Luù 12:1 - WƆŊ FƐ̀Ì EBÒ SÌÀŊ DAYÀA

¹ Nààŋ e fààŋ anyuùŋ kpùuŋ zimgbe naŋ wa dèènè koɓɛ̀ guùŋ wo Jisɛ̀ kɔɔ àŋ gè nyàwè nyàwè aŋ dàwi, wo Jisɛ̀ naŋ fè anyùùŋ màŋjɛ̀wɛ̀uŋ nyàŋ jiɛ̀ e gòo wààŋ, “Yɛ̀mɛìŋ nyɛ̀iŋ bi diɛŋ e nyaàiŋ dè e sòi jùwìà e gbɔ̀ù aŋ Fɛlosiì nyaŋ. Mìŋ sɔ̀à e kàà e keì jàà fɛ̀ɛ̀ sùà nyiŋ nɛ̀. E je nyiŋ ɗeweɛ̀ lii àŋ zuwà nyùùŋ.

Luù 12:1 ပူးပေါင်းရင်းမြစ်များ

Luù 11:44

E keì nyìnga do nàŋ nɔ̀ŋ ko nɛ̀ɛ̀iŋ niìŋ! Nìŋ yaà mààŋ maŋ hùàaŋ gò kɛ̀ɛ̀nɛ̀ŋ fee maŋ yè maŋ anyùùŋ kaaìŋ diɛŋ esaɓù kɛ̀ aŋ nyimààŋ è kiiŋ miŋ, e nyiŋ nyɛ̀nɛ̀ŋ aŋ nɔ̀ŋ anyuùŋ gò zɛ̀nɛ̀ŋ wo Dayà fɛɛ̀feìŋ.”

Luù 12:56

Nyɛ̀iŋ nààŋ nyuùŋ jàà fɛ̀ɛ̀ keì nyɛɛ̀ŋ! Nìŋ nyɛnɛŋ maŋ nɔnɔŋ tùaŋ wèè naŋ nyìmàŋ kɛ̀ kiìŋ nàŋ do nàŋ kaaìŋ e kìlà naŋ niŋ woò, sèè nìŋ yɛmɛ̀ maŋ keì maŋ e ɗuunyaàŋ yaà ke nyiliɛ̀ ko fùùiŋ yèè naŋ miŋ gɔ̀ì sùà, kɛɛ niŋ nyimààŋ è fàsàì màŋ tɔ̀ɔ̀màŋsèì keì maŋ yaà nàaŋ kaaiŋ màŋ è teenga lɛɛ̀ sùà.”

Luù 5:1

Ke ɗɔ̀ɔ̀ guùŋ wo Jisɛ̀ sia wa e tiwi feìŋ nɛ wɔŋ juwoɔ̀ kɔɔ ko Gɛ̀nɛ̀nsalɛ̀, nààŋ anyùùŋ nyaŋ yaà wa kɔ̀ɔ̀yɛ̀ ko nɛ̀ɛ̀uŋ niìŋ wèè aŋ kòmàŋ ke mìè gbìàŋ Dayàa.

Luù 5:15

Ebò Jisɛ̀ɛ naŋ wa ɓɛìŋ ɓaayè, yèè anyuùŋ zimgbe naŋ hnè ko nɛ̀ɛ̀uŋ niìŋ wèè auŋ kumiàŋ e kìlà wo sùngà maŋ sàaŋ nyiŋ màŋ.

Luù 6:17

Wo Jisɛ̀ naŋ wa dèyè e yìwìà wɔŋ toò gbeeɔ̀ dìmɛ̀ yaà anyùùŋ màŋjɛ̀wɛ̀uŋ nyàŋ, yèè àŋ naŋ sìè e diì jɛ̀iɛ̀ diɛŋ. Kuŋ wò naŋ mɛ̀ɛ̀ŋ ke gbòò anyùùŋ màŋjɛ̀wɛ̀uŋ nyàŋ zimgbe nyiŋ. Ke gbòò anyuùŋ zimgbe yào wa kiŋ pɛɛ e yìwìà ko Jùlusɛ̀làm yèè maŋ kpàlàùŋ kpàlàùŋ zimgbe sùà wɔŋ fùɔ̀ŋ Jùdiàa, yèè e yìwìà maŋ jawa gbeegbèè maŋ sùà e gbɛ̀ɛ̀ wɔŋ fùɔ̀ŋ Taàa yaà ko Sidɔ̀ùŋ.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

Hiɓu 12:22

Kɛɛ nàŋ hnàŋ ko Jùlusɛ̀làm ko jè àìjɛnɛ̀iŋ, yèè koɓɛ̀ wɔŋ Toò gbeeɔ̀ àŋ nyaaŋ Zanyɔ̀ŋ. Kià nàŋ yaà ko jawa gbeeì wèè wo Dayàa kiɛ̀ŋ wɔŋ nyiiŋ gèeɔ̀ wɔ, ko yèi aŋ màikà taasùùŋ jika naŋ hnè wèè aŋ gè zɔlɔ̀.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.