Luù 10:25 - WƆŊ FƐ̀Ì EBÒ SÌÀŊ DAYÀA

²⁵ Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, wo kààmɔ̀ɔ̀ŋ maŋ Sàwà Dayà maŋ bà yaào wa. Wò manaŋ wa wo dàwè wo Jisɛ̀ wɔŋ mààŋdàwè nyìnga wèè wo kuwiàuŋ e keì. Kpeiŋ wò nauŋ dawè wààŋ, “Kààmɔɔŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 10:25 ပူးပေါင်းရင်းမြစ်များ

Luù 10:24

Miŋ woòiŋ e tɔɔɓaaà kɛ̀, aŋ wɛ̀ijì yèè aŋ kana zimgbe yaà wa nyìnìè wànàŋ wèè aŋ yɛ̀mɛ̀ e nɛ̀ɛŋ nìŋ yɛmɛ̀ lɛ, kɛɛ aŋ gò niŋ wa yɛmɛ̀, e kìlà aŋ kòmàŋ e yèɛ nìŋ komo lɛ̀, kɛɛ aŋ gò niŋ wa kòmàŋ.”

Luù 10:26

Wo Jisɛ̀ nauŋ fasàì wò naŋ woò wààŋ, “Kiìŋ ke Sàwà Dayàa naŋ woò? Diè mùŋ gɔì nyiìŋ sùà?”

Luù 18:18

Wo nyùùŋ gbèè aŋ Juùù nyaŋ bà naŋ dàwè wo Jisɛ̀ wààŋ, “Kààmɔɔŋ siaŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 7:30

Kɛɛ aŋ Fɛlosiì nyaŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa ge maŋhɛɛ wèè aŋ jɔ̀ɔ̀lɔ̀ wo Dayà dìì yèè aŋ gò wa nyimèè wèè wò Jɔ̀ɔŋ wo nyiŋ gùà.

Jɔ̀ɔŋ 8:6

Àŋ naŋ wa dàwè wo Jisɛ̀ wɔŋ mààŋdàwè wɛɛ̀ŋ wèè auŋ wàà, esaɓù kɛ̀ àŋ manaŋ wa wèè auŋ gbùwà e keì ɗì. Kɛɛ wo Jisɛ̀ naŋ wa gbuwo wò yaà sìngìè ke kiiyòuŋ nɛɛ̀ŋ ko dììnaŋ.

Gàla 3:18

Sèè e kìɛ̀ŋ Dayà e nɔŋ nɔ̀ŋ wèè ke Sàwàa jɔ̀ɔ̀lɔ̀ dìì, kɛ̀ e kìɛŋ lii fè ɓɛìŋ ɓɛ̀nɛ̀ŋ nɔ̀ŋ wèè è ɗààhiìuŋ nɛ̀. Kɛɛ e gbio sùà, esàɓù ɗààhiìɛ wo Dayà naŋ wa ɓeme lɛ, naŋ nyɛ̀nɛ̀ŋ wò naŋ wa kìɛ̀ŋ e tɛ̀ɛ̀tɛ̀ɛ̀ koɓɛ̀ Eɓulɔhɛɛ̀iŋ.