Luù 13:33 - WƆŊ FƐ̀Ì EBÒ SÌÀŊ DAYÀA

³³ Kɛɛ mìŋ do nàŋ dè dòmàŋ nàaŋ, nàwèè yèè ke ɗɔɔɛ̀ bàa. Esaɓù kɛ̀ ko Jùlusɛ̀làm nàŋ siaŋ wèè ao jìwìà wo wɛ̀ijì.”

Luù 13:33 ပူးပေါင်းရင်းမြစ်များ

Maafiù 20:18

Wo Jisɛ̀ naŋ nyiŋ woò wààŋ, “Kùmianìim tɛ̀ɛ̀, è yààìŋ kɔ̀ɔ̀yɛ̀ ko Jùlusɛ̀làm ko yèi àŋ do nàŋ gè miàim wo Jɔ̀àfèlàà Nyuùŋ Kpùnɔɔ̀ŋ nyààŋ diɛŋ koɓɛ̀ aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ hèè e kìtì fàa diɛŋ,

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Luù 9:53

Kɛɛ anyùùŋ ko jawa bi naŋ wa gè maŋhɛɛ wèè auŋ jàà kùàŋ dìì, esaɓù kɛ̀ è yaà janjai kɛ̀ wò yaà ke dòmàŋ kàauŋ nɛɛ̀ŋ diɛŋ wèè ko Jùlusɛ̀làm.

Jɔ̀ɔŋ 11:54

Esàɓù ke gbùnu yɛɛ̀, wo Jisɛ̀ fè wa ɓɛìŋ tɔ̀ɔ̀ wuŋ bi janyai kò ɓài àŋ Juùù nyaŋ tɛɛ. Wò naŋ wa kɔ̀ koɓɛ̀ e jawa bà àŋ nyaaŋ ko Ɛfilàm, ko gbɛ̀ɛ̀ e dìì ke fòungà wòaà. Kuŋ wuŋ yaà anyùùŋ màŋjɛ̀wɛ̀uŋ nyàŋ naŋ wa nɔ̀ŋ.

Jɔ̀ɔŋ 11:9

Yèè wo Jisɛ̀ naŋ nyiŋ fasàì wààŋ, “Sɔ̀ɔ̀ è kùwàìŋ è hààwà zììyà jɛ̀wɛ̀ tìyèe kè ɗɔɔ gbiŋ sùà? Sèè mùŋ kaaìŋ maŋ gɔɛɛ, mùŋ do nàŋ kààìŋ e gbòlòùŋ e gɔɛɛ mɛ̀ɛɛ̀ŋ e ɗuunyaŋ lɛɛ̀, yèè mùŋ do nàŋ yɛ̀mɛ̀ dìì e kìlà muŋ naàŋ duonò.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 13:27

Anyùùŋ nyaŋ ko Jùlusɛ̀làm yèè anyuùŋ gbeegbèè nyiŋ nyàŋ naŋ wa gè maŋhɛɛ wèè aŋ nyìmàŋ kɛ̀ wò Jisɛ̀ nàŋ yaà wa wò yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè anyùùŋ nyaŋ gbiŋ e ɗuunyaàŋ. Yèè aŋ gò wa nyìmàŋ màŋ miè gbìaŋ màŋ aŋ wɛ̀ijì nyaŋ naŋ wa sìngè maŋ, jòòpɛɛ àŋ kpɛ̀nɛ̀ŋ miìŋ wa e teenga gbiŋ ke Ɗɔ̀ɔ̀ Zòòlò aŋ Juùù nyaŋ diɛŋ. Yèè àŋ naŋ wa gììyè wo Jisɛ̀ maŋhɛɛ màànààŋ nɔŋ aŋ wɛ̀ijì nyaŋ naŋ wa woò lɛ. Àŋ naŋ wa nyɛ̀nɛ̀ŋ e yèɛ nɔŋ wɔŋ Fɛ̀ì Dayàa naŋ wa woò lɛ.