Luù 11:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ sèè mààŋ è gààŋ Dayàa sùà le kɛ̀ mìŋ gè aŋ jinàŋ naanààŋ anyùùŋ maŋjɛ̀wɛ, tɛɛ̀ è tɔɔ̀ kɛ̀ e Kànà Dayàa è naàŋ hnàŋ ko nɛ̀ɛ̀iŋ niìŋ tɛ.

Luù 11:20 ပူးပေါင်းရင်းမြစ်များ

Maafiù 12:28

Miŋ fè è gààŋ Bɛɛziɓùɛ dìì, sɔɔ̀ wo Jìnàŋ wo Kanaà Dayà wo yèɔ kiɛ̀ìm e gààŋ wèè ka gè aŋ jinàŋ naanààŋ anyùùŋ maŋjɛ̀wɛ. Tɛɛ̀ è tɔɔ̀ kɛ̀ e Kànà Dayàa è hnàŋ ko nɛ̀ɛ̀iŋ niìŋ tɛ.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Luù 10:11

‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 11:21

“Sèè wo nyùùŋ gààaŋ wo kɛ̀ɛ̀nɛ̀ŋ manɛ̀ŋ sùmiauŋ màŋ gbiŋ, e kìlà wo tùnìàŋ ko jɔ̀ɔ̀lègbèè ke sààŋ hàwè wuŋ biɛ̀, wo nyùùŋ gbiŋ fè wùà manɛ̀ŋ siwèuŋ màŋ kò saauŋ niìŋ, e kìlà wò do nàŋ nɔ̀ŋ ke jii fàa sùà.

Nyɛ̀nɛ̀ŋ 20:25

“Kà mààmè maŋ tàtaiŋ màŋ sùà, mìŋ yààìŋ wòò ebò siaàŋ nyaàiŋ dè e Kànà Dayàa, kɛɛ kà naàŋ nyìmàŋ kɛ̀ nyɛ̀iŋ nààŋ bà gbiŋ niŋ naàim wa nàwèè ɓɛìŋ yɛmɛ̀.

2Tɛsè 1:5

Tɛɛ̀ gbiŋ naŋ tɔɔ̀ kɛ̀ e kèì gbàì Dayà è yaà tɔ̀ɔ̀nyaàŋ wèètii wo Dayà doiŋ nàŋ jàà kùàŋ dìì wèè naŋ nɔ̀ŋ anyuùŋ kɛnɛ e kanauŋ nɛ̀ sùà, e yèɛ nìŋ yaà mɔɔnɛŋ weè niŋ lɛ̀.