Luù 1:17 - WƆŊ FƐ̀Ì EBÒ SÌÀŊ DAYÀA

¹⁷ Wò do nàŋ kɔ̀ wo Kanaà ko feìŋ e yìwìà e gààŋ guùŋ nɛ yèè wo jìnàŋ gunɔ̀ɔŋ wo Ìlaajà kuwa wa wɔ. Yèè esàɓù wo Jɔ̀ɔŋ sùà, anyuùŋ kòmaŋ nyàŋ do nàŋ kɛ̀ɛ̀nɛ̀ŋ e gòngo wèè aŋ jɔ̀à nyiŋ nyàŋ. E kìlà anyùùŋ nyaŋ naŋ gììyè wo Dayà maŋhɛɛ nyàŋ do naàŋ nàŋ kɛ̀ɛ̀nɛ̀ŋ maŋ jìì e gòngo siaŋ, yèè aŋ dè ke dòmàŋ anyùùŋ tɔ̀ɔ̀nyaàŋ nyaŋ diɛŋ. E ɗeweɛ̀ lɛɛ̀ wo Jɔ̀ɔŋ do nàŋ nyɛ̀nɛ̀ŋ anyùùŋ aŋ nɔ̀ŋ bànèbane nyiŋ wèè wo Kanaà Dayà.”

Luù 1:17 ပူးပေါင်းရင်းမြစ်များ

Maafiù 11:14

Yèè sèè nìŋ haawà maŋ miè gbìaŋ nyiŋ màŋ, wo Jɔ̀ɔŋ nàŋ yaà wo Ìlaajà, wo yèɔ nìŋ yaà yɛ̀ɛ̀mɛ̀ dòmaŋ wèè wo hnàŋ wɔ.

Maafiù 14:4

Tɛɛ̀ wo Jɔ̀ɔŋ Gùà Nyùnɔ̀ɔŋ hewa wòò wo kanaà Hɛɛlɔ̀ wààŋ, “E fè tɔ̀ɔ̀nyaàŋ wèè maŋ ɓèmè wò Hɛ̀lolìà, wò jàwè wùìya mɔɔ̀ŋ Felè wèè wò do nɔ̀ŋ wò jawèum, e teengaà wo wùìya mɔɔ̀ŋ yaà wɔŋ nyiiŋ gèeɔ̀ sùà lɛ.”

Maafiù 3:3

Wo Jɔ̀ɔŋ nàŋ yaà wo nyùnɔ̀ɔŋ wo wɛ̀ijìɔ Àzaayà naŋ wa wòò kiiuŋ wààŋ, “Wo nyùùŋ bà yaà kpàaŋ sùà ke fòùngà e diì wòaà sùà wààŋ, ‘Bànèbaneìŋ ke dòmaàŋ wèè wo Kanaà, bàneìŋ ke dòmaŋ jìlɛŋ wèè wo kaaìŋ diɛŋ!’ ”

Maafiù 3:4

Wo Jɔ̀ɔŋ hewa gɔ̀àà maŋ deè bàànè maŋ dùùm ɗòsòo. Wò naŋ wa dìkìè e tɛ̀kì wɔŋ fɛ̀ì yilì e tɛɛuŋ nɛ̀, e kìlà enɛ̀jeuŋ nɛ̀ nàŋ yaà wa aŋ gɔungɔ̀ gbeegbèè nyaŋ yaà aŋ gɔ̀ì.

Luù 1:16

Yèè wo Jɔ̀ɔŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ zimgbe nyiŋ aŋ kìlà koɓɛ̀ wo Dayà nyiŋ nɔɔ̀ŋ.

Luù 1:76

“Yèè muàŋ jɔ̀à miɔ̀ŋ, àŋ doum nàŋ nyààŋ wo kèèlà Dàyà Gaàŋ Gbeeɔ̀. Esaɓù kɛ̀ mùŋ do nàŋ kɔ̀ wo Kanaà ko feìŋ, wèè maŋ bànèbànè ke dòmaàŋ weèuŋ,

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Jɔ̀ɔŋ 1:34

Wo Jɔ̀ɔŋ naŋ woò wààŋ, “Mìŋ naŋ yɛ̀mɛ̀ e yèɛ naŋ kaaìŋ lɛ yèè mìŋ yaà wo seì kɛ̀ wuŋ nàŋ yaà wo Jɔ̀àfèlàà Dayàa.”

Jɔ̀ɔŋ 3:28

Sèè niŋ nɔ̀ŋ weè anyuùŋ jàà keì jii, mìŋ naiŋ kìɛ̀ŋ ke mìè seì mìàŋ, miàŋ nàŋ fè wò yèɔ wò Dayà naŋ tàeɗùù wɔ. Kɛɛ miàŋ nàŋ yaà wo yèɔ wo Dayà naŋ tùɔ̀ŋ ko feìŋ wèè ka dàànè ebòuŋ nɛ̀.

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Luùm 9:23

Wò naŋ wa tɛɛ̀ nyɛ̀nɛ̀ŋ nààŋ wò naŋ wa tɔ̀ɔ̀ e jòòwo gbeeuŋ nɛ̀, e teengaà wò naŋ wa kɛ̀ɛ̀nɛ̀ŋ ke nyowo anyunùuŋ nyàŋ diɛŋ aŋ yè nyaŋ wò naŋ wa tàeɗùù wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà nyaŋ.

2Time 2:21

Anyùùŋ nyaŋ naŋ nyɛ̀nɛ̀ŋ nyiŋ bi naŋ zɛ̀nɛ̀ŋ esaɓù kɛ̀ àŋ fòlà maŋ keì naanààŋ mɛɛ̀ŋ gbiŋ sùà nyaŋ, àŋ do nyiŋ nàŋ toomò wèè maŋ saɓù titi, e fèfoo àŋ yaà e ɓula jàa nyiŋ, yèè wo Kana nyiŋ nɔɔ̀ŋ wò nyiŋ ɓɛ̀nɛ̀ŋ tòòmo, e kìlà àŋ yaà bànèbane nyiŋ wèè aŋ nyɛ̀nɛ̀ŋ e tòmo siaŋ gbiŋ.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

1Jɔ̀ɔŋ 2:28

Nyɛ̀iŋ nààŋ jɔ̀àim nyàŋ, jèeìŋ aŋ bàiŋbà wo Jisɛ̀ Kulaì sùà, e wèè sèè wo hnàŋ wa nàwèè eiŋ kɛ̀ɛ̀nɛ̀ŋ ke jii tùlia yèè e naìŋ nyɛ̀ɛ̀nɛ̀ŋ è sàngè sùà kè ɗɔ̀ɔ̀ hnàauŋ nɛɛ̀ŋ diɛŋ.

Maŋ kèì nyɛɛnɛŋ 20:4

Mìŋ naŋ yɛ̀mɛ̀ maŋ kpùà kana. Anyùùŋ nyaŋ jàà miìŋ wa diɛŋ nyàŋ, nyiŋ àŋ naŋ wa kìɛ̀ŋ gààaŋ wèè aŋ hàà kiti. Anyùùŋ bi zà nàŋ yaà wa aŋ jìnàŋ anyùùŋ nyaŋ àŋ naŋ wa kɛ̀ɛ̀ maŋ ɗì nyaŋ wèè aŋ kìɛ̀ŋ maŋ mìè seì, esaɓù kɛ̀ àŋ naŋ wa wòò e tɔ̀ɔ̀nyaàaŋ e nyaàiŋ de e yèɛ wo Jisɛ̀ naŋ wa gɔ̀àì sùà lɛ yèè àŋ naŋ gbòò ke mìè Dayàa. Nyiŋ nàŋ yaà anyùùŋ nyaŋ naŋ wa gè maŋhɛɛ wèè aŋ zòòlò wo yilì kùùnoɔ̀ yaà wo dayà joouŋ nɔɔ̀ŋ, e kìlà àŋ naŋ gè maŋhɛɛ wèè aŋ nyiŋ hàà e fèè wo yilì kùùnoɔ̀ maŋ ɗìfeìŋ ɔ̀ɔ̀ maŋ kùàŋ sùà. Anyùùŋ nyɛɛ̀ŋ naŋ wa kɛ̀ɛ̀ wɔŋ nyiiŋ gèe sùà yèè àŋ naŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.