Luù 10:33 - WƆŊ FƐ̀Ì EBÒ SÌÀŊ DAYÀA

³³ Kɛɛ wo Sàmilià felaa bà yaà wa kɔ̀ɛɛ sùà ke dòmaŋ guùŋ bi diɛŋ. Nààŋ wò naŋ yɛ̀mɛ̀ wo felaaà, ke nyowo nauŋ nyɛ̀nɛ̀ŋ e weèuŋ.

Luù 10:33 ပူးပေါင်းရင်းမြစ်များ

Maafiù 10:5

Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà.

Maafiù 18:33

Mùŋ he weè nàŋ jùùyè wo ɓɔìjɔ̀à dàwi mɔɔ̀ŋ hakɛ̀, màànààŋ nɔŋ mìŋ naum tɔ̀ɔ̀ ke nyowo lɛ̀.’

Luù 10:32

Eɓìèmàŋjɛ̀wɛ̀ tii, wo Liivaà nyuuŋ bà naŋ kɔ̀ɛ̀ɛ̀ ke dòmaŋ yii diɛŋ, wò naŋ yɛ̀mɛ̀ wo felaaà hawa, yèè wò nauŋ yɛmɛ̀ tɛ̀ɛ̀, kpeiŋ wò naŋ gbaaì wo nìàŋ wɔŋ dòmaŋ faà bàa wuŋ pɛɛ.

Luù 10:34

Weètii wò naŋ kɔ̀ nɛ̀ɛ̀uŋ niìŋ, yèè wò naŋ gɔ̀àì manɛ̀ŋ jèlauŋ màŋ e bù ɔlè yaà maŋ tala muaŋ, yèè wò naŋ miŋ dèkè. Kpeiŋ wò nauŋ ɓemè wouŋ hàà wo yìlì wuŋ biɔ̀ diɛŋ yèè wò nauŋ kɔ̀ɔ̀ ko sààŋ nyùnèè nyɛniìŋ, ko yèi wò naŋ yɛ̀mɛ̀ e kiiuŋ dìò sùà.

Luù 7:13

Nààŋ wo Kanaà Jisɛ̀ nauŋ wa yɛmɛ̀, ke nyowo nauŋ nyɛ̀nɛ̀ŋ yèè wò naŋ wòò wo nìeɔ̀ wààŋ, “Ɓɔ̀ mùŋ gòlà.”

Jɔ̀ɔŋ 4:9

Kpeiŋ wo nìeɔ̀ e yìwìà ko Sàmilià naŋ fàsàì wo Jisɛ̀ wààŋ, “Dièsɔa tɛɛ̀ naŋ ɓɛ̀nɛ̀ŋ hɛ̀ɛ̀nɛŋ wèè muàŋ maim dawè wèè e wuiyè tìa, tiiŋ zà mùŋ yaà wo Juùù nyuuŋ, yèè mìŋ yaà wo jɔùŋ e yìwìà ko Sàmilià? Màŋ nyìmàŋ fo kɛ̀ aŋ Juùù nyaŋ yaà anyùùŋ nyaŋ e yìwìà ko Sàmilià fè kpùlìà kè nyɛ̀nɛŋ.”

Jɔ̀ɔŋ 8:48

Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”