Luù 1:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ muŋ gò hààwè kè miè gbìaŋ miɛ̀ŋ, ke yèɛ do nàŋ hɛɛnɛ̀ŋ e teenga niŋ nɛ̀ diɛŋ lɛ̀. Nààŋ muŋ gò hààwè è yèɛ mìŋ naum woò lɛ, muŋ naàŋ ɓɛ̀nɛ̀ŋ gbòa, yɛi mùŋ do nàŋ nɔ̀ŋ e jèèsùà e yèɛ mìŋ naum woò lɛ e hɛɛnɛ̀ŋ.”

Luù 1:20 ပူးပေါင်းရင်းမြစ်များ

Luù 1:19

Wo màikàa naŋ fasàì wààŋ, “Miàŋ nàŋ yaà wo Geeɓulɛ̀, mìŋ sia ko fɛ̀ɛ̀fèìŋ Dayài, wo yèɔ naim tùɔ̀ŋ ko nɛ̀ɛ̀ŋ muìŋ wèè kaum wòò ebò siaŋ lɛɛ̀.

Luù 1:21

E tèèngà guùŋ bi sùà, anyùùŋ nyaŋ yaà wa fùlìè wo Zakalayà, kɛɛ è naŋ nyiŋ wa foonò wèè e ɗewe kiiɛ̀ wò yaà wa kòlà sùà ko Saaŋ Zòòlò Dayài lɛ̀.

Luù 1:22

Nààŋ wò naŋ wa fòlò ko Saaŋ Zòòlò Dayài, wo gò wa ɓɛ̀nɛ̀ŋ gbòà kò nɛ̀ɛ̀ŋ nyiŋ niìŋ. Yèè àŋ naŋ nyìmè kɛ̀ wò gò e gɔ̀à gò ke jɛ̀ì. Wò naŋ nyiŋ gbùùyè maŋ kùàŋ, kɛɛ wo gò wa wòò è keì gbiŋ.

Luù 1:45

Wo Kanaà Dayà naum gbìɛ̀ŋ e zòòlo maŋjɛ̀wɛ esaɓù kɛ̀, mùŋ naŋ haawè kɛ̀ wò do nàŋ nyɛ̀nɛ̀ŋ e yèɛ wò nàŋ woò lɛ.”

Luù 1:64

Ko fɛɛ̀feìŋ wo Zakalayà naŋ ɓɛìŋ gbòò, yèè wò naŋ tɔ̀ɔ̀tù wo Dayà tɛ̀nɛŋ.

Luùm 3:3

È yaà tɔɔɓaa kɛ̀ aŋ Juùù nyaŋ bà nyiŋ gò wa hààwè kè miè gbìaàŋ wèè aŋ nyiŋ jɔ̀ɔ̀lɔ̀ dìì, màànààŋ àŋ naŋ wa jɔ̀ɔ̀ ɗààhiì kɛ̀ àŋ do nàŋ nyɛ̀nɛ̀ŋ lɛ. Weètii, tɛɛ̀ wɛ̀i ɓɛ̀nɛ̀ŋ tɔɔ̀ kɛ̀ wèè esàɓù e hààwe gò kɛɛnɛ̀ŋ nyiŋ nɛ̀, wo Dayà naàŋ nyiìŋ kpuumò nààŋ wò naŋ wa jɔ̀ɔ̀ e ɗààhiì wèè wo nyɛ̀nɛ̀ŋ lɛ?

2Time 2:13

Sèè è goiŋ kùwìè e hààwe, wò jeeyà wo nyuùŋ tùlìà jii nɔ̀ɔŋ, e fèfoo wo fè ɓɛ̀nɛ̀ŋ nɔ̀ŋ è kàaɓì sùà wèè wuŋ bi.”

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

Hiɓu 6:18

Manɛ̀ŋ ɗì tìyèe mɛɛ̀ŋ nàŋ yaào. Wo Dayà fè tòà, wo fè kìlà kè jiiuŋ nɛɛ̀ŋ julɔfɔ wèè e ɗààhiìɛ wò naŋ jɔ̀ɔ̀ e kìlà wò naŋ gbòònò diɛŋ lɛ̀. Yàwi nyàŋ naiŋ kɔ̀ ko nɛ̀ɛ̀uŋ niìŋ wèè wo wi joeyè nyaŋ, è doiŋ wɛ̀i nàŋ kɛ̀ɛ̀nɛ̀ŋ jii nyingè gbee wèè eiŋ kùwà kpaŋ koɓɛ̀ ke jii tùliaà yàwì ko feìŋ lɛ.

Maŋ kèì nyɛɛnɛŋ 3:19

Mìŋ gbuuyà e kìlà mìŋ nimilà anyùùŋ nyaŋ gbiŋ mìŋ manaŋ nyàŋ. Weètii, nɔ̀ŋ wo nyùùŋ tɔ̀ɔ̀nyaàŋ, e kìlà muŋ fè maŋ tùwo naanààum màŋ jɛwɛ.