Kòlo 3:5 - WƆŊ FƐ̀Ì EBÒ SÌÀŊ DAYÀA

⁵ Nìŋ kuwa naŋ jìwà maŋ kpèè ɗuunyaŋ màŋ, maŋ yè maŋ yaà toomo maŋ kpùnaiŋ màŋ sùà, maŋ nyɛ̀nɛŋ mààŋ maŋ yɛ̀ɛ̀ hmɔŋtu naanààŋ yaà maŋ gòngo naanààŋ. Wo nyùnɔ̀ɔŋ naŋ nyɛ̀nɛ̀ŋ e wànàŋ e nɛ̀ŋ keekèè wɔ, è yaà nɔŋ mààŋ maŋ goò zòòlo.

Kòlo 3:5 ပူးပေါင်းရင်းမြစ်များ

Maafiù 15:19

E yìwìà ke jii mɔɛ̀ŋ sùà maŋ gòngo naanààŋ folo, maŋ yè maŋ nyɛ̀nɛ̀ùm maŋ nyɛ̀nɛ̀ŋ maŋ keì mààŋ, nyuùŋ jìwa, e gòngò hmɔŋtu, e kpùlìà maŋ yɛɛ̀ nyɛ̀nɛŋ gò kùwìè ɓɛ̀ɛ̀jàa, maŋ keì naanààŋ gɛ̀wɛɛ̀ zimgbe mààŋ, e wùa, e tòa, yèè e keì kàaɓì gbùwà nyùùŋ ɗì wèè e deèuŋ nɛ̀ e pɔɔ̀.

Luùm 1:26

Wèè esaɓù lɛɛ̀ wo Dayà wò nyiŋ dangè wèè aŋ dè maŋ kpèè sàngè naanààŋ nyiŋ màŋ maŋjɛ̀wɛ. Aŋ jɔùŋ ɓemàŋ aŋ jɔùŋ dàwi nyiŋ wèè aŋ nyɛ̀nɛ̀ŋ ke yɛ̀ɛ̀, aŋ fè ɓɛìŋ nyɛ̀nɛ̀ŋ kè yɛɛ̀ kɛnɛ kòɓɛ̀ àŋ faniŋ nyiŋ nyàŋ.

Luùm 1:29

Àŋ naŋ dìè maŋ jùumù, maŋ kpèè naanààŋ, yèè àŋ yaà wùànàŋ manɛ̀ŋ maŋ gbiŋ, àŋ naŋ kɛ̀ɛ̀fɛ̀ɛ̀ maŋ dòmaŋ nyaaŋ màŋ gbiŋ. Àŋ naŋ dìè le kòò, àŋ yaà anyuùŋ jìwà nyùùŋ, àŋ sumiàŋ aŋ dàwi, àŋ nyɛnɛŋ kàaɓì, yèè àŋ kuwa maŋ jii naanààŋ. Àŋ fiafìà nyùùŋ,

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Luùm 6:6

Èiŋ nyìmàŋ kɛ̀ nààŋ wo Jisɛ̀ Kulaì naŋ wa fɔ̀ɔ̀yɛ̀ wɔŋ vènèkpaaà diɛŋ, yaà maŋ kpùnàŋ jùumù wi màŋ naŋ wa fɔ̀ɔ̀yɛ̀ koɓɛ̀ guùŋ. Tɛɛ̀ naŋ wa kaaìŋ wèè e nyɛ̀nɛ̀ŋ e gààŋ maŋ kpùnàŋ jùumù wi màŋ nɔ̀ŋ pɔ̀ɔ̀pɔɔ niŋ, wèè e go wi ɓɛìŋ nàŋ nyɛ̀nɛ̀ŋ eiŋ nɔ̀ŋ aŋ ɗo wèè maŋ jùumù nyɛ̀nɛŋ.

Luùm 7:23

Kɛɛ ke kpùnaŋ miɛ̀ŋ gbiŋ sùà, mìŋ naŋ yɛmɛ̀ kɛ̀ e nɛ̀ŋ bà kòò è yaà sùmìàŋ sùà ke sàwàa mìŋ naŋ jàà kùàŋ dìì ke jii miɛ̀ŋ sùà yɛ. È naim nyɛ̀nɛ̀ŋ wo ɗo e jùumù dìì e yèɛ toomàŋ e kenìŋ mɛ̀ sùà wèè manɛ̀ŋ maŋ gbiŋ mìŋ nyɛnɛŋ màŋ.

Luùm 7:5

Sèè è nɔ̀ìŋ nɔŋ maŋ nyiiŋ gèe wi màŋ sùà màànààŋ yàwi bi manaŋ wèè eiŋ nɔ̀ŋ lɛ, ke sàwàa nyɛ̀nɛ̀ŋ wì eiŋ jɔ̀ɔ̀lɔ̀ e ɗèweɛ̀ è kùwàìŋ lɛ dìì wèè eiŋ nyɛ̀nɛ̀ŋ maŋ kpèè naanààŋ maŋ kpùnaŋ wi màŋ sùà, yèè maŋ kpèè naanààŋ wi bi zà nàŋ do wi nàŋ nyɛ̀nɛ̀ŋ eiŋ fà.

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.

1 Kɔliìŋ 5:1

Tɔɔɓaa, è naàŋ nɔ̀ŋ wòòiŋ kɛ̀ e kèì nàànààŋ hmɔŋtu nyɛ̀nɛŋ èiŋ sɛ̀ɛ̀ tɛɛ naanààŋ kàìŋ, e yèɛ anyuùŋ gò hààwè Dayà nyaŋ kàìŋ nyaŋ fè niìŋ nyinie lɛ̀. Àim woò kɛ̀ wo felaa yaà wo jàwè dèdauŋ nɔɔ̀ŋ jawe ko gbùmàŋ guùŋ.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

1 Kɔliìŋ 6:13

Wo nyuùŋ joo bà do nàŋ woò wààŋ, “E nɛ̀ŋje yaà wèè ko sùà, yèè ko sùà yaà wèè e nɛ̀ŋje.” Hɛ̀ɛɛ̀ŋ kɛɛ, wo Dayà do nàŋ hìɛ̀ŋ tiŋ tìyèe ko dìa. Ke kpùnaàŋ fè nɛ̀ŋ tòòmo wèè è hmɔŋtu nyìniaŋ, sɔɔ̀ e tòmo wèè Kanaà, yèè wo Kanaà do nàŋ kìɛ̀ŋ ke kpùnaàŋ.

1 Kɔliìŋ 6:18

Duàŋ e kèì nàànààŋ hmɔŋtu nyɛ̀nɛŋ, e keì naanààŋ gbiŋ wo nyùùŋ naŋ nyɛ̀nɛ̀ŋ e fè mɔ̀ɔ̀nɛ̀ŋ kè kpùnauŋ nɛɛ̀ŋ, kɛɛ wo nyùnɔ̀ɔŋ naŋ gbèè e hmɔŋtu nyɛ̀nɛŋ wɔ, wò ɓemàŋ e jùumù ke kpùnàŋ wuŋ biɛ̀ diɛŋ.

2 Kɔliìŋ 12:21

E jùù yààìm kɛ̀ sèè mìŋ hnàŋ ɓɛìŋ ko nɛ̀ɛ̀ŋ niìŋ wo Dayà miɔ̀ŋ doim nàŋ sìè sàngè ko fɛɛ̀fenìiŋ, mìŋ do nàŋ gòlò esaɓù kɛ̀ nyɛ̀iŋ nààŋ zimgbe nyiŋ kòò nìŋ kìlè wèè naŋ fè màŋ jùumù gɔugɔ̀ù maŋ nìŋ naŋ wa nyɛ̀ɛ̀nɛ̀ŋ maŋ kùàŋ sùà. Kòò nìŋ yaà nɔŋ nyìnìè maŋ hmɔŋtu naanààŋ, maŋ keì kùwà ninaŋ, yèè maŋ kèì sàngè.

Gàla 5:24

E kìlà esàɓù e nɔŋ wilɛ̀ wèè wo Jisɛ̀ Kulaì, è jìwà e ɗèwè yàwi biɛ̀ yèè e ɗèwè maŋ kèìŋ nyuùŋkpùuŋ màŋ.

Ɛfesɔ̀ 4:19

E sàngè gbiŋ fè nyiŋ wa ɓɛìŋ nyɛ̀nɛ̀ŋ wèè màŋ kpèè naanààŋ maŋ àŋ nyɛnɛŋ màŋ, àŋ gè nyiŋ bi nyààŋ diɛŋ wèè maŋ kpèè naanààŋ nyɛ̀nɛŋ, yèè àŋ nyɛnɛŋ maŋ keì kùwà ninaŋ gɛ̀wɛɛ̀ gbiŋ.

Kòlo 2:11

Nààŋ nìŋ yaà wa aŋ bàiŋbà wo Jisɛ̀ Kulaì sùà e teengaà àŋ naiŋ jàà kpùa lɛ̀, miŋ fè wòò è kèè kè kpùà jàà nyuùŋkpùuŋ wèè wɔ̀ŋ kɔɔiŋ nɔɔ̀ŋ, kɛɛ ke kpùa jàaà wo Jisɛ̀ Kulaì naŋ wa kɔ̀ɔ̀ feìŋ lɛ, e yèɛ e nyaàiŋ naŋ dè e ɗeweɛ̀ wò naiŋ wa bilɛ̀ŋ e yìwìà e gààŋ ke kpèè maŋ jùumù dìì lɛ.

1Tɛsè 4:3

Wo Dayà manaŋ wèè naŋ nɔ̀ŋ e nɛɛmaŋ sùà, e kìlà e kèì nàànààŋ hmɔŋtu nyɛ̀nɛŋ gbiŋ ɓɔ̀ è gbɛ̀ɛ̀iŋ kɔɔ.

1Tɛsè 4:5

È ɗèweiŋ nɛ̀ ɓɔ̀ è nɔ̀ŋ è gòngò hmɔŋtu nyɛ̀nɛŋ màŋjɛ̀wɛ mààŋ anyùùŋ nyaŋ nyimààŋ Dayà nyaŋ.

1Time 6:10

E gùlòɛ wèè keì naanààŋ gɛ̀wɛɛ̀ zimgbe nàŋ yaà e wùànàŋ nɛɛnɛŋ keekèè. Anyùùŋ nyaŋ bà nyiŋ fɔɔnɔ̀ŋ e wùànàŋ nɛɛnɛŋ aŋ kɛ̀ɛ̀ e hààweɛ̀ maŋjɛ̀wɛ, yèè àŋ fè nyiŋ bi maŋ jii mɔ̀ɔ̀nɛ̀ŋ zimgbe.

Hiɓu 12:16

Wo nyùùŋ gbiŋ ɓɔ̀ wò gbìàŋ kùàŋ è kèè hmɔŋtu nyɛ̀nɛŋ sùà, ɔ̀ɔ̀ wo gbòà màŋ mìè ɓɛ̀ɛ̀pɔ̀ɔ kòɓɛ̀ Dayài, màànààŋ wo Isɔ̀ naŋ wa nyɛ̀nɛ̀ŋ lɛ, wo yèɔ naŋ wa mààŋ e tɔ̀ɔ̀nyààŋ ke ɗɔ̀ɔ̀ kòmauŋ nɛɛ̀ŋ wèè wɔŋ jakulo, jòòpɛɛ wuŋ nàŋ yaà wa wo jɔ̀àfelaa jiɛ̀jiɛ̀ɔ.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

Hiɓu 13:5

Ɓɔ̀ nìŋ nɔ̀ŋ ànyuùŋ mànàŋ nɛɛnɛŋ zimgbe. Kɛ̀ɛ̀nɛìŋ ke jii fàa wèè e yèɛ nìŋ kuwa lɛ̀. Wo Dayà naŋ woò wààŋ, “Miŋ naàum wa nàwèè jòò, e kìlà miŋ naàum wa nàwèè gììyè kɛ̀ɛ.”

Jìiiŋ 4:1

Kiìŋ nàŋ hiàŋ maŋ nyaàŋ tàaŋ màŋ, kiìŋ nàŋ daa maŋ gùuŋ màŋ nyɛ̀iŋ wouwòù e fèemàŋ? Màŋ yewe e wùànàŋ gbanaɛ̀ nìŋ kuwa maŋ jiiiŋ màŋ sùà lɛ, e yèɛ yààìŋ sùmiaŋ sùà e teenga gbiŋ wèè tiŋ e kuwiè e gààŋ diɛiŋ nɛ̀.

1Pììlɛ 2:11

Nyɛ̀iŋ nààŋ dàwiim nyàŋ, nààŋ nìŋ yaà anyùùŋ fuɔŋ joo yèè aŋ nyùnèènyɛiŋ e ɗuunyaŋ lɛɛ̀ sùà lɛ, mìŋ yààìŋ pɔ̀wɔ sùà, ɓɔ̀ nìŋ gbɛ̀ɛ̀ mànɛ̀ŋ mànàŋ màŋ kèìŋ maŋ yè maŋ kuwìà wɔŋ nyììŋ jinàiŋ nɔɔ̀ŋ kè gùuŋ e teenga gbiŋ sùà lɛ.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.