Luù 12:33 - WƆŊ FƐ̀Ì EBÒ SÌÀŊ DAYÀA

³³ Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 12:33 ပူးပေါင်းရင်းမြစ်များ

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 11:41

Kɛɛ kìɛ̀ŋ manɛ̀ŋ maŋ yaà maŋ kpòò tììyaiŋ màŋ yèè maŋ tɛnyɛ̀iŋ màŋ sùà koɓɛ̀ anyuùŋ pɔ̀ɔ nyàŋ, kɛ̀ e yèɛ gbiŋ nìŋ kuwa lɛ̀ è nɔ̀ŋ zɛ̀nɛŋ niŋ tɛ̀ɛ̀ koɓɛ̀ Dayài.”

Luù 12:21

Wo Jisɛ̀ naŋ jìwè nyààŋ wò naŋ woò wààŋ, “Yɛi è do nàŋ nɔ̀ŋ wèè anyùùŋ nyaŋ naŋ gbònò e bàne wèè nyiŋ bi nyàŋ, kɛɛ aŋ gò banè wò Dayà fɛɛ̀feìŋ.”

Luù 16:9

Yèè wo Jisɛ̀ naŋ ɓɛìŋ woò wààŋ, “Weètii tɔ̀ miŋ woòiŋ, tòòmoìŋ e nɛɛnɛɛ̀ŋ nìŋ naŋ yɛmɛ̀ e kàaɓì sùà lɛ e ɗuunyaàŋ lɛɛ̀ wèè niŋ kpuumàŋ anyùùŋ, wèè aŋ nɔ̀ŋ anyuùŋ mɔ̀ɔ̀nɔiŋ. Kpeiŋ sèè nìŋ fà e yèɛ niŋ fè ɓɛ̀nɛ̀ŋ kòà è nɛɛnɛŋ lɛ̀, kɛ̀ wo Dayà yaà aŋ màikàuŋ nyaŋ doiŋ nàŋ ɓeè aiŋ jàà kùàŋ dìì aiŋ kìɛ̀ŋ maŋ vààyà saaŋ ko yè dò nàŋ nɔ̀ŋ wèè julɔfɔ lɛ̀ ko àìjɛnɛ̀ŋ.

Luù 18:22

Nààŋ wo Jisɛ̀ naŋ tɛɛ̀ kòmò, wò nauŋ woò wààŋ, “E kèì ɗì guùŋ naŋ ɓɛìŋ joo wèè maŋ nyɛ̀nɛ̀ŋ. Kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Nyɛ̀nɛ̀ŋ 2:45

Àŋ hewa mààŋ manɛ̀ŋ siwè nyiŋ màŋ e kìlà aŋ gòònò e nɛ̀ɛ̀nɛ̀ŋ nyiŋ biɛ̀ e fèemàŋ e ɗeweɛ̀ wo nyùùŋ gbiŋ manaŋ wa lɛ̀.

2 Kɔliìŋ 8:2

Àŋ naŋ kɔ̀ɛ̀ maŋ wɔ̀à keì nyìnga dìì tiwìtiwì kàìŋ, kɛɛ e zɔlɔ̀ nyiŋ nɛ̀ naŋ dɛ̀ɛ̀ zimgbe, e nɔ̀ŋ saɓù wèè àŋ gè nɛ̀ŋ kùàŋ e kìɛŋ nyiŋ nɛ̀ sùà jòòpɛɛ àŋ yaà anyuùŋ pɔ̀ɔ.