Kòlo 3:14 - WƆŊ FƐ̀Ì EBÒ SÌÀŊ DAYÀA

¹⁴ E mànaŋ kuwa e sɛmɛmaŋ e nìàŋ e keì ɗewe gbiŋ. Tiŋ nàŋ jaanàŋ manɛ̀ŋ maŋ gbiŋ koɓɛ̀ guùŋ kpaŋ.

Kòlo 3:14 ပူးပေါင်းရင်းမြစ်များ

Jɔ̀ɔŋ 13:34

Yèè mìŋ yààìŋ naàŋ kìɛ̀ŋ sùà ke sàwà jɛi. Mànaìŋ aŋ dàwiiŋ nyàŋ màànààŋ nɔŋ mìŋ naiŋ wa mɔ̀nɔ̀ŋ lɛ.

Jɔ̀ɔŋ 15:12

Nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ, màànààŋ nɔŋ mìŋ mànàìŋ lɛ.

Jɔ̀ɔŋ 17:23

Mìŋ yaà nyiìŋ ko sùà, yèè mùŋ yààìm ko sùà, wèè kɛ̀ aŋ gbiŋ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, wèè kɛ̀ anyùùŋ nyaŋ e ɗuunyaàŋ aŋ nyìmàŋ kɛ̀ muàŋ naim tùɔ̀ŋ yèè kɛ̀ mùŋ mànàŋ nyiìŋ màànààŋ nɔŋ mùŋ mànàìm lɛ.

Luùm 13:8

Ɓɔ̀ mùŋ nɔ̀ŋ è kpàŋ dìì wèè è nɛ̀ŋ bà gbiŋ kòɓɛ̀ wò nyùùŋ, kɛɛ nɔ̀ŋ e kpàŋ dìì wèè muŋ mànàŋ aŋ dàwiim nyàŋ. Wo nyùnɔ̀ɔŋ gbiŋ nyɛnɛŋ tɛɛ̀ wɔ, wò jɔ̀ɔ̀lɔ̀ ke Sàwà Dayà dìì.

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Ɛfesɔ̀ 4:3

Fɛ̀ɛìŋ, wèè wo Jìnàŋ Nɛɛmaàŋ gbìàŋ maŋ jiiiŋ màŋ koɓɛ̀ guùŋ. Nyɛ̀nɛìŋ tɛɛ̀ esàɓù ke jii fàaà naiŋ jàànè koɓɛ̀ guùŋ nɛ.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

1Tɛsè 4:9

Esaɓù bà fè wèè eiŋ sìngà wɔ̀ŋ fɛi, è nyaàiŋ dè è ɗeweɛ̀ nìŋ mɔnɔŋ àŋ dàwiiŋ nyàŋ lɛ, esaɓù kɛ̀ nyɛ̀iŋ bi wo Dayà wòiŋ kàà e ɗeweɛ̀ nìŋ kuwìà e mànaŋ wèè aŋ dàwiiŋ nyàŋ lɛ,

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Hiɓu 6:1

Kàmè wiìŋ ɗewe e nɔ̀iŋ anyuùŋ kàmaiŋ, yèè e tɔɔtùiŋ gòngo wèè e nyɛ̀nɛ̀iŋ maŋ kèì nyɛ̀nɛ̀ŋ nyuùŋ kàmaiŋ. Kɛɛ ɓɔ̀ è nɔ̀ŋ màŋ keì jiɛ̀jiɛ̀ maŋ è naiŋ wa gbeè maŋ sùà e nyaàiŋ dè wò Jisɛ̀ Kulaì. Ɓɔ̀ è nɔ̀iŋ ɓɛìŋ wòo sùà è kèè kè kpèè jɛi tɔ̀ɔ̀tu wèè eiŋ fè maŋ tùwo naanààŋ wi màŋ jɛwɛ maŋ yè maŋ hiàŋ e fàa màŋ, e kìlà eiŋ ɗewè wèè eiŋ kɛ̀ɛ̀nɛ̀ŋ hààwe wo Dayà sùà.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 4:21

Ke sàwàa wo Jisɛ̀ Kulaì naŋ wi wa fè yɛ nàŋ yaà, kɛ̀ sèè wo nyùnɔ̀ɔŋ gbiŋ mɔnɔŋ Dayà wɔ, sɔɔ̀ wo mànàŋ àŋ wùìyauŋ nyàŋ nyiŋ pɛɛ.