Luù 12:8 - WƆŊ FƐ̀Ì EBÒ SÌÀŊ DAYÀA

⁸ “Tɔ̀ miŋ woòiŋ e tɔɔɓaà kɛ̀, anyùùŋ nyaŋ naŋ wòò ko fɛɛ̀feìŋ anyùùŋ nyààŋ àŋ yaà aŋ bàimbà nyaŋ, miàim wo Jɔ̀àfèlàà Nyuùŋ Kpùnɔɔ̀ŋ do wa nàwèè nàŋ wòò ko fɛ̀ɛ̀fèìŋ aŋ màìkà Dayà nyaŋ kɛ̀ àŋ yaà anyùùŋ màŋjɛ̀wɛ̀im.

Luù 12:8 ပူးပေါင်းရင်းမြစ်များ

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

2Time 2:12

Sèè è naiŋ jèè kɔ̀ɔ̀yɛ̀ keì nyìnga dìì, yàwiiŋ nyiŋ doiŋ nàŋ nɔ̀ŋ e kana kɛ̀ɛ̀uŋ nɛ̀ sùà. Sèè euŋ gììyà maŋhɛɛ, wò do wi nàŋ gììyè maŋhɛɛ.

1Jɔ̀ɔŋ 2:23

Aŋ yè nyaŋ gò jàà wò Jɔ̀àfelaaà kùàŋ dìì nyaŋ, aŋ gò jàà wò Dèdaà kùàŋ dìì. Aŋ yè nyaŋ gbiŋ naŋ jàà wo Jɔ̀àfelaaà kùàŋ dìì nyaŋ, àŋ naŋ jàà wo Dèdaà kùàŋ dìì.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 2:13

Kà nyìmàŋ kɛ̀ koɓɛ̀i mùŋ joà lɛ, kuŋ wo Sɛ̀tanàŋ kuwa ke kpùà kanauŋ nɛɛ̀ŋ. Mùŋ yaà e tɔ̀ɔ̀nyaàŋ sùà ko nɛ̀ɛ̀ŋ miìŋ, e kìlà muŋ gò gììyà è hààwe mɔ̀ɛ̀ màŋhɛɛ e deè mɛ̀ sùà, e yìwìà e teengaà pɛɛ àŋ naŋ wa jìwè wo Aŋtipà, wo sèì tɔ̀ɔ̀nyaàŋ miɔ̀ŋ, koɓɛ̀i wo Sɛ̀tanàŋ joà lɛ.