Luù 13:28 - WƆŊ FƐ̀Ì EBÒ SÌÀŊ DAYÀA

²⁸ Kpeiŋ sèè àŋ gbìɛ̀ìŋ ko jɔɔlèi, nìŋ do nàŋ gòlò e kìlà naŋ gbìlà le sìaiŋ nɛ̀ esaɓù kɛ̀ nìŋ do nàŋ yɛ̀mɛ̀ wo Eɓulɔhɛɛ̀ŋ, wo Ààze, wo Jègɔ, yaà aŋ wɛ̀ijì nyaŋ gbiŋ e Kànà Dayàa sùà.

Luù 13:28 ပူးပေါင်းရင်းမြစ်များ

Maafiù 13:42

Àŋ do nyiŋ nàŋ gbìɛ̀ŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ nyiŋ nɛ̀.

Maafiù 13:50

Kpeiŋ àŋ do nàŋ gbìɛ̀ŋ anyùùŋ maŋ kpèè naanààŋ nyaŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ.”

Maafiù 22:13

Kpeiŋ wo kanaà naŋ wòò aŋ ɓɔìjɔ̀àuŋ nyàŋ wààŋ, ‘Dèkaìŋ wo felaa wɛɛ̀ maŋ kùàŋ yèè maŋ gòlò niŋ gbìàuŋ ko jɔɔlèi ke nyiwì gènaàŋ sùà. Kuŋ wò do nàŋ nɔ̀ŋ wò golo yèè wò gbile le sìàuŋ nɛ̀.’ ”

Maafiù 24:51

Wo ɓɔìjɔ̀à wɛɛ̀ do nàŋ kɔ̀ e keì nyìnga dìì yèè auŋ gbìàŋ koɓɛ̀ nyùùŋ fɛ̀ɛ̀ ɗòònààkeì nyaŋ. Kuŋ àŋ do nàŋ nɔ̀ŋ àŋ golo yèè àŋ gbile le sìaŋ e keì nyìnga sùà.”

Maafiù 25:30

Mùŋ yaà wo ɓɔìjɔ̀à kpàna foo, yèè àŋ doum nàŋ gbìɛ̀ŋ ke nyiwì gènaŋ sùà, ko yèi mùŋ do nàŋ gòlò yèè maŋ gbìlà le sìaŋ mɔ̀ɛ̀ e keì nyìnga dìì.’ ”

Luù 10:15

Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ!”

Luù 14:15

Nààŋ wo nyùùnèènyɛiŋ nɔɔ̀ŋ bà guùŋ jaa wa wɔŋ gbɛ̀gbɛ̀ɔ diɛŋ naŋ tɛɛ̀ kòmò, wò naŋ wòò wò Jisɛ̀ wààŋ, “E zɔlɔ̀ do nàŋ nɔ̀ŋ anyùùŋ nyaŋ do nàŋ nɔ̀ŋ wɔŋ ɗaaà diɛŋ nyàŋ e Kànà Dayàa sùà.”

Luù 16:23

Kpeiŋ wò naŋ gè fɛ̀ɛ̀ dìì e yìwìà ko jàhamaŋ, ko yèi wò yaà wa e keì nyìnga dìì lɛ, yèè wò naŋ yɛ̀mɛ̀ wo Eɓulɔhɛɛ̀ŋ koɓɛ̀ dii yaà wo Lazɔlɔ̀ àŋ jaa koɓɛ̀ guùŋ.

2Tɛsè 1:5

Tɛɛ̀ gbiŋ naŋ tɔɔ̀ kɛ̀ e kèì gbàì Dayà è yaà tɔ̀ɔ̀nyaàŋ wèètii wo Dayà doiŋ nàŋ jàà kùàŋ dìì wèè naŋ nɔ̀ŋ anyuùŋ kɛnɛ e kanauŋ nɛ̀ sùà, e yèɛ nìŋ yaà mɔɔnɛŋ weè niŋ lɛ̀.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.