Kòlo 3:12 - WƆŊ FƐ̀Ì EBÒ SÌÀŊ DAYÀA

¹² Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

Kòlo 3:12 ပူးပေါင်းရင်းမြစ်များ

Maafiù 24:22

Kɛɛ wò Dayà naŋ wa kɛ̀ɛ̀ maŋ ɗɔɔ bi diɛŋ. Sèè wò go miŋ wa weè kɛ̀ɛ̀ diɛŋ, wo nyùùŋ gbiŋ fè weè jàà kàìŋ. Kɛɛ wèè esàɓù anyunùuŋ nyàŋ wò naŋ wa tàeɗùù nyaŋ wò naŋ wa kɛ̀ɛ̀ maŋ ɗɔɔ màŋ diɛŋ.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 24:31

Kpeiŋ àŋ do nàŋ fùɔ̀ŋ e pòtanàŋ gbeeɛ̀, kɛ̀ wò tùàŋ aŋ màikàuŋ nyàŋ e yìwìà ko àìjɛnɛ̀ŋ koɓɛ̀ maŋ zɔ̀nù tiinàŋ maŋ e ɗuunyaàŋ wèè aŋ gbonogbònò aŋ nyuùŋ tàèɗùùim nyàŋ ko tɔ̀ɔ̀tù e ɗuunyaàŋ e hàì ko dìaì.”

Luù 1:78

E mànàŋ Dayàa yèè e tɛ̀ɛ̀tɛ̀ɛ̀uŋ nɛ̀, do wi nàŋ mɛ̀ɛ̀ŋ diɛŋ mààŋ e gɔɛɛ̀ e yèɛ folo ke nyiliɛ̀ lɛ.

Luù 18:7

Weètii niŋ gò gongò kɛ̀ wò Dayà do nàŋ gbàì e tɔ̀ɔ̀nyaàŋ sùà wèè àŋ yè nyaŋ wò naŋ tàeɗùù yèè àŋ zoolàuŋ dùùm yèè maŋ gɔɛɛ nyàŋ? Wò do nàŋ dɔɔnɔ̀ŋ wèè wo nyiŋ kpuumàŋ?

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

1 Kɔliìŋ 13:4

E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Ɛfesɔ̀ 4:24

yèè wo nyɛ̀nɛ̀ŋ niŋ nɔ̀ŋ anyuùŋ jɛ̀ì. Wo Dayà naiŋ wa banè wèè naŋ nɔ̀ŋ mààŋ wuŋ, wèètii sɔɔ̀ naŋ nyɛ̀nɛ̀ŋ ke jiiuŋ nɛɛ̀ŋ fàa yèè naŋ nɔ̀ŋ anyùùŋ nɛɛmaŋ e tɔ̀ɔ̀nyaàŋ sùà.

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Fèle 1:8

Wo Dayà nàŋ yaà wo seì miɔ̀ŋ nààŋ mìŋ woà e tɔ̀ɔ̀nyaàaŋ kɛ̀, e mànaàŋ mìŋ kuwa ke jii miɛ̀ŋ sùà weèiŋ lɛ̀, è yewe kè jìì Jisɛ̀ Kulaìɛ sùà wuŋ bi.

Kòlo 3:10

Nyɛ̀iŋ nààŋ bà guùŋ gbiŋ mùŋ yaà naàŋ wo nyuùŋ jɛ̀ì. Yèè wo Dayà, wo nyùnɔ̀ɔŋ naum bànè wɔ, kòò wò yààùm naàŋ nyinie wèè maŋ kɛ̀ɛ̀nɛ̀ŋ ke kpèè siaŋ mààŋ ke yèɛ nauŋ teenè yɛ, yèè mùŋ douŋ nàŋ nyìmè tɛ̀ɛ̀.

1Tɛsè 5:15

Ɓɔ̀ nìŋ yɛmɛ̀ wò nyùùŋ gbiŋ wèè wo gììyà è kpàŋ keì naanààŋ wò dawiuŋ nɔɔ̀ŋ, kɛɛ e teenga gbiŋ sùà e gòngoiŋ nɛ̀ nɔ̀ŋ wèè naŋ nyìnìàŋ keì sìàŋ e fèemàŋ, yèè naŋ niŋ nyɛ̀nɛ̀ŋ koɓɛ̀ nyùùŋ gbiŋ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

1Jɔ̀ɔŋ 4:19

È mànàìŋ aŋ dàwi wi nyàŋ esaɓù kɛ̀ wo Dayà, jiɛ̀ naŋ wi mɔ̀nɔ̀ŋ.

2Jɔ̀ɔŋ 1:13

Aŋ jɔ̀à jaaiŋ nyàŋ wo Dayà naŋ tàeɗùù nyaŋ naiŋ tùɔ̀ŋ e zùùmo.

Maŋ kèì nyɛɛnɛŋ 17:14

Aŋ kana nyɛɛ̀ŋ gbiŋ do nàŋ sùmìè wo Ɓaawaaà. Kɛɛ wo Ɓaawaaà, e kpùlìà aŋ yè nyaŋ wò naŋ tàeɗùù yèè àŋ yaà anyuùŋ tùlìà jii e kìlà àŋ nauŋ dè maŋjɛ̀wɛ nyaŋ, do nyiŋ nàŋ ɓùlò, esaɓù kɛ̀ wò yaà wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔ̀ɔ̀ŋ nyaŋ gbiŋ diɛŋ.”