Luù 10:11 - WƆŊ FƐ̀Ì EBÒ SÌÀŊ DAYÀA

¹¹ ‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Luù 10:11 ပူးပေါင်းရင်းမြစ်များ

Maafiù 10:14

Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi.

Maafiù 10:7

Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Luù 10:10

Kɛɛ sèè nìŋ kɔ̀à ko jawa gbiŋ ko yèi anyùùŋ nyaŋ aŋ gòiŋ jàà kùàŋ dìì lɛ, yèwaìŋ ko jawa bi niŋ ka maŋ dòmaŋ màŋ diɛŋ niŋ woò nààŋ,

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 9:5

Sèè nìŋ kɔ̀à ko jawaì ko yèi anyùùŋ nyaŋ gòiŋ jàà kùàŋ dìì lɛ, yèwaìŋ ko jawa bi e kìlà niŋ gbumò e hèì gòlòò dìiŋ nɛ̀ wèè e nɔ̀ŋ wo seì yaà e gòo ko nɛ̀ɛ̀ŋ nyiŋ niìŋ.”

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Nyɛ̀nɛ̀ŋ 13:40

Weètii, yɛ̀mɛìŋ nyɛ̀iŋ bi diɛŋ, wèè kɛ̀ e yèɛ aŋ wɛ̀ijì nyaŋ naŋ wa woò lɛ ɓɔ̀ è kaaìŋ kò nɛ̀ɛ̀iŋ niìŋ.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 13:51

Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Luùm 10:21

Wo Dayà naŋ ɓɛìŋ woò e nyaàiŋ dè anyùùŋ Ezɔ̀ɛ̀ nyaŋ wààŋ, “Wɔŋ niìsìaà gbiŋ sùà mìŋ joowà maŋ kùàŋ fùùŋ wèè ka jàà anyuùŋ gò jɔɔlɔ̀ yaà anyùùŋ dàà ke gbòà nyaŋ kùàŋ dìì.”

Luùm 10:8

Tɛɛ̀ wɔŋ fɛ̀ì Dayàa naŋ woò. “Ke mìè gbìàŋ Dayàa yààìŋ kɔɔ fɔ̀ɔ̀, kè yaà maŋ nyaàŋ kɔɔiŋ màŋ diɛŋ yèè maŋ jiiŋ màŋ sùà.” Ke mìè gbìàŋ guùŋ yɛɛ̀ è woàìŋ e nyaàiŋ dè e hààwe kɛ̀ɛ̀nɛŋ wo Dayà sùà.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.