Luù 10:7 - WƆŊ FƐ̀Ì EBÒ SÌÀŊ DAYÀA

⁷ Jèeìŋ ko gbòò guùŋ wii, niŋ jè yèè niŋ tìà e nɛ̀ɛŋ gbiŋ àŋ doiŋ nàŋ kiɛ̀ŋ lɛ, esaɓù kɛ̀ anyuùŋ tòmo kuwa aŋ yɛ̀mɛ̀ e pààwa nyiŋ nɛ̀ wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ kilià maŋ saaŋ joo bà dìì.

Luù 10:7 ပူးပေါင်းရင်းမြစ်များ

Luù 10:6

Sèè wo nyuùŋ kɛ̀ɛ̀nɛ̀ŋ ke jii fàa nɔ̀ŋ ko gboo bi, kɛ̀ tɔ̀ e zùùmò ke jii fàaiŋ nɛɛ̀ŋ jeè wo nyùùŋ wii diɛŋ. Kɛɛ sèè wo nyuùŋ kɛ̀ɛ̀nɛ̀ŋ jii fàa goo nɔ̀ŋ, kɛ̀ tɔ̀ e zùùmò ke jii fàaiŋ nɛɛ̀ŋ kɛɛ̀ ko nɛ̀ɛ̀iŋ niìŋ.

Luù 9:4

Sèè àŋ jààìŋ kùàŋ dìì ko gboo gbiŋ, nɔ̀iŋ ko gbòò guùŋ wii e jeeè sùà niŋ yèwà ko jawa bi.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 16:34

Wo felaaà naŋ kɔ̀ɔ̀ wo Pɔɔ̀ yèè wo Silà ko gboouŋ noo yèè wò naŋ nyiŋ kìɛ̀ŋ e nɛ̀ŋje wèè aŋ jè. E zɔlɔ̀ naŋ wa dìè wuŋ yèè anyunùuŋ nyàŋ ko gboouŋ noo, esaɓù kɛ̀ àŋ kuwa wa naàŋ e hààwe wo Dayà sùà.

Nyɛ̀nɛ̀ŋ 16:40

Wo Pɔɔ̀ yèè wo Silà naŋ fòlò ko sààŋ nyìwìi yèè àŋ naŋ kɔ̀ ko gbòò Leɗià. Kuŋ àŋ naŋ mɛ̀ɛ̀ŋ anyùùŋ hààwè Kanaà, yèè àŋ naŋ nyiŋ kìɛ̀ŋ maŋ mìè gbòà jii nyingè wèè e hààwe nyiŋ nɛ̀, yèè àŋ naŋ kɔ̀.

Gàla 6:6

Sèè wo nyùùŋ gbiŋ naiŋ kàà ke mìè gbìàŋ Dayàa, kìɛìŋ e nɛ̀ŋ siaàŋ gbiŋ nìŋ kuwa lɛ̀ e bà, koɓɛ̀ wo nyùnɔ̀ɔ̀ŋ naiŋ kaà wɔ.

1Time 5:13

Àŋ gbeà e ɗèwè teenga nyiŋ nɛ̀ pɔ̀ɔ nààŋ àŋ kilià maŋ saaŋ dìì, kɛɛ e yèɛ naŋ tii nìè lɛ nàŋ yaà, àŋ gbeà ɗèwe anyuùŋ fìèfie yèè àŋ yaà anyuùŋ sìà woya anyùùŋ fèemàŋ, e kìlà àŋ yaà wòò maŋ keì maŋ fè màŋ keì wòo nyiŋ màŋ.

2Time 2:6

Wo nyuùŋ tòmò ɓùɔ naŋ nyɛ̀nɛ̀ŋ e tòmo nyìnga wɔ, wuŋ nàŋ kɛɛnɛ̀ŋ e nɛ̀ŋje jiɛ̀jiɛ̀ɛ àŋ goonàŋ e yìwìà ko ɓùi lɛ̀.