Luù 12:45 - WƆŊ FƐ̀Ì EBÒ SÌÀŊ DAYÀA

⁴⁵ Kɛɛ sèè wo ɓɔìjɔ̀à wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ wèè wo kɛ̀ɛ̀ maŋjɛ̀wɛ,’ yèè wo tɔ̀ɔ̀tù ɓùlà aŋ ɓɔìjɔ̀à dàwiuŋ nyàŋ, kpeiŋ wuŋ yaà anyùùŋ aŋ jènɛ̀ŋ yèè aŋ tìyà maŋ mùàŋ koɓɛ̀ guùŋ e jèèsùà maŋ mùàŋ maŋ mauŋ kùwà.

Luù 12:45 ပူးပေါင်းရင်းမြစ်များ

Maafiù 22:6

Aŋ bà nyiŋ naŋ wa kùwò aŋ ɓɔìjɔ̀à nyaŋ, aŋ ɓùlà aŋ bà nyiŋ, yèè aŋ jìwà aŋ bà nyiŋ.

Luù 12:44

Miŋ woòiŋ e tɔɔɓaaà, wo ɓɔìjɔ̀àa naŋ jilɛ̀ŋ e teenga gbiŋ wɔ̀, wo kààmɔɔuŋ nɔɔ̀ŋ douŋ naŋ sèèlè e bàneuŋ nɛ̀ gbiŋ feìŋ.

Luù 12:46

Sèè è kaaìŋ yɛi, wo kààmɔ̀ɔ̀ŋ wo ɓɔìjɔ̀àa do nàŋ hnè ke ɗɔ̀ɔ̀ guùŋ e teengaà wo ɓɔìjɔ̀àa naàuŋ nɔ̀ŋ yɛ̀ɛ̀mɛ̀ dòmaŋ yèè e teengaà wo nyimààŋ lɛ. Wo ɓɔìjɔ̀à wɛɛ̀ do nàŋ kɔ̀ e keì nyìnga dìì yèè auŋ gbìàŋ koɓɛ̀ aŋ ɓɔìjɔ̀à gò kɛ̀ɛ̀nɛ̀ŋ tɔ̀ɔ̀nyaàŋ nyaŋ.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Jɔ̀ɔŋ 2:10

yèè wò nauŋ woò wààŋ, “Wo nyùùŋ gbiŋ wɔŋ ɗaa gèeo sùà wò kiɛ̀ŋ wa maŋ tala muaŋ kɛnɛ màŋ jiɛ̀ koɓɛ̀ anyùùŋ nyaŋ. Yèè sèè àŋ tie naàŋ zimgbe maŋ jii fà nyìŋ, kɛ̀ wò ngàà hìàŋ maŋ zɔwùù maŋ. Kɛɛ mùŋ naŋ miŋ jèè kɛɛnɛŋ e hàì ko dìà wɔŋ ɗaaà!”

Nyɛ̀nɛ̀ŋ 2:18

Hɛ̀ɛɛ̀ŋ, aŋ ɗo felaa yaà aŋ ɗo jɔùŋ nyaŋ kàìŋ nyaŋ pɛɛ diɛŋ, maŋ ɗɔɔ miiŋ sùà mìŋ do nyiŋ nàŋ kìɛ̀ŋ wo Jinàŋ miɔ̀ŋ, wèè aŋ woò maŋ miè gbìaŋ màŋ koɓɛ̀ anyùùŋ.

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

1Tɛsè 5:7

E dùùm anyùùŋ jiwìà, yèè e dùùm maŋ mùàŋ kùwò nyiìŋ.

2Pììlɛ 2:13

Àŋ naŋ jàà e nànàŋ yèè e nànàŋ nàŋ do nyiŋ nàŋ mɛɛ̀ŋ wèè e jìwààjɛ̀wɛ̀ nyiŋ nɛ̀. E je nyiŋ gbanaà nàŋ yaà wèè aŋ nyɛ̀nɛ̀ŋ maŋ kèì kàaɓì gbiŋ maŋ gɔɛ janyai maŋ yè maŋ do nàŋ fɔ̀ɔ̀yɛ̀ e kɔɔ nyiŋ nɛ̀ jii lɛ̀. È yaà e sàngè yèè e ɓɛ̀ɛ̀pɔ̀ɔ nààŋ nyɛ̀iŋ nyiŋ nìŋ jiiyà nɛ̀ŋ koɓɛ̀ guùŋ, e teenga gbiŋ ko jììkà maŋ tùwò kàaɓì nyiŋ màŋ.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.

Maŋ kèì nyɛɛnɛŋ 16:6

Àŋ naŋ wa wùɔ̀ŋ maŋ sɛ̀ìŋ anyùùŋ nɛɛmaŋ nyàŋ yèè aŋ wɛ̀ijì nyaŋ, weètii mùŋ naŋ nyiŋ kìɛ̀ŋ maŋ sɛ̀ìŋ wèè aŋ tìà. Àŋ yaà yɛ̀ɛ̀mɛ̀ e nɛ̀ɛŋ naŋ nyiŋ tɛɛwɛ̀ lɛ!”

Maŋ kèì nyɛɛnɛŋ 18:24

Wo Dayà naŋ wa pɔ̀ɔ̀pɔ̀ɔ̀ ko Ɓaɓelɔ̀ùŋ esaɓù kɛ̀, maŋ sɛ̀ìŋ anyùùŋ nɛɛmaŋ nyàŋ yèè maŋ sɛ̀ìŋ aŋ wɛ̀ijì nyaŋ yèè anyuùŋ joo naŋ wa ɓààyè ko jawa gbeeì e dììɛ diɛŋ.