Luù 1:78 - WƆŊ FƐ̀Ì EBÒ SÌÀŊ DAYÀA

⁷⁸ E mànàŋ Dayàa yèè e tɛ̀ɛ̀tɛ̀ɛ̀uŋ nɛ̀, do wi nàŋ mɛ̀ɛ̀ŋ diɛŋ mààŋ e gɔɛɛ̀ e yèɛ folo ke nyiliɛ̀ lɛ.

Luù 1:78 ပူးပေါင်းရင်းမြစ်များ

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Fèle 1:8

Wo Dayà nàŋ yaà wo seì miɔ̀ŋ nààŋ mìŋ woà e tɔ̀ɔ̀nyaàaŋ kɛ̀, e mànaàŋ mìŋ kuwa ke jii miɛ̀ŋ sùà weèiŋ lɛ̀, è yewe kè jìì Jisɛ̀ Kulaìɛ sùà wuŋ bi.

Fèle 2:1

Maŋ nyiiŋ gèeiŋ màŋ wo Jisɛ̀ Kulaì toomàŋ sùà wo nyɛ̀nɛ̀ŋ naŋ kɛ̀ɛ̀nɛ̀ŋ maŋ jii nyingè, yèè e mànauŋ nɛ̀ nyɛnɛŋ naŋ kɛ̀ɛ̀nɛ̀ŋ jii fàa. Wo Jìnàŋ nɛɛmaàŋ nyɛ̀nɛ̀ìŋ naŋ nɔ̀ŋ koɓɛ̀ guùŋ ke gbòò anyuùŋ hààwe nyàŋ sùà, e kìlà naŋ kɛ̀ɛ̀nɛ̀ŋ gòngo yèè ke nyowo wèè aŋ dàwiiŋ nyàŋ.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

2Pììlɛ 1:19

Ke mìè gbòà aŋ wɛ̀ijì nyaŋ naŋ ngèè ɓɛìŋ tòòyè jii nyingè wi màŋ. Nìŋ do nàŋ nyɛ̀nɛ̀ŋ tɛ̀ɛ̀ wèè naŋ yɛ̀mɛ̀ e kèì ke mìè gbìaŋ bi dììo sùà, esaɓù kɛ̀ kè yaà mààŋ e laumpò mɛ̀ɛŋ ke nyìwì sùà e jèèsùà e nììɛ sìà, yèè e gbòlòùŋ wɔŋ ɗù màŋ nyiìŋ tɛ̀tɛ̀ɔ e mɛ̀ɛ̀ŋ maŋ jiiiŋ màŋ sùà.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?

Maŋ kèì nyɛɛnɛŋ 22:16

“Miàim Jisɛ̀, Kà tùàŋ wo màikà miɔ̀ŋ wèè wo woò ke mìè seì yɛɛ̀ ko nɛ̀ɛ̀iŋ niìŋ nyɛ̀iŋ nààŋ anyuùŋ hààwe nyàŋ gbiŋ. Mìŋ yaà e gùlò e yìwìà ke kpòò Dèèweɛ̀ sùà. Miàŋ nàŋ yaà wɔŋ ɗù maŋ nyiìŋ tɛ̀tɛ̀ɔ mɛɛŋ wɔ̀ŋ.”