Luù 1:35 - WƆŊ FƐ̀Ì EBÒ SÌÀŊ DAYÀA

³⁵ Wo màikàa naŋ fasàì wààŋ, “Wo Jìnàŋ Nɛɛmaàŋ doum nàŋ dèyè diɛŋ, yèè e gààŋ Dayà Gaàŋ Gbeeɔ̀ doum nàŋ ɓùwò. Weètii mùŋ do nàŋ nyààŋ wo jɔ̀à nɛɛmaŋ wɛɛ̀ wo Jɔ̀àfèlàà Dayàa.

Luù 1:35 ပူးပေါင်းရင်းမြစ်များ

Maafiù 1:18

E ɗewe kii lɛɛ̀ sùà àŋ naŋ wa kòmò wo Jisɛ̀ Kulaì. Wo yèyè Jisɛ̀ɔ nàŋ yaà wa wo Mèèle. Wo Jòòsɛ nauŋ wa dìkìè jèè kpɔ̀nɔ̀ŋ wèè wo nɔ̀ŋ wa wo jawèuŋ. Kɛɛ wèè paŋ tɛɛ̀ kaaìŋ wa, wo Mèèle naŋ wa nyìmè kɛ̀ wò hewa nàŋ kòmò wo jɔ̀à e yìwìà e gààŋ wo Jìnàŋ Nɛɛmaàŋ sùà.

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Maafiù 4:3

Kpeiŋ wo Sɛ̀tanàaŋ, wo nyuùŋ wàauŋ nɔɔ̀ŋ naŋ hnè ko nɛ̀ɛ̀uŋ niìŋ yèè wò nauŋ woò wààŋ, “Sèè mààŋ muàŋ nàŋ yaà wo Jɔ̀àfèlàà Dayàa, kɛ̀ wòò le dùò lɛɛ̀ e kìlà e gbɔ̀u wèè muŋ gbìlà.”

Luù 1:27

Wò naŋ wa kɔ̀ɔ̀ ke miè gbiàŋ koɓɛ̀ wo jɔ̀ùŋ jɔ̀à bɛ̀ɛ̀ bà àŋ nyaaŋ wo Mèèle. Wo Jòòsɛ e yìwìà ke kpòò Kanaà Dèèweɛ̀ sùà, naŋ wa dìkìè wo Mèèle e jèe kpɔ̀nɔ̀ŋ wèè wo nɔ̀ŋ wo jawèuŋ.

Luù 1:34

Wo Mèèle naŋ dàwè wo màikàa wààŋ, “Mìŋ yaà wo jɔ̀ùŋ jɔ̀à bɛ̀ɛ̀, dièsɔa tɛɛ̀ do nàŋ kaaìŋ?”

Luù 1:36

Wo wùìya mɔɔ̀ŋ Ìlesebɛ̀ɛ̀ wuŋ pɛɛ wò yaà hinie wo kòmàŋ wo jɔ̀àfelaa, jòòpɛɛ wò naàŋ tiiyè. Wo nyùùŋ gbiŋ fè wa goongo kɛ̀ wò do nàŋ kɛ̀ɛ̀nɛ̀ŋ wò jɔ̀à, kɛɛ wuŋ bi kòò wò yaà naàŋ e sùà maŋ wàà nɔɔnɔŋ dièguùŋ.

Jɔ̀ɔŋ 1:34

Wo Jɔ̀ɔŋ naŋ woò wààŋ, “Mìŋ naŋ yɛ̀mɛ̀ e yèɛ naŋ kaaìŋ lɛ yèè mìŋ yaà wo seì kɛ̀ wuŋ nàŋ yaà wo Jɔ̀àfèlàà Dayàa.”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 8:36

Yèè nààŋ àŋ yaà wa naàŋ kɔɔyɛ ke dòmaàŋ diɛŋ, àŋ naŋ hàì koɓɛ̀ e wùìyè bà. Wo nyùùŋ gbèè fuɔɔ̀ŋ naŋ wòò wo Felè wààŋ, “Yɛ̀mɛ̀, e wùìyè lɛɛ̀ kià, esaɓù bà kòò è yao eim kèèwè kùàŋ feìŋ wèè miŋ go nàŋ nɔ̀ŋ gùaim?” [

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.