Luù 10:17 - WƆŊ FƐ̀Ì EBÒ SÌÀŊ DAYÀA

¹⁷ Anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe nyàŋ naŋ kɛ̀ɛ̀ maŋjɛ̀wɛ e zɔlɔ̀ gbee sùà yèè àŋ naŋ wòo nyààŋ, “Kanaà, aŋ jinàŋ naanààŋ nyaŋ pɛɛ naŋ wi jɔ̀ɔ̀lɔ̀ dìì nààŋ è naŋ nyiŋ wòò e keì e deè mɔ̀ɛ̀ diɛŋ.”

Luù 10:17 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Luù 10:1

Eɓìèmàŋjɛ̀wɛ̀ tɛɛ̀ wo Kanaà naŋ tùɔ̀ŋ anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe, àŋ tìyèe tìyèe ke gbòò sùà. Wo Jisɛ̀ naŋ nyiŋ wa tùɔ̀ŋ ko feìŋ maŋ jawa màŋ gbiŋ sùà maŋ yè maŋ wuŋ bi hewa nàŋ kɔ̀ɛ̀ɛ̀ sùà maŋ.

Luù 10:20

Ɓɔ̀ nìŋ gè zɔlɔ̀ wèè àŋ jinàŋ naanààŋ nyaŋ naiŋ jɔ̀ɔ̀lɔ̀ dìì lɛ. Kɛɛ geìŋ zɔlɔ̀ esaɓù kɛ̀ maŋ deèiŋ màŋ yaà sìnga miŋ ko àìjɛnɛ̀ŋ.”

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 9:1

Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ koɓɛ̀ guùŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ nyaŋ gbiŋ anyùùŋ maŋjɛ̀wɛ, e kìlà aŋ sùngà anyùùŋ nyaŋ gbiŋ kuwa maŋ sàaŋ nyàŋ.

Luùm 16:20

Wo Dayà, wo yèɔ kiɛ̀ŋ ke jii fàa wɔ̀, do nàŋ jìwè wo Sɛ̀tanàŋ e teenga kpuu sùà, e kìlà woiŋ wuŋ hòà ko gòlòò dìì. Mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ.

Ɛfesɔ̀ 5:24

E wèètii aŋ jɔ̀ùŋ nèè yɛ̀ɛ̀ nyaŋ sɔɔ̀ aŋ jɔ̀ɔ̀lɔ̀ àŋ faiŋ nyiŋ nyàŋ dìì màànààŋ nɔŋ ke gbòò anyuùŋ hààwe nyàŋ jɔɔlɔ̀ Jisɛ̀ Kulaì dìì lɛ.