Luù 12:57 - WƆŊ FƐ̀Ì EBÒ SÌÀŊ DAYÀA

⁵⁷ Wo Jisɛ̀ naŋ ɓɛìŋ woò wààŋ, “Wèè kiìŋ niŋ fè gbaì wèè nyɛ̀iŋ bi wèè naŋ nyɛ̀nɛ̀ŋ è kèì tɔ̀ɔ̀nyaàaŋ?

Luù 12:57 ပူးပေါင်းရင်းမြစ်များ

Maafiù 21:21

Wo Jisɛ̀ naŋ nyiŋ fasàì wààŋ, “Mìŋ yààìŋ wòò sùà e tɔɔɓaaà, sèè wo nyùùŋ gbiŋ wo kɛ̀ɛ̀nɛ̀ŋ e hààwe yèè wo gò sikà, wò ɓɛ̀nɛ̀ŋ nyɛ̀nɛ̀ŋ e nɛ̀ŋ guùŋ nɛ mìŋ naŋ nyìnìè ke feè kùù yɛɛ̀ lɛ. Yèè e fè ngèè nɔ̀ŋ è yè tɛɛ̀, kɛɛ wò ɓɛ̀nɛ̀ŋ wòò wɔŋ toò wɛɛ̀ŋ wààŋ, ‘Fìè muŋ sɛɛ̀ wɔŋ juwoɔ̀ sùà,’ yèè è do nàŋ hɛɛnɛ̀ŋ.

Maafiù 21:32

Mìŋ woàìŋ tɛɛ̀ esaɓù kɛ̀, jòòpɛɛ e teengaà wo Jɔ̀ɔŋ Gùà Nyùnɔ̀ɔŋ naiŋ wa tɔ̀ɔ̀ ke dòmaŋ tɔ̀ɔ̀nyaàŋ lɛ̀, niŋ gòuŋ wa haawè. Kɛɛ anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyuùŋ nyɛ̀nɛ̀ŋ maŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nauŋ wa haawè. Yèè nààŋ pɛɛ nìŋ naŋ wa yɛ̀mɛ̀ e yèɛ àŋ nyɛ̀nɛ̀ŋ lɛ̀, maŋ jiiŋ màŋ gò wa kìlà wèè nauŋ haawè.”

Luù 21:30

Nààŋ nɔŋ màŋ tɔɔtù maŋ tùwa jɛi ɓème, nyìmaìŋ kɛ̀ e sɛ̀ɛ̀ɛ kòò è yaà dòmaŋ.

Jɔ̀ɔŋ 7:24

Ɓɔ̀ mùŋ gbaì wò nyùùŋ wèè èsàɓù è nɛ̀ɛŋ wò naŋ nyɛ̀nɛ̀ŋ è naŋ tèènè è bàa lɛ̀, kɛɛ gbàì wò nyùùŋ wèè e yèɛ wò naŋ nyɛ̀nɛ̀ŋ è yaà tɔ̀ɔ̀nyaàŋ lɛ.”

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

1 Kɔliìŋ 11:13

Hàaìŋ e kiti wèè nyɛ̀iŋ bi sèè mààŋ è yaà tɛ̀ɛ̀ wèè wo jɔùŋ wo zoolò Dayà kò ɓài e yèɛ wo fè dèkà è ɗì lɛ.

1 Kɔliìŋ 11:14

Sɔ̀ɔ̀ è yaà kè kpèè naanààŋ yèè è kèì sàngè wèè wò felaa kùwìè è ɗì duum mùlò mulo?