Luù 1:76 - WƆŊ FƐ̀Ì EBÒ SÌÀŊ DAYÀA

⁷⁶ “Yèè muàŋ jɔ̀à miɔ̀ŋ, àŋ doum nàŋ nyààŋ wo kèèlà Dàyà Gaàŋ Gbeeɔ̀. Esaɓù kɛ̀ mùŋ do nàŋ kɔ̀ wo Kanaà ko feìŋ, wèè maŋ bànèbànè ke dòmaàŋ weèuŋ,

Luù 1:76 ပူးပေါင်းရင်းမြစ်များ

Maafiù 14:5

Wo Hɛɛlɔ̀ manaŋ wa wo jìwà wo Jɔ̀ɔŋ, kɛɛ wò duɔŋ wa aŋ Juùù nyaŋ, esaɓù kɛ̀ anyùùŋ nyaŋ naŋ wa ɓèmè wo Jɔ̀ɔŋ wèè wo nɔ̀ŋ wo wɛ̀ijì.

Maafiù 21:26

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ e jùù è yàwì wèè e yèɛ anyùùŋ nyaŋ do wi nàŋ nyɛ̀nɛ̀ŋ lɛ, esaɓù kɛ̀ anyùùŋ nyaŋ gbiŋ wa nyìmàŋ kɛ̀ wo Jɔ̀ɔŋ yaà wa wo kèèlà Dayà.”

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 3:3

Wo Jɔ̀ɔŋ nàŋ yaà wo nyùnɔ̀ɔŋ wo wɛ̀ijìɔ Àzaayà naŋ wa wòò kiiuŋ wààŋ, “Wo nyùùŋ bà yaà kpàaŋ sùà ke fòùngà e diì wòaà sùà wààŋ, ‘Bànèbaneìŋ ke dòmaàŋ wèè wo Kanaà, bàneìŋ ke dòmaŋ jìlɛŋ wèè wo kaaìŋ diɛŋ!’ ”

Luù 1:32

Wò do nàŋ kɛ̀ɛ̀nɛ̀ŋ e gààŋ, yèè àŋ douŋ nàŋ nyààŋ wo Jɔ̀àfèlàà Dàyà Gaàŋ Gbeeɔ̀. Wo Kanaà Dayà douŋ nàŋ nyɛ̀nɛ̀ŋ wo kana, e kìlà wouŋ kìɛ̀ŋ ke kpùà kànà wo nèwàènèweuŋ nɔɔ̀ŋ Dèèwe.

Luù 1:35

Wo màikàa naŋ fasàì wààŋ, “Wo Jìnàŋ Nɛɛmaàŋ doum nàŋ dèyè diɛŋ, yèè e gààŋ Dayà Gaàŋ Gbeeɔ̀ doum nàŋ ɓùwò. Weètii mùŋ do nàŋ nyààŋ wo jɔ̀à nɛɛmaŋ wɛɛ̀ wo Jɔ̀àfèlàà Dayàa.

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Jɔ̀ɔŋ 1:23

Wo Jɔ̀ɔŋ naŋ nyiŋ fasaì e yìwìà maŋ mìè gbòa màŋ wo wɛ̀ijìɔ Àzaayà naŋ wa gbòò maŋ sùà wààŋ, “Mìŋ yaà nɔŋ wo nyùùŋ bà wo yèɔ yaà kpàaŋ sùà ke miè gbee sùà ke fòùngà e diì wòaà diɛŋ, ‘Bàneìŋ ke dòmaŋ jìlɛŋ wèè wo Kanaà wo kaaìŋ diɛŋ.’ ”

Jɔ̀ɔŋ 1:27

Wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ.”

Jɔ̀ɔŋ 3:28

Sèè niŋ nɔ̀ŋ weè anyuùŋ jàà keì jii, mìŋ naiŋ kìɛ̀ŋ ke mìè seì mìàŋ, miàŋ nàŋ fè wò yèɔ wò Dayà naŋ tàeɗùù wɔ. Kɛɛ miàŋ nàŋ yaà wo yèɔ wo Dayà naŋ tùɔ̀ŋ ko feìŋ wèè ka dàànè ebòuŋ nɛ̀.

Nyɛ̀nɛ̀ŋ 16:17

Wo jɔùŋjɔaà naŋ dè yàwi nààŋ Pɔɔ̀ maŋjɛ̀wɛ, wò yaà kpàaŋ sùà wààŋ, “Anyùùŋ nyɛɛ̀ŋ àŋ yaà aŋ ɓɔìjɔ̀à wèè wo Dàyà Gaàŋ Gbeeɔ̀! Àŋ yààìŋ woo kɛ̀ diè nìŋ naŋ ɓɛ̀nɛ̀ŋ nɔ̀ŋ jòèyeiŋ.”