Kòlo 4:3 - WƆŊ FƐ̀Ì EBÒ SÌÀŊ DAYÀA

³ E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

Kòlo 4:3 ပူးပေါင်းရင်းမြစ်များ

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

1 Kɔliìŋ 16:9

Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

2 Kɔliìŋ 2:12

E teengaà mìŋ naŋ hàì ko Toà wèè ka wòò ke mìè gbìàŋ Ebò Siaàŋ nyaàiŋ dè wo Jisɛ̀ Kulaì lɛ, mìŋ naŋ yɛmɛ̀ kɛ̀ wo Kanaà yìlè wɔŋ gbemgbee wèè e tòmo ka feìŋ koɓɛ̀ bi.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 3:3

Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

Ɛfesɔ̀ 3:4

Sèè nìŋ do nàŋ kpɛ̀nɛ̀ŋ e nɛ̀ɛŋ mìŋ naŋ sìngè lɛ, nìŋ do kai nàŋ nyìmè e ɗeweɛ̀ mìŋ naŋ jàà e kèè ke gbùnù Jisɛ̀ Kulaìɛ jii lɛ̀.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Fèle 1:19

esaɓù kà nyìmàŋ kɛ̀ e zòòloiŋ nɛ̀ yèè e kpùùmaàŋ yewe wo Jìnàŋ Jisɛ̀ Kulaìɔ sùà lɛ, mìŋ do nàŋ nɔ̀ŋ e bìlɛim.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Kòlo 1:26

kiìŋ nàŋ yaà ke gbùnuɛ̀ wò naŋ wa nyɛɛnɛ̀ŋ e yìwìà aŋ nyuùŋkpùuŋ sìwè wèè maŋ doa jika jika bà sùà, kɛɛ wò nyiŋ naàŋ tɔɔ̀ koɓɛ̀ anyùùŋ nɛɛmauŋ nyàŋ.

Kòlo 4:18

Wɔŋ kùàŋ miàŋ biɔ̀ naŋ tɛɛ̀ sìngè. E zùùmo e yìwìà miàim Pɔɔ̀ sìwè. Ɓɔ̀ nìŋ nyɛɛnɛ̀ŋ kɛ̀ kòò mìŋ yaà nɔŋ maŋ jɔ̀ɔɔ ko sààŋ nyìwìi. Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.

1Tɛsè 5:25

Wùìya wi nyàŋ, zòòloìŋ weè wi yàwi pɛɛ.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Felemɔ̀ŋ - PHM 1:22

Kɔ̀nɛɛ̀ŋ bànè ko sààŋ nyùùnèènyɛiŋ e weèim. Mìŋ kuwa ke jii tùliaà kɛ̀ wo Dayà doum naŋ kpuumò wo jàà e zòòloìŋ nɛ̀ kùàŋ dìì, yèè mìŋ doum nàŋ jààmè.