Luù 12:28 - WƆŊ FƐ̀Ì EBÒ SÌÀŊ DAYÀA

²⁸ Wo Dayà nàŋ kpaa maŋ dɛɛ ɓou màŋ gbiŋ ke fòungàa. Jòòpɛɛ màŋ yaà nàaŋ kià kɛɛ màŋ miŋ ɓɛ̀nɛ̀ŋ kɛ̀ɛ maŋ miŋ gbìàŋ ko hmɔ̀ɔ̀ŋ nàwèè maŋ hèwà. Wo Dayà ngèè ɓɛ̀nɛ̀ŋ nyɛ̀nɛ̀ŋ e gbee niŋ e weèum. Wèè kiìŋ mùŋ kuwa yɛi e hààwe jɔa tòloò?

Luù 12:28 ပူးပေါင်းရင်းမြစ်များ

Maafiù 14:31

Wo Jisɛ̀ naŋ kɔ̀ wò nauŋ kùwò fiò yèè wò nauŋ dawè wààŋ, “Felaa kùwìè hààwe jɔa wɛɛ̀! Wèè kiìŋ mùŋ naŋ hàà e hààwe mɔ̀ɛ̀ ɓula?”

Maafiù 16:8

Wo Jisɛ̀ wa nyìmàŋ kɛ̀ kiìŋ àŋ yaà wa woo nyiŋ bi e fèemàŋ, yèè wò naŋ nyiŋ dawè wààŋ, “Wèè kiìŋ nìŋ yaà woo kɛ̀ niŋ kuwà è gbɔ̀u? Wèè kiìŋ nìŋ yaà yɛi anyuùŋ kɛ̀ɛ̀nɛ̀ŋ hààwe jɔa?

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Maafiù 6:30

Wo Dayà nàŋ kpaa maŋ dɛɛ ɓou màŋ gbiŋ ke fòungàa. Jòòpɛɛ màŋ yaà nàaŋ kià kɛɛ màŋ miŋ ɓɛ̀nɛ̀ŋ kɛ̀ɛ maŋ miŋ gbìàŋ ko hmɔ̀ɔ̀ŋ nàwèè maŋ hèwà. Wo Dayà ngèè ɓɛ̀nɛ̀ŋ nyɛ̀nɛ̀ŋ e gbee niŋ e weèum. Wèè kiìŋ mùŋ kuwa yɛi e hààwe jɔa tòloò?

Maafiù 8:26

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Luù 8:25

Kpeiŋ wò naŋ wòò anyùùŋ màŋjɛ̀wɛ̀ nyaŋ wààŋ, “Kòò e hààweiŋ nɛ̀ yaà?” Kɛɛ è naŋ nyiŋ wa foonò e kìlà e jùù naŋ nyiŋ nyɛ̀nɛ̀ŋ, yèè àŋ naŋ kùùnò wòò nyiŋ bi e fèemàŋ nyààŋ, “Ɓòò naŋ yaà wo felaa wɛɛ̀? Wɔŋ dùfòìɔ yaà e bɔiŋ nɛ̀ kàìŋ nɛ pɛɛ jɔɔlɔ̀uŋ dìì!”

Hiɓu 6:7

E dììɛ siaŋ wèè anyuùŋ tòmò ɓù nyaŋ, sèè maŋ gɔ̀àà maŋ sɔɔ zimgbe wèè maŋ nyɛ̀nɛ̀ŋ manɛ̀ŋ wuiye màŋ bɔù tɛ̀ɛ̀. Wo Dayà kpuumàŋ ngèè e dìì mààŋ tii.

1Pììlɛ 1:24

Màànààŋ wɔŋ fɛ̀ì Dayàa naŋ woò lɛ wààŋ, “Maŋ kèìŋ nyuùŋkpùuŋ gbiŋ yaà mààŋ maŋ dɛɛ, yèè e siaŋ sìàŋ miŋ nɛ̀ è yaà mààŋ maŋ kùù fɛ̀ɛ̀ ɓie. Maŋ dɛɛ màŋ fuùù nɔŋ, e kuùfɛ̀ɛ̀ miŋ nɛ̀ è sɔ̀à,