Kòlo 3:22 - WƆŊ FƐ̀Ì EBÒ SÌÀŊ DAYÀA

²² Nyɛ̀iŋ nààŋ ɗo nyàŋ, jɔ̀ɔ̀lɔìŋ aŋ kɛ̀ɛ̀nɛiŋ nyàŋ dìì e teenga gbiŋ. Ɓɔ̀ nìŋ nyɛ̀nɛ̀ŋ niŋ nɔŋ esaɓù kɛ̀ àŋ yààìŋ yɛɛmɛ ɔ̀ɔ̀ èsaɓù kɛ̀ nìŋ manaŋ aiŋ mànàŋ. Nyɛ̀nɛìŋ niŋ e tɔ̀ɔ̀nyaàŋ e yìwìà maŋ jiiŋ màŋ sùà esàɓù e ɓɛ̀ɛ̀jàa nìŋ kuwa wèè wo Kanaà lɛ.

Kòlo 3:22 ပူးပေါင်းရင်းမြစ်များ

Maafiù 6:22

“Le fɛ̀ɛ̀ mɔ̀ɛ̀ è yaà mààŋ e laumpò wèè ke kpùnaŋ mɔɛ̀ŋ. Sèè le fɛɛ̀ mɔ̀ɛ̀ è nɔ̀ŋ sengei, ke kpùnaŋ mɔɛ̀ŋ gbiŋ do nàŋ nɔ̀ŋ e gbolòùŋ sùà.

Maafiù 8:9

Mìŋ naŋ tɛɛ̀ haawè esaɓù kɛ̀, miàŋ pɛɛ mìŋ yaà wo nyùùŋ e gààŋ anyuùŋ gbeegbèè dìì. Sèè àŋ woàìm nyààŋ nyɛnɛ̀ŋ tɛɛ̀, ka niŋ nyɛ̀nɛ̀ŋ. Mìŋ kuwa ɓɛìŋ aŋ kààlòòɗùà aŋ yè nyaŋ toomàìm dìì. Sèè mìŋ woà wo bà guùŋ mìàŋ, ‘Kɔ̀à!’ wò do nàŋ kɔ̀. Sèè mìŋ woà ɓɛìŋ wo bà mìàŋ ‘Hnaàŋ!’ wò do nàŋ hnè. Mìŋ woà wo ɓɔìjɔ̀à miɔ̀ŋ mìàŋ, ‘Nyɛnɛ̀ŋ tɛɛ̀!’ wò do niŋ nàŋ nyɛ̀nɛ̀ŋ.”

Luù 6:46

“Wèè kiìŋ nìŋ nyààìm ‘Kanaà, Kanaà,’ kɛɛ niŋ fè nyɛ̀nɛ̀ŋ è yèɛ mìŋ woàìŋ lɛ?

Luù 7:8

Mìŋ naŋ tɛɛ̀ haawè esaɓù kɛ̀, miàŋ pɛɛ mìŋ kuwa anyuùŋ gbeegbèè aŋ yè nyaŋ mìŋ toomàŋ dìì. Sèè àŋ woàìm nyààŋ nyɛnɛ̀ŋ tɛɛ̀, ka niŋ nyɛ̀nɛ̀ŋ. Mìŋ kuwa ɓɛìŋ aŋ kààlòòɗùà aŋ yè nyaŋ toomàìm dìì. Sèè mìŋ woà wo bà guùŋ mìàŋ, ‘Kɔ̀à!’ wò do nàŋ kɔ̀. Sèè mìŋ woà ɓɛìŋ wo bà mìàŋ ‘Hnaàŋ!’ wò do nàŋ hnè. Mìŋ woà wo ɓɔìjɔ̀à miɔ̀ŋ mìàŋ, ‘Nyɛnɛ̀ŋ tɛɛ̀!’ wò do niŋ nàŋ nyɛ̀nɛ̀ŋ.”

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Gàla 1:10

Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

Kòlo 3:20

Jɔ̀àkàiŋ jɔa nyàŋ, jɔ̀ɔ̀lɔìŋ anyuùŋ kòmaiŋ nyàŋ dìì e teenga gbiŋ, tɛɛ̀ nàŋ fɔɔyɛ̀ wo Dayà jii.

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

Felemɔ̀ŋ - PHM 1:16

kɛɛ wo fè hinie mààŋ wò ɗo. Wo Onisimɔ̀ŋ yaà wo wùìya kɛnɛ e nìàŋ wo ɗo. Wò yaà wo wùìya mɔ̀ɔ̀nɔŋ kɛnɛ ko nɛ̀ɛ̀ŋ miìŋ yèè kai kai ngèè ko nɛ̀ɛ̀ŋ muìŋ, nààŋ wo yaà nyuùŋkpùuŋ wɔŋ kɔɔ sùà yèè wo nyùùŋ màŋjɛ̀wɛ Kanaà Jisɛ̀ Kulaì.