Luù 12:4 - WƆŊ FƐ̀Ì EBÒ SÌÀŊ DAYÀA

⁴ “Tɔ̀ miŋ woòiŋ dàwiim nyàŋ, ɓɔ̀ nìŋ dùàŋ ànyùùŋ nyaŋ jiwe kè kpùnaŋ mɔɛ̀ŋ nyaŋ, kɛɛ eɓìèmàŋjɛ̀wɛ̀ tii, aŋ fè ɓɛìŋ ɓɛ̀nɛ̀ŋ nyɛ̀nɛ̀ŋ è nɛ̀ŋ bà gbiŋ è do tii nìàŋ.

Luù 12:4 ပူးပေါင်းရင်းမြစ်များ

Maafiù 10:28

Ɓɔ̀ nìŋ dùàŋ ànyùùŋ nyaŋ jiwe ke kpùnaàŋ nyaŋ, kɛɛ eɓìèmàŋjɛ̀wɛ̀ tii aŋ fè ɓɛ̀nɛ̀ŋ jìwà wɔ̀ŋ nyììŋ jinàaŋ. Kɛɛ dùaìŋ wo Dayà, wo yèɔ pɔɔpɔ̀ɔ̀ ke kpùnaàŋ yaà wɔŋ nyììŋ jinàaŋ ko jàhamaŋ wɔ̀.

Jɔ̀ɔŋ 15:13

Sèè wo nyùùŋ wo fà wèè wo tɔɔ̀ e mànaŋ koɓɛ̀ aŋ dàwiuŋ nyàŋ, tɛɛ̀ è tɔɔ̀ kɛ̀ wo fè ɓɛìŋ ɓɛ̀nɛ̀ŋ tɔ̀ɔ̀ è mànaŋ bà gbiŋ è do dɛkɛ̀ è do nìàŋ wɔ̀ŋ nyiiuŋ nɔɔ̀ŋ wò naŋ kiɛ̀ŋ wɔŋ weè nyiŋ.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Fèle 1:28

Kɛ̀ɛ̀nɛiŋ maŋ jii nyingè sèè nyɛ̀iŋ yèè aŋ jooiŋ nyàŋ nìŋ deenàŋ koɓɛ̀ guùŋ. Ke jii tùliaiŋ nɛɛ̀ŋ do nyiŋ nàŋ tɔɔ̀ kɛ̀ wo Dayà do nyiŋ nàŋ pɔɔpɔ̀ɔ̀, yèè kè doiŋ nàŋ tɔɔ̀ kɛ̀ wo Dayà doiŋ nàŋ joeyè. Wo Dayà do nàŋ nyɛ̀nɛ̀ŋ tɛɛ̀ gbiŋ e kaaìŋ.

Jìiiŋ 2:23

Yèè e mìè nyààŋ wɔŋ fɛ̀ì Dayàa naŋ nɔ̀ŋ tɔ̀ɔ̀nyaàŋ nààŋ wɔ̀ŋ naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè esàɓù hààweuŋ nɛ̀ sùà wo Dayà nauŋ wa jàà kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ.” Yèè wo Dayà naŋ wa nyààŋ Eɓulɔhɛɛ̀ŋ wo dàwiuŋ.

1Pììlɛ 3:14

Kɛɛ sèè pɛɛ maŋ kà e keì nyìnga dìì wèè e tɔ̀ɔ̀nyaàŋ, wo Dayà doum nàŋ kpuumò. Wèètii ɓɔ̀ mùŋ dùàŋ nyùùŋ gbiŋ, yèè ke jii mɔɛ̀ŋ ɓɔ̀ kè sɛɛɛ̀ wèè è nɛ̀ɛŋ ànyùùŋ naŋ ɓɛ̀nɛ̀ŋ nyɛ̀nɛŋ lɛ̀.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”