Luù 11:34 - WƆŊ FƐ̀Ì EBÒ SÌÀŊ DAYÀA

³⁴ Le fɛɛ̀ mɔ̀ɛ̀ è yaà mààŋ e laumpò wèè ke kpùnaŋ mɔɛ̀ŋ. Sèè le fɛɛ̀ mɔ̀ɛ̀ è nɔ̀ŋ sengei, e gbolòùŋ doum nàŋ kiliè nààŋ mùŋ manaŋ lɛ̀. Kɛ̀ɛ̀ sèè le fɛɛ̀ mɔ̀ɛ̀ è go nɔ̀ŋ sengei, ke kpùnaŋ mɔɛ̀ŋ do nàŋ nɔ̀ŋ ke nyìwì sùà.

Luù 11:34 ပူးပေါင်းရင်းမြစ်များ

Luù 11:35

Weètii yɛ̀mɛ̀ muàŋ bi diɛŋ wèè kɛ̀ e gbolòùŋ lɛ yààùm ko sùà lɛ e go nàŋ nɔ̀ŋ ke nyìwì.

Nyɛ̀nɛ̀ŋ 13:11

Yɛ̀mɛ̀ naàŋ, wɔŋ kùàŋ Kanaà kòò wɔ̀ŋ yààùm diɛŋ, mùŋ yaà hinie maŋ zììlè le fɛ̀ɛ̀, yèè wèè e teenga bà muŋ naàŋ yɛ̀mɛ̀ è gbòlòùŋ è gɔɛɛ̀.” Ko fɛɛ̀feìŋ, ke nyiwì gènaŋ nauŋ ɓùwò le fɛ̀ɛ̀, yèè wo naŋ tɔ̀ɔ̀tù wo nyuùŋ kàme wèè wo kùwàuŋ wɔŋ kùàŋ wo kaaìŋ.

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 6:5

Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.

Kòlo 3:22

Nyɛ̀iŋ nààŋ ɗo nyàŋ, jɔ̀ɔ̀lɔìŋ aŋ kɛ̀ɛ̀nɛiŋ nyàŋ dìì e teenga gbiŋ. Ɓɔ̀ nìŋ nyɛ̀nɛ̀ŋ niŋ nɔŋ esaɓù kɛ̀ àŋ yààìŋ yɛɛmɛ ɔ̀ɔ̀ èsaɓù kɛ̀ nìŋ manaŋ aiŋ mànàŋ. Nyɛ̀nɛìŋ niŋ e tɔ̀ɔ̀nyaàŋ e yìwìà maŋ jiiŋ màŋ sùà esàɓù e ɓɛ̀ɛ̀jàa nìŋ kuwa wèè wo Kanaà lɛ.