Luù 10:2 - WƆŊ FƐ̀Ì EBÒ SÌÀŊ DAYÀA

² Wo Jisɛ̀ naŋ nyiŋ woò wààŋ, “Maŋ nɛ̀ŋjè ɓù maŋ ko ɓùi naŋ gàŋ, kɛɛ anyuùŋ tòmo nyàŋ gò gàŋ wèè aŋ miŋ gbònògbònò koɓɛ̀ guùŋ. Dàweìŋ wo kɛ̀ɛ̀nɛ̀ŋ ɓùɔ wèè wo tùàŋ anyuùŋ tòmo wèè aŋ kpàà maŋ nɛ̀ŋjè ɓùuŋ màŋ aŋ hiàŋ miŋ.

Luù 10:2 ပူးပေါင်းရင်းမြစ်များ

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Luù 9:1

Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ koɓɛ̀ guùŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ nyaŋ gbiŋ anyùùŋ maŋjɛ̀wɛ, e kìlà aŋ sùngà anyùùŋ nyaŋ gbiŋ kuwa maŋ sàaŋ nyàŋ.

Nyɛ̀nɛ̀ŋ 11:19

Kpeiŋ kɛ̀ anyùùŋ màŋjɛ̀wɛ̀ Kanaà naŋ wa ɓààyè maŋ tàta màŋ sùà esàɓù e kèì nimilàa naŋ wa tɔɔtù e teengaà àŋ naŋ wa jìwè wo Siiwììŋ lɛ. Àŋ naŋ wa kɔ̀ ko Fònisìà, ko Sapulɔ̀, yèè ko Aŋtiɔ̀. Kɛɛ aŋ Juùù nyaŋ nɔŋ àŋ naŋ wa kìɛ̀ŋ ke miè gbìaàŋ.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 13:4

Nààŋ wo Jìnàŋ Nɛɛmaàŋ naŋ tùɔ̀ŋ wo Bànaŋɓà yaà wo Sɔɔ̀, àŋ naŋ kɔ̀ ko Sèlesìà. E yìwìà kuii àŋ naŋ wa sɛ̀ɛ̀ wɔŋ meeè sùà yèè àŋ naŋ kɔ̀ ko Sapulɔ̀.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 8:4

Anyuùŋ hààwe nyàŋ naŋ wa ɓààyè maŋ tàta màŋ sùà nyaŋ, naŋ kɔ̀ koɓɛ̀ gbiŋ àŋ yaà wòò ke mìè gbìàŋ Ebò Siaàŋ.

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Fèle 2:21

Anyùùŋ nyaŋ gbiŋ gongà nɔŋ wèè e kèì sìàŋ nyiŋ bi lɛ̀, kɛɛ aŋ kuwà è gòngo è nyaàiŋ dè wò Jisɛ̀ Kulaì.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

Fèle 2:30

esaɓù kɛ̀ wò naŋ joo tòloò wèè wo fà wèè e tòmò Dayàa wò yaà nyinie wèè wo Jisɛ̀ Kulaì lɛ, yèè wò naŋ jàà wɔŋ nyiiuŋ nɔɔ̀ŋ sɛɛ wèè woim kìɛ̀ŋ e kpùùmaàŋ nyɛ̀iŋ bi nìŋ fèim weè nàŋ kiɛ̀ŋ lɛ.

Kòlo 1:29

Wèè ka nyɛ̀nɛ̀ŋ tɛɛ̀ e hɛɛnɛ̀ŋ, mìŋ naŋ tomo nyìnga, yèè mìŋ naŋ tòòmò e gaàŋ gbeeɛ̀ wo Jisɛ̀ Kulaì naim kiɛ̀ŋ è toomàìm ko sùà lɛ.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.

1Tɛsè 5:12

È yààìŋ dàwe sùà, nyɛ̀iŋ nààŋ wùìya wi nyàŋ Kanaà sùà, wèè naŋ fè aŋ kààmɔɔŋ nyàŋ yààìŋ tòòmò e tɛɛ nyàŋ e ɓɛ̀ɛ̀jàa, aŋ yè nyaŋ sìàìŋ feìŋ àŋ dèìŋ ke dòmaŋ diɛŋ yèè àŋ kiɛ̀ìŋ maŋ mìè gòo e nyaàìŋ dè wɔŋ nyììŋ gè anyuùŋ hààwe nyàŋ nìŋ yaà sùà wɔŋ.

2Tɛsè 3:1

Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.

1Time 4:10

È fɛ̀ɛ̀ìŋ e kìlà eiŋ tomo nyìnga, esaɓù kɛ̀ èiŋ sìà ke jii tùlia wiɛ̀ wo Dàyà nyiiŋ gèeɔ̀ sùà, wo Nyuùŋ Jòèyeɔ̀ wèè anyùùŋ nyaŋ gbiŋ, ɓɔɔɓɔɔ ngèè anyuùŋ hààwe nyàŋ.

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.

Felemɔ̀ŋ - PHM 1:1

E yìwìà miàim Pɔɔ̀ sìwè, wo yèɔ yaà wa ko sààŋ nyìwì esàɓù e hààwe mɛ̀ wo Jisɛ̀ Kulaì sùà wɔ, yàwi Timetè wo nyuùŋ tòmo dàwi miɔ̀ŋ e hààweɛ̀ sùà nàŋ yaà sìngìè wɔŋ fɛi wɛɛ̀ŋ. Felemɔ̀ŋ, wùìya wiɔ̀ yèè wo nyuùŋ tòmo dàwi wiɔ̀, e yaà sìngìè wɔŋ fɛi wɛɛ̀ŋ ko nɛ̀ɛ̀ŋ muìŋ,

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Maŋ kèì nyɛɛnɛŋ 2:1

Wo Jisɛ̀ naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Ɛfesɔ̀. “Ke miè gbìaàŋ yɛɛ̀ e yìwìà wo yèɔ kuwa maŋ ɗù nɔɔnɔŋ le tìyèe màŋ wɔŋ kùàŋ jìkauŋ nɔɔ̀ŋ, yèè wò kaaìŋ maŋ gòoò kùù sɛ̀ɛ̀ laumpò, màŋ nɔɔnɔŋ le tìyèe e fèemàŋ wɔ.