Luù 12:19 - WƆŊ FƐ̀Ì EBÒ SÌÀŊ DAYÀA

¹⁹ Kpeiŋ kɛ̀ mìŋ do nàŋ wòò koɓɛ̀ miàŋ biì mìàŋ, “Kenàŋ fùà fenɔ̀ɔŋ! Mùŋ kuwa manɛ̀ŋ siaŋ màŋ gbiŋ mùŋ manaŋ màŋ wèè maŋ doa jika. Nyɛnɛ̀ŋ ke nyɛɛkɛŋ mɔɛ̀ŋ wɔŋ nyiiŋ gèe mɔɔ̀ŋ sùà, jè, tià yèè muŋ jikà muàŋ bi.” ’

Luù 12:19 ပူးပေါင်းရင်းမြစ်များ

Luù 12:18

Eɓìèmàŋjɛ̀wɛ̀ tii, wò naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ, mìŋ do nàŋ gɔ̀ɛ̀ maŋ kɛnyiim màŋ ka nyɛ̀lɛ̀ maŋ gbeegbèè miŋ, ko yèi mìŋ do nàŋ gbìɛ̀ŋ e kpàli komaŋ mɛ̀ yèè manɛ̀ŋ gbànaim màŋ gbiŋ lɛ̀.

Luù 16:19

“Wo kenàŋ bàne bà yaào wa wo yèɔ hewa kpàà maŋ deè nyìngà ɓaà tèènè maŋ dèè sɛ̀ìŋ tɔɔ yèè wò yaà ke nyɛɛnkɛŋ sùà ke ɗɔɔ gbiŋ.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

1 Kɔliìŋ 15:32

Kiìŋ nàŋ yaà e jìwà jɛ̀wɛ̀ mɛ̀ wèè anyìlì ɓie sùmiaŋ ko Ɛfesɔ̀? Kɛ sèè wo Dayà gò wa weè gè ànyuùŋ fàa nyàŋ è fàa dìì, kɛ̀ màànààŋ nɔŋ àŋ woà lɛ, “Tɔ̀ e jèiŋ nɛ̀ŋ, yèè e tìàiŋ nɛ̀ŋ saɓù kɛ̀ nàwèè è doiŋ nàŋ fɔ̀.”

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

1Time 5:6

Kɛɛ wo jɔ̀ùŋèèdààa naŋ sìè wuŋ bi e gbana sùà wɔ, wò yaà e fàauŋ tɛ, jòòpɛɛ wò yaà wɔŋ nyiiŋ gèeɔ̀ sùà.

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.

2Time 3:4

Àŋ do nàŋ nɔ̀ŋ anyùùŋ kàaɓì, anyuùŋ gììyà keì kɛ̀ɛ̀ɛ, yèè aŋ ɓèmè nyiŋ bi gbee, e kìlà àŋ do nàŋ kɛ̀ɛ̀nɛ̀ŋ e mànàŋ gbana e nìàŋ e mànàŋ Dayàa.

Jìiiŋ 5:5

E nɔ̀iŋ nɛ̀ e ɗuunyaàŋ diɛŋ nìŋ naŋ jìkà maŋ nɛ̀ŋje siaŋ, e kìlà naŋ gè gbana. Nàŋ nyɛ̀nɛ̀ŋ maŋ jiiiŋ màŋ dɛɛdɛ̀ɛ̀ nàŋ kùwìè maŋ kèìŋ wèè ke ɗɔ̀ɔ̀ jìwaiŋ nɛɛ̀ŋ diɛŋ.

1Pììlɛ 4:3

Nìŋ naŋ wa kòlò ko nyìnìè maŋ keì maŋ anyùùŋ nyaŋ fè àŋ Juùù nyaŋ manaŋ wèè nyɛ̀nɛŋ màŋ. Nìŋ yaà wa nyuùŋ naanààŋ nìŋ kuwa wa e ɗèwè maŋ keì naaŋ nààiŋ màŋ maŋjɛ̀wɛ. Nìŋ gèe wa kìlia ko tììyè maŋ mùàŋ yèè ko nyìnìè gbana, yèè ngèè, nìŋ yaà wa pɛɛ ko zòòlò maŋ gòò.

Maŋ kèì nyɛɛnɛŋ 18:7

Kìɛnùuŋ maŋ keì nyìnga zimgbe yaà ke jii mɔ̀ɔ̀nɛŋ, màànààŋ nɔŋ wò naŋ wa kìɛ̀ŋ wuŋ bi e jòòwo yèè wò naŋ jìkà e tɛ̀ɛ̀tɛ̀ɛ̀ ɗuunyaàŋ lɛ, esaɓù wò woà wuŋ bi ke jiiuŋ nɛɛ̀ŋ sùà wààŋ, ‘Kià mìŋ jaa, miàŋ nàŋ yaà wo jɔùŋ kana gbeeɔ̀! Miŋ fè wò jɔ̀ùnèèdàà, julɔfɔ miŋ naàŋ wa nàwèè kɛ̀ɛ̀nɛ̀ŋ kè jii mɔ̀ɔ̀nɛŋ!’