Luù 12:16 - WƆŊ FƐ̀Ì EBÒ SÌÀŊ DAYÀA

¹⁶ Kpeiŋ wo Jisɛ̀ naŋ nyiŋ wòò ke kàɓanè yɛɛ̀ wààŋ, “Wo felaa bà yaào wa wò kuwa e diì bàne e yèɛ hewa nyɛ̀nɛ̀ŋ manɛ̀ŋ wuiyeuŋ màŋ banè zimgbe.

Luù 12:16 ပူးပေါင်းရင်းမြစ်များ

Maafiù 13:8

Kɛɛ manɛ̀ŋ koei màŋ bà miŋ naŋ sɔ̀ɔ̀ e diì sìàŋ diɛŋ, maŋ wùìyà, maŋ dɛɛdɛ̀ɛ̀, yèè màŋ naŋ kòmò. Maŋ bà miŋ naŋ kòmò e komàŋ hɔ̀nɔ̀ɔ̀ guùŋ, maŋ bà miŋ naŋ kòmò e komàŋ kpɛ̀ùŋ jɛ̀wɛ̀ zììyà, yèè maŋ bà miŋ nàŋ kòmò e komàŋ kpɛ̀ùŋ taai.”

Maafiù 5:45

Kpeiŋ kɛ̀ nàŋ nɔ̀ŋ aŋ jɔ̀à koɓɛ̀ wo Dèdaiŋ nɔɔ̀ŋ ko àìjɛnɛ̀ŋ. Esaɓù kɛ̀ wò nyɛnɛŋ e gɔɛɛ dììkà anyùùŋ tɔ̀ɔ̀nyaàŋ nyaŋ yaà anyuùŋ naanààŋ nyaŋ diɛŋ, e kìlà wò nyɛnɛŋ maŋ gɔ̀à maŋ sɔ̀à anyùùŋ tɔ̀ɔ̀nyaàaŋ nyaŋ yèè anyuùŋ nyɛ̀nɛ̀ŋ maŋ tùwo naanààŋ nyaŋ diɛŋ.

Luù 12:15

Wo Jisɛ̀ naŋ ɓɛìŋ wòò e faaàŋ wààŋ, “Yɛ̀mɛìŋ nyiŋ bi diɛŋ wèè niŋ go nàŋ nyɛ̀nɛ̀ŋ e wànàŋ manɛ̀ŋ maŋ gbiŋ. Esaɓù kɛ̀ e bàne zimgbe kɛ̀ɛ̀nɛŋ nàŋ naàŋ jòèyè wɔ̀ŋ nyiiŋ mɔɔ̀ŋ. Miŋ gò kpɛɛ̀ŋ kɛ̀ diè mùŋ naŋ banè.”

Luù 12:17

Wo kenàaŋ naŋ wòò ke jiiuŋ nɛɛ̀ŋ sùà wààŋ, ‘Kiìŋ mìŋ naŋ ɓɛ̀nɛ̀ŋ nyɛ̀nɛŋ? Miŋ kuwà kò nɛ̀nɛ̀ŋ gbee wèè kao gbìàŋ mànɛ̀ŋ jè ɓù maŋ gbiŋ mìŋ kuwa màŋ.’

Nyɛ̀nɛ̀ŋ 14:17

Kɛɛ wò naŋ tɔɔ̀ kɛ̀ wò yaào wa e teenga gbiŋ e yìwìà maŋ keì sìàŋ maŋ wò naŋ nyɛ̀nɛ̀ŋ maŋ. Wo Dayà tuɔŋ maŋ gɔ̀àà e yìwìà ko àìjɛnɛ̀ŋ yèè màŋ nyɛnɛŋ manɛ̀ŋ wuiyeiŋ màŋ maŋ bɔù. Wò kiɛ̀ìŋ e nɛ̀ŋje yèè wò nyɛnɛŋ maŋ jiiŋ màŋ nɔ̀ŋ zɔlɔ̀ sùà.”