Luù 12:31 - WƆŊ FƐ̀Ì EBÒ SÌÀŊ DAYÀA

³¹ Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀, wòiŋ kìɛ̀ŋ manɛ̀ŋ mɛɛ̀ŋ.

Luù 12:31 ပူးပေါင်းရင်းမြစ်များ

Maafiù 6:33

Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀ wòiŋ kìɛ̀ŋ manɛ̀ŋ gbànaŋ mɛɛ̀ŋ gbiŋ.

Luù 10:42

kɛɛ e kèì ɗì guùŋ nɔŋ nàŋ yaà e kɛnɛɛ̀. Wo Mèèle zà naŋ ɓèmè e keì kɛnɛ bi wèè wò niŋ nyɛ̀nɛ̀ŋ, e yèɛ wo nyùùŋ gbiŋ naàuŋ niŋ ɓɛ̀nɛ̀ŋ gè sìwè.”

Luù 12:30

Anyùùŋ nyaŋ nɔŋ gongà maŋ keì mɛɛ̀ŋ e teenga gbiŋ nyàŋ nàŋ yaà anyùùŋ nyaŋ fè àŋ Juùù nyaŋ e ɗuunyaŋ lɛɛ̀. Wo Dèdaiŋ nɔɔ̀ŋ ko àìjɛnɛ̀ŋ nyìmàŋ kɛ̀ nìŋ naŋ kpɛɛ̀ŋ wèè mànɛ̀ŋ mɛɛ̀ŋ.

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Luùm 8:31

Kiìŋ è naiŋ ɓɛ̀nɛ̀ŋ wòo e nyaàiŋ dè maŋ keì mɛɛ̀ŋ gbiŋ? Sèè wo Dayà nɔ̀ŋ weè wi, kɛ̀ ɓòò naŋ ɓɛ̀nɛ̀ŋ nɔ̀ŋ wo joo wi?

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

Hiɓu 13:5

Ɓɔ̀ nìŋ nɔ̀ŋ ànyuùŋ mànàŋ nɛɛnɛŋ zimgbe. Kɛ̀ɛ̀nɛìŋ ke jii fàa wèè e yèɛ nìŋ kuwa lɛ̀. Wo Dayà naŋ woò wààŋ, “Miŋ naàum wa nàwèè jòò, e kìlà miŋ naàum wa nàwèè gììyè kɛ̀ɛ.”