Luù 13:16 - WƆŊ FƐ̀Ì EBÒ SÌÀŊ DAYÀA

¹⁶ Weètii yɛ̀mɛ̀ wo nìe wɛɛ̀, wo jɔ̀àjɔ̀ùŋ Eɓulɔhɛɛ̀ɔŋ bà guùŋ wo yèɔ wo Sɛ̀tanàaŋ naŋ wa naàŋ dìkìè maŋ jɔ̀ɔɔ wèè maŋ dòà zììyà jɛ̀wɛ̀ nɔɔnɔŋ le taai. Yèè mààŋ e fè è tɔ̀ɔ̀nyaàŋ wèè wo nɔ̀ŋ sùngauŋ kè Ɗɔ̀ɔ̀ Zòòlò àŋ Juùù nyaŋ diɛŋ?”

Luù 13:16 ပူးပေါင်းရင်းမြစ်များ

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Luù 16:24

Wo kenàŋ bàneɔ̀ naŋ wòò wo Eɓulɔhɛɛ̀ŋ wààŋ, ‘Dàa Eɓulɔhɛɛ̀ŋ, yɛ̀mɛ̀im ke nyowo! Tuàŋ wo Lazɔlɔ̀ wèè wo dè ke kiiòuŋ nɛɛ̀ŋ e wùìyè sùà yèè wo dè miŋ e milè, esaɓù kɛ̀ mìŋ yaà kùwìè e keì nyìnga zimgbe e hmɔ̀ɔ̀ŋ lɛɛ̀ sùà.’

Luù 19:9

Yèè wo Jisɛ̀ nauŋ woò wààŋ, “E jòèye è nàaŋ hnàŋ ko gboo yaà, esaɓù kɛ̀ wo felaa wɛɛ̀ wuŋ pɛɛ wò yaà wo jɔ̀ɛ̀jɔ̀ɛ̀ Eɓulɔhɛɛ̀ɔŋ bà.

Luù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀ tɔɔɓaa nàŋ fè maŋ tùwo naanààiŋ màŋ jɛwɛ. Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

2Time 2:26

E jiikɛ̀ɛ do nyiŋ nàŋ dè aŋ fòlà ke gbàù Dɛwìɔ sùà, wo yèɔ naŋ nyiŋ wa kùwò yèè wò naŋ nyiŋ nyɛ̀nɛ̀ŋ wèè aŋ jɔ̀ɔ̀lɔ̀ e gaàuŋ nɛ̀ dìì nyaŋ.