Kòlo 4:11 - WƆŊ FƐ̀Ì EBÒ SÌÀŊ DAYÀA

¹¹ Wo Jàasùà, wo yèɔ àŋ nyaaŋ wo Jɔtù wɔ, naiŋ tùɔ̀ŋ e zùùmo wuŋ pɛɛ. Aŋ fèlàà taai nyɛɛ̀ŋ, nàŋ yaà aŋ Juùù nyuuŋ kɛ̀ɛ̀nɛ̀ŋ hààwe nyàŋ nɔŋ è naiŋ tòòmò koɓɛ̀ guùŋ wèè e Kànà Dayàa, e kìlà àŋ naim kìɛ̀ŋ e kpùùmaŋ gbee.

Kòlo 4:11 ပူးပေါင်းရင်းမြစ်များ

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 11:2

Nààŋ wo Pììlɛ naŋ kɔ̀ ko Jùlusɛ̀làm, anyùùŋ nyaŋ naŋ wa haawè kɛ̀ e kpùà jàa è yaà e keì kɛnɛ nyàŋ, naŋ wa gè maŋhɛɛ e nyaàiŋ dè e yèɛ wo Pììlɛ naŋ woò lɛ, yèè àŋ naŋ woò nyààŋ,

Luùm 16:3

Mìŋ naŋ tùɔ̀ŋ maŋ mìè gbìàŋ zùùmo titi mɛɛ̀ŋ koɓɛ̀ wo nìeɔ̀ Pikà yaà wo fanuuŋ nɔɔ̀ŋ Àkuilà, anyuùŋ tòmo dàwiim nyàŋ wo Jisɛ̀ Kulaì sùà.

Luùm 4:12

Tɛɛ̀ naŋ ɓɛìŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdà aŋ yè nyaŋ kinɛiŋ àŋ naŋ jàà kpùa nyàŋ, yèè aŋ naŋ hààwè Dayà, màànààŋ wo Eɓulɔhɛɛ̀ŋ naŋ wa nyɛ̀nɛ̀ŋ paŋgàà wò naŋ wa nɔ̀ŋ kpùà jààuŋ lɛ̀.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Ɛfesɔ̀ 2:11

Nyɛ̀iŋ nààŋ nyùùŋ nyaŋ fè àŋ Juùù nyaŋ, aŋ Juùù nyaŋ heiŋ wa nyààŋ anyuùŋ gò “jàà kpùa”. Kɛɛ àŋ hewa nyààŋ nyiiŋ bi anyuùŋ jàà kpùa. Tɛɛ̀ naŋ tɔ̀ɔ̀ e nɛ̀ɛŋ aŋ felaa nyàŋ nyɛnɛŋ maŋ kpùnaŋ nyiŋ màŋ lɛ. Jàaìŋ jii kɛ̀ ɓòò nìŋ yaà wa e gɔuo sùà.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 4:7

Wo wùìya mànaŋ wiɔ̀ Tachikɔ̀, wò yaà wo ɓɔìjɔ̀à tùlìà jii, e kìlà wò naŋ wi tòòmò maŋjɛ̀wɛ wèè eiŋ tomo wèè wo Kanaà wɔ, wò doiŋ nàŋ kìɛ̀ŋ ke miè gbìaàŋ e nyaàiŋ eim dè.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

1Tɛsè 3:7

Wèè esaɓù tɛɛ̀ sùà nyɛ̀iŋ nààŋ wùìya wi nyàŋ, e kpùlìà maŋ mɔ̀ɔ̀nɛŋ wi màŋ yaà maŋ keì nyìnga màŋ gbiŋ è naiŋ kɔ̀ dìì maŋ, ke di yaà maŋ jii wì sùà e weèiŋ, e hààweiŋ nɛ̀ zà naŋ wi fè ke di bi,

Taitɔ̀ 1:10

Anyuùŋ gò jɔɔlɔ̀ zimgbe àŋ yaào aŋ kuwà è ɓɛ̀ɛ̀jàà wèè àŋ sìèfeìŋ, yèè àŋ zuwà anyùùŋ nyaŋ bà nyiŋ maŋ mìè gbòa foofòò sùà. Tɛɛ̀ yaà e tɔɔɓaa yèè è kaaìŋ, kai kai ngèè aŋ Juùù nyaŋ yè nyaŋ kaà kɛ̀, sɔɔ̀ anyùùŋ nyaŋ fè àŋ Juùù nyaŋ aŋ nɔ̀ŋ kpùà jàa nyiŋ pangàà àŋ nɔ̀ŋ anyuùŋ hààwe.

Felemɔ̀ŋ - PHM 1:1

E yìwìà miàim Pɔɔ̀ sìwè, wo yèɔ yaà wa ko sààŋ nyìwì esàɓù e hààwe mɛ̀ wo Jisɛ̀ Kulaì sùà wɔ, yàwi Timetè wo nyuùŋ tòmo dàwi miɔ̀ŋ e hààweɛ̀ sùà nàŋ yaà sìngìè wɔŋ fɛi wɛɛ̀ŋ. Felemɔ̀ŋ, wùìya wiɔ̀ yèè wo nyuùŋ tòmo dàwi wiɔ̀, e yaà sìngìè wɔŋ fɛi wɛɛ̀ŋ ko nɛ̀ɛ̀ŋ muìŋ,

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.