Luù 10:18 - WƆŊ FƐ̀Ì EBÒ SÌÀŊ DAYÀA

¹⁸ Wo Jisɛ̀ naŋ nyiŋ fasàì wààŋ, “Mìŋ naŋ yɛ̀mɛ̀ wo Sɛ̀tanàaŋ naŋ sɔ̀ɔ̀ mààŋ ke gbàmàŋ nyili e yìwìà ko àìjɛnɛ̀ŋ.

Luù 10:18 ပူးပေါင်းရင်းမြစ်များ

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 16:11

È yaà e keì jèèe nyiŋ esaɓù kɛ̀ wo Dayà wò naàŋ hàà e kìtì tɔ̀ɔ̀nyaàŋ wo ɓɛ̀màŋɗì e kànà ɗuunyaŋ lɛɛ̀ diɛŋ.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 20:2

Wò naŋ kùwò wo kaì gbeeɔ̀, wo kaì gɔugɔ̀ù wii, wo Dɛwìɔ ɔ̀ɔ̀ wo Sɛ̀tanàŋ, yèè wò nauŋ sìè maŋ jɔ̀ɔ̀ɔ wèè maŋ doa tààsùùŋ guùŋ (1,000).

Maŋ kèì nyɛɛnɛŋ 9:1

Wo màikà dìà nɔɔnɔɔ̀ŋ naŋ fùɔ̀ŋ e pòtanàuŋ nɛ̀. Mìŋ naŋ yɛ̀mɛ̀ wɔŋ ɗu naŋ sɔ̀ɔ̀ e dììɛ diɛŋ e yìwìà ko àìjɛnɛ̀ŋ, yèè wo nyùùŋ bà naŋ wuŋ kìɛ̀ŋ e jìiìŋ nɛ wèè koɓɛ̀ wɔŋ golo zutùùɔŋ e dììɛ dìì, ko yèi aŋ jinàŋ naanààŋ nyaŋ yaà dìkia nyiŋ lɛ̀, e jèèsùà e tèèngà e nimilà dìàmaŋ nyiŋ nɛ̀ e haì.