Luù 13:19 - WƆŊ FƐ̀Ì EBÒ SÌÀŊ DAYÀA

¹⁹ E ɗewe lɛɛ̀ e Kànà Dayàa è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo. Kè dɛɛ̀ ke nɔ̀ŋ ke kuù gbee, e kìlà aŋ wòì nyaŋ ko fùùiŋ hnàŋ aŋ nyɛ̀lɛ̀ maŋ jie nyiŋ màŋ maŋ kpee nyiŋ màŋ sùà.”

Luù 13:19 ပူးပေါင်းရင်းမြစ်များ

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Luù 17:6

Wo Kanaà Jisɛ̀ naŋ nyiŋ fasàì wààŋ, “Sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò ke nyɔ̀lì kuu yɛɛ̀ nààŋ, ‘Fìè muŋ ka muŋ sie wɔŋ juwoɔ̀ tɛ̀ɛ̀.’ E yèɛ nìŋ naŋ woò lɛ è do nàŋ hɛɛnɛ̀ŋ.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Maŋ kèì nyɛɛnɛŋ 11:15

Wo màìkà nɔɔnɔŋ letìyèeɔ̀ naŋ fùɔ̀ŋ e pòtanàuŋ nɛ̀, yèè mìŋ naŋ kòmò maŋ mìè gbɔ̀ɔ gbee e yìwìà ko àìjɛnɛ̀ŋ màŋ yaà woo wààŋ, “E kànà ɗuunyaàŋ è yaà naàŋ wèè wo Kana wiɔ̀ Dayà yèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, yèè wò do nàŋ nɔ̀ŋ wo kana wèè julɔfɔ yèè julɔfɔ.”