Kòlo 3:4 - WƆŊ FƐ̀Ì EBÒ SÌÀŊ DAYÀA

⁴ Wɔŋ nyiiŋ gèe kɛnɛiŋ nɔɔ̀ŋ nàŋ yaà wo Jisɛ̀ Kulaì, sèè wò folo wa nàwèè ɓɛìŋ ko fɛɛ̀feìŋ, kpeiŋ kɛ̀ nyɛ̀iŋ yèè wuŋ do nàŋ fòlò ko fɛɛ̀feìŋ, e kìlà nìŋ do nàŋ nɔ̀ŋ aŋ bàiŋbà e jòòwouŋ nɛ̀ sùà.

Kòlo 3:4 ပူးပေါင်းရင်းမြစ်များ

Maafiù 13:43

Kpeiŋ kɛ̀ anyùùŋ tɔ̀ɔ̀nyaàŋ nyaŋ do nàŋ mɛ̀ɛ̀ŋ mààŋ e gɔɛɛ̀ e Kànà Dèda nyiŋ nɔɔ̀ŋ sùà. Weètii, jàaìŋ maŋ nùŋ dìì tɛ̀ɛ̀ sèè nìŋ kɛɛnɛ̀ŋ maŋ nùŋ!”

Luù 17:30

Yɛi nɔŋ e kèì guùŋ bi do nàŋ nɔ̀ŋ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè.

Jɔ̀ɔŋ 11:25

Wo Jisɛ̀ nauŋ woò wààŋ, “Miàŋ nàŋ kuwa e gààaŋ wèè ka gè wo nyuùŋ fàa dìì wo kɛ̀ɛ̀ wɔŋ nyiiŋ gèeɔ̀ sùà. Anyùùŋ nyaŋ gbiŋ naim haawè nyaŋ do ɓɛìŋ nàŋ yèwè e fàaà dìì, jòòpɛɛ àŋ wa fà.

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Luùm 8:18

Mìŋ naŋ haawè kɛ̀ e mɔ̀ɔ̀nɛɛ̀ŋ è yààìŋ naàŋ kɔ̀ɔ̀yɛ̀ dìì e teenga lɛɛ̀ sùà lɛ, e fè niŋ ɓɛ̀nɛ̀ŋ gbɛ̀ɛ̀nɛ̀ŋ è jòòwoɛ̀ wò Dayà do wi nàŋ tɔɔ̀ lɛ.

Luùm 8:19

Manɛ̀ŋ maŋ gbiŋ wo Dayà naŋ banè maŋ e ɗuunyaàŋ lɛ, màŋ yaà fùlìè e teenga titiɛ̀ wèè wo Dayà tɔɔ̀ kɛ̀ ɓòò nàŋ yaà aŋ jɔ̀àuŋ nyàŋ.

1 Kɔliìŋ 1:7

yèè esàɓù tɛɛ̀, kòò nìŋ ɓà è kìɛɛ̀ŋ bà guùŋ pɛɛ, nààŋ nìŋ yaà fùlìè wo kààmɔɔɔ̀ŋ Jisɛ̀ Kulaì wèè wo hnàŋ lɛ.

1 Kɔliìŋ 15:43

Sèè àŋ sie ke kpùnaàŋ kè nanaŋ kìlà kè yɔkpɔ̀. Wo Dayà gè nyiìŋ e fàa dìì e jòòwo sùà, yèè kè kuwa gààŋ.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Fèle 3:21

Wò do nàŋ kìlè maŋ kpùnàŋ zɔ̀kpɔ̀ wi màŋ, wo miŋ nyɛ̀nɛ̀ŋ maŋ nɔ̀ŋ mààŋ e ɗeweɛ̀ ke kpùnàŋ e jòòwò gaàŋ gbeeuŋ nɛɛ̀ŋ yaà lɛ. Wò do nàŋ tòòmò e gààaŋ wò kuwa lɛ̀ wo hìàŋ manɛ̀ŋ maŋ gbiŋ e kanauŋ nɛ̀ dìì.

1Tɛsè 4:17

pangàà kɛ̀ yàwi nyàŋ kùwàìŋ nyiiŋ gèeɔ̀ e teenga lii sùà nyaŋ, èiŋ gbònògbònò koɓɛ̀ guùŋ ke nyili fuaà sùà wèè eiŋ mɛ̀ɛ̀ŋ wo Kanaà Jisɛ̀ ko fùùiŋ. Kpeiŋ kɛ̀ è doiŋ wa nàwèè naàŋ nàŋ nɔ̀ŋ koɓɛ̀ Kanaà Jisɛ̀i wèè julɔfɔ.

1Time 6:14

wèè naŋ jɔ̀ɔ̀lɔ̀ maŋ mìè gbòa mɛɛ̀ŋ dìì, yèè maŋ miŋ sìà e hààwe zɛ̀nɛŋ gò kɛ̀ɛ̀nɛ̀ŋ è tɔ̀mɛ sùà, e jèèsùà ke Ɗɔɔɛ̀ wo kana wiɔ̀ Jisɛ̀ Kulaì do nàŋ hnè yɛ.

2Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa sùà, àŋ naim tùɔ̀ŋ wèè ka wòò e kèè ɗààhiìɛ wo Dayà naŋ wa ɓemè wèè wɔŋ nyiiŋ gèeɔ̀ è kùwaìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.

1Jɔ̀ɔŋ 2:28

Nyɛ̀iŋ nààŋ jɔ̀àim nyàŋ, jèeìŋ aŋ bàiŋbà wo Jisɛ̀ Kulaì sùà, e wèè sèè wo hnàŋ wa nàwèè eiŋ kɛ̀ɛ̀nɛ̀ŋ ke jii tùlia yèè e naìŋ nyɛ̀ɛ̀nɛ̀ŋ è sàngè sùà kè ɗɔ̀ɔ̀ hnàauŋ nɛɛ̀ŋ diɛŋ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

1Jɔ̀ɔŋ 5:12

Wo nyùnɔ̀ɔŋ gbiŋ naŋ hààwè wo Jɔ̀àfèlàà Dayàa wɔ̀ wò kuwa wɔŋ nyiiŋ gèe, wo nyùnɔ̀ɔŋ gbiŋ zà gò hààwè wò Jɔ̀àfèlàà Dayàa wɔ̀ wo kuwà wɔ̀ŋ nyiiŋ gèeɔ̀.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 2:7

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kòmàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, e jìwààjɛ̀wɛ̀ nyiŋ nɛ̀ do nàŋ nɔ̀ŋ wèè ka nyiŋ gè nyààŋ diɛŋ aŋ gbìlà ke kuù kòmàŋ yìwìà ke kùlɛ̀ɛ kiɛ̀ŋ wɔŋ nyiiŋ gèe, ke yèɛ sia wɔŋ gbòlò maŋ nyùànɛ̀ŋ Dayà maŋ sùà yɛ.”

Maŋ kèì nyɛɛnɛŋ 22:1

Wo màikàa naim tɔ̀ɔ̀ e wuiyè gbee e nyaàiŋ dè e wuiyè sengèì kùwìè nyiiŋ gèeɔ̀, e yèɛ folo ke kpùà kanaà dìì ke yèɛ wo Dayà yaà Ɓaawaaà jaà diɛŋ lɛ̀,

Maŋ kèì nyɛɛnɛŋ 22:14

E zɔlɔ̀ yaà anyùùŋ nyaŋ naŋ sɔ̀ɔ̀ maŋ ɓuuɓane nyiŋ màŋ tɛ̀ɛ̀ nyaŋ. Àŋ do nàŋ kùwìè e tɔ̀ɔ̀nyaàŋ wèè aŋ gbìlà ke kuù kòmàaŋ e yìwìà ke kùlɛ̀ɛ kiɛ̀ŋ wɔŋ nyiiŋ gèeɔ̀ lɛ, e kìlà aŋ jɔ̀ɔ̀yɛ̀ wɔŋ gbàngì jawa gbeeɔ̀ sùà wèè ko jawa gbeeì.