Luù 10:3 - WƆŊ FƐ̀Ì EBÒ SÌÀŊ DAYÀA

³ Kɔ̀aìŋ! Mìŋ yààìŋ tùàŋ sùà mààŋ aŋ ɓaawaa ke gbòò aŋ pɔ̀ɔ̀wɛ̀i nyàŋ tɛɛ.

Luù 10:3 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Maafiù 10:22

Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Luù 10:4

Ɓɔ̀ nìŋ koà wɔ̀ŋ pɔsɛ̀ ɔ̀ɔ̀ wɔŋ ɓùù nyuùŋ hɔ̀mɔɔŋ ɔ̀ɔ̀ màŋ ba. Ɓɔ̀ nìŋ sie wèè naŋ zùùmò wò nyùùŋ gbiŋ kò dòmaìŋ.

Jɔ̀ɔŋ 10:12

Aŋ ɓɔìjɔ̀à tòmo nyàŋ fè mààŋ wò nyuùŋ tùnìàŋ àŋ ɓaawaa nyàŋ. Sèè àŋ yɛmɛ̀ nɔŋ wo pɔ̀ɔ̀wɛ̀i wò nɔ̀ŋ hinie, àŋ dùàŋ àŋ jòà aŋ ɓaawaa nyàŋ. Kpeiŋ kɛ̀ wo pɔ̀ɔ̀wɛ̀iɔ̀ kùwà aŋ ɓaawaa nyàŋ kɛ̀ aŋ gbànaŋ nyàŋ àŋ ɓaayè.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Nyɛ̀nɛ̀ŋ 20:29

Kà nyìmàŋ kɛ̀ sèè mìŋ kɔ̀à, anyuùŋ joo bà àŋ yaà mààŋ aŋ pɔ̀ɔ̀wɛ̀i do nàŋ hnè wèè aŋ gbùwà nyùùŋ nyaŋ yaà mààŋ aŋ ɓaawaa nyàŋ ke gùuŋ.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.