Luù 11:18 - WƆŊ FƐ̀Ì EBÒ SÌÀŊ DAYÀA

¹⁸ Weètii sèè e kànà Sɛ̀tanàaŋ e gòònò tɛɛ maŋ gbòò sùà wèè e sumiàŋ tiiŋ bi, dièsɔa è do nàŋ kòlò? Nìŋ naŋ woò nààŋ mìŋ gè aŋ jinàŋ naanààŋ anyùùŋ maŋjɛ̀wɛ̀ esaɓù kɛ̀ wo Bɛɛziɓù nàŋ kiɛ̀ìm e gààaŋ wèè ka niŋ nyɛ̀nɛ̀ŋ.

Luù 11:18 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 12:26

Weètii sèè e kànà Sɛ̀tanàaŋ e gòònò tɛɛ maŋ gbòò sùà, tɛɛ̀ naŋ tɔɔ̀ kɛ̀ è gòònò sùà tɛ maŋ gbòò sùà, yèè è do nàŋ sɔ̀ɔ̀ e hàì ko dìa.

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Luù 11:15

Anyùùŋ nyaŋ bà nyiŋ naŋ wa woò nyààŋ, “Wo Bɛɛziɓù wo, wo kànà aŋ jinàŋ naanààŋ nyaŋ, wuŋ nàŋ kiɛ̀ŋ Jisɛ̀ e gààaŋ wèè wo gè aŋ jinàŋ naanààŋ nyaŋ anyùùŋ maŋjɛ̀wɛ.”