Luù 10:21 - WƆŊ FƐ̀Ì EBÒ SÌÀŊ DAYÀA

²¹ E teenga lii sùà, e zɔlɔ̀ naŋ wa dìè Jisɛ̀ e yìwìà wo Jìnàŋ Nɛɛmaàŋ sùà. Kpeiŋ wò naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ. Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.”

Luù 10:21 ပူးပေါင်းရင်းမြစ်များ

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Maafiù 21:16

Yèè àŋ naŋ dàwè wo Jisɛ̀ nyààŋ, “Màŋ kòmàŋ e nɛ̀ɛŋ aŋ jɔ̀àkàiŋ nyiiŋ àŋ yaà woo lɛ̀?” Wo Jisɛ̀ naŋ fasàì wààŋ, “Hɛ̀ɛɛ̀ŋ, kà niŋ kòmàŋ! Kòò nìŋ kpɛ̀nɛ̀ŋ è nɛ̀ɛŋ wɔ̀ŋ fɛ̀ì Dayàa naŋ woò lɛ kɛ̀, ‘Aŋ jɔ̀àkàiŋ jɔa nyàŋ yèè aŋ jɔaa bɔwɔ nyàŋ do nàŋ kìɛ̀ŋ maŋ mìè tɛ̀nɛŋ?’ ”

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Luù 15:5

Sèè mùŋ mɛɛ̀ŋ wo ɓaawaaà naŋ go wɔ̀, mùŋ do nàŋ nɔ̀ŋ e zɔlɔ̀ gbee sùà e weèuŋ, kɛ̀ màuŋ ɓemè màuŋ hàà gbaŋ

Luù 15:9

Sèè wò mɛɛ̀ŋ nyiìŋ, wò do nàŋ nyààŋ aŋ dàwiuŋ nyàŋ yaà anyùùŋ gboo kuauŋ nyàŋ koɓɛ̀ guùŋ wo nyiŋ woò wààŋ, ‘Ke jii naim fɔ̀ esaɓù kà mɛ̀ɛ̀ŋ ke kaiŋ fua nɛɛnɛɛ̀ŋ naim gò sìwè yɛ. Gììyà wiìŋ zɔlɔ̀ koɓɛ̀ guùŋ!’

Jɔ̀ɔŋ 11:41

Yèè anyùùŋ nyaŋ nao gè wɔŋ duò fààa. Yèè wo Jisɛ̀ naŋ yɛ̀mɛ̀ e tèèngà ko àìjɛnɛ̀ŋ wò naŋ woò wààŋ, “Dèda, mìŋ naum gè esɛ̀ wèè mùŋ naŋ jàà e zòòlo mɛ̀ kùàŋ dìì lɛ.

2 Kɔliìŋ 4:3

Sèè ke mìè gbìàŋ Ebò Siaàŋ è woàìŋ yɛ ke nɔ̀ŋ nyɛ̀ɛ̀nɛŋ nyiŋ, kɛ̀ kè yaà nɔŋ e nyɛ̀ɛ̀nɛŋ nyiŋ wèè anyùùŋ nyaŋ naŋ go nyàŋ.

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 1:5

wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.