gbòò aŋ Fɛlosiì nyaŋ sùà.

Nyɛ̀nɛ̀ŋ 5:34

Kɛɛ wo Fɛlosiì bà àŋ nyaaŋ wo Gàmalià, wo kààmɔ̀ɔ̀ŋ maŋ Sàwà Dayàa bà guùŋ, e kìlà anyùùŋ nyaŋ gbiŋ kiɛ̀uŋ wa e ɓɛ̀ɛ̀jàa gbee, naŋ sìè anyùùŋ gbèègbèè fuɔŋ nyàŋ feìŋ, yèè wò naŋ wòò anyuùŋ tùnìàŋ ke Sààŋ Zòòloɛ̀ kɛ̀ aŋ fulià aŋ keela nyàŋ ko jɔɔlèi tòloò,