Luù 11:9 - WƆŊ FƐ̀Ì EBÒ SÌÀŊ DAYÀA

⁹ Weètii tɔ̀ miŋ woòiŋ, dàweìŋ wo Dayà wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ, kàmeìŋ koɓɛ̀i wo Dayà yaà lɛ, nìŋ douŋ nàŋ mɛɛ̀ŋ, kpùlaìŋ wɔŋ gbemgbeeɔ̀ koɓɛ̀i wo Dayà yaà lɛ, wò do wuŋ nàŋ yilè weèiŋ.

Luù 11:9 ပူးပေါင်းရင်းမြစ်များ

Maafiù 21:22

Sèè mùŋ kɛɛnɛ̀ŋ e hààwe, wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀ e zòòlo sùà.”

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Maafiù 6:29

Kɛɛ tɔ̀ miŋ woòiŋ kɛ̀, wo Salemaŋ naŋ wa pɛɛ banè e mààŋ nyààŋ, kɛɛ wo kuwà wa pɛɛ màŋ deè kpàa maŋ nyɛ̀nɛ̀ŋ sìàŋ maŋ nìàŋ maŋ kuùfɛ̀ɛ̀ mɛɛ̀ŋ bà gbiŋ.

Luù 11:10

Esaɓù kɛ̀ wo Dayà dò nàŋ kìɛ̀ŋ anyùùŋ nyaŋ dawàuŋ wèè manɛ̀ŋ nyaŋ. Wò do nàŋ kìɛ̀ŋ manɛ̀ŋ koɓɛ̀ anyùùŋ nyaŋ kamàŋ mìŋ nyaŋ, e kìlà wò do nàŋ yìlè wɔŋ gbemgbeeɔ̀ wèè anyùùŋ aŋ yɛ̀mɛ̀ manɛ̀ŋ maŋ àŋ zoolà weè miŋ màŋ.

Jɔ̀ɔŋ 14:13

Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Jɔ̀ɔŋ 4:10

Wo Jisɛ̀ naŋ wòò wo nìeɔ̀ wààŋ, “Sèè maŋ weè nyìmàŋ e nɛ̀ɛŋ wo Dayà kiɛ̀ŋ anyùùŋ lɛ, yèè miàim wo nyùnɔ̀ɔŋ yààùm daawe wèè e wuiyè tìa wɔ̀, mùŋ heuŋ nàŋ dawè, yèè wò heum nàŋ kìɛ̀ŋ e wùìyèɛ e yèɛ kiɛ̀ŋ wo nyùùŋ wɔŋ nyiiŋ gèe gò jùà lɛ.”

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

2 Kɔliìŋ 6:2

Kòmaìŋ e nɛ̀ɛŋ wo Dayà naŋ woò lɛ, “Nààŋ e teengaà naŋ haì wèè kaiŋ kpuumàŋ, Mìŋ naiŋ kumìè. Nààŋ e teengaà naŋ haì wèè kaiŋ joeyè, Mìŋ naiŋ kpuumò.” Jàaìŋ maŋ nùŋ e dìì, E teengaà lɛɛ̀ wèè wo nyùùŋ yɛ̀mɛ̀ e kpùùmàŋ Dayàa, nàaŋ ɗɔɔ yɛɛ̀ nàŋ yaà ke ɗɔɔ wèè wo nyùùŋ gbiŋ jòèyà.

Hiɓu 11:6

Wo nyùùŋ gbiŋ fè ɓɛ̀nɛ̀ŋ nyɛ̀nɛ̀ŋ è yèɛ wò Dayà manàŋ lɛ̀ sèè wò go kɛ̀ɛ̀nɛ̀ŋ hààwe, esaɓù kɛ̀ wo nyùnɔ̀ɔŋ gbiŋ hnàŋ wo koɓɛ̀ Dayài wɔ̀ kuwa wo kɛ̀ɛ̀nɛ̀ŋ hààwe kɛ̀ wo Dayà yaà wɔŋ nyiiŋ gèeɔ̀ sùà, yèè wò kiɛ̀ŋ e jìwààjɛ̀wɛ̀ koɓɛ̀ anyùùŋ gbiŋ kamàuŋ nyaŋ.

Hiɓu 4:16

Kɛ̀ɛ̀nɛŋ wiìŋ ke jii tùlia e kìlà e kaiŋ ko gbɛ̀ɛ̀ ke kpùà kanaà Dayà ko yèi è doiŋ nàŋ yɛ̀mɛ̀ e tɛ̀ɛ̀tɛ̀ɛ̀. Kuŋ wo Dayà do wi nàŋ tɔ̀ɔ̀ ke nyowo yèè wo wi kìɛ̀ŋ e kpùùmaàŋ è naiŋ kpɛɛ̀ŋ weè niŋ lɛ̀.

Jìiiŋ 1:5

Sèè nyɛ̀iŋ nyɛɛ̀ŋ bà gbiŋ niŋ gò kùwìè è jiikɛ̀ɛ, wo dawè Dayà, wuŋ nàŋ kiɛ̀ŋ nyùùŋ kpùuŋ gbiŋ sengei e yìwìà ke jii fauŋ nɛɛ̀ŋ diɛŋ.

Jìiiŋ 5:15

Yèè e zòòlo kùwìè e hààwe lii do nàŋ jòèyè wo nyuùŋ sàaàŋ, wo Dayà douŋ nàŋ gè dìì, yèè sèè wo weè pɛɛ nyɛ̀nɛ̀ŋ maŋ kèì jùumù wo Kanaà Dayà juuyà maŋ jùumùuŋ màŋ hakɛ̀.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.

Maŋ kèì nyɛɛnɛŋ 2:24

“Kɛɛ nyɛ̀iŋ nààŋ gbànaŋ nyàŋ ko Tàyatilà kòò nìŋ dè è kàa naanààŋ lɛɛ̀ màŋjɛ̀wɛ. Kòò nìŋ gbèè è nɛ̀ɛŋ ànyuùŋ gbànaŋ nyàŋ nyaaŋ nyààŋ, ‘ke gbùnù zutùùɛŋ wèè wo Sɛ̀tanàŋ.’ Tɔ̀ miŋ woòiŋ kɛ̀ miŋ naàiŋ gbùwò wɔ̀ŋ nɛ̀ŋfoo mùnga bà gbiŋ ɗi.