Kòlo 3:1 - WƆŊ FƐ̀Ì EBÒ SÌÀŊ DAYÀA

¹ Wo Dayà naiŋ wa gè e fàaà dìì nyɛ̀iŋ wo Jisɛ̀ Kulaì koɓɛ̀ guùŋ, weètii jàaìŋ maŋ jiiŋ màŋ koɓɛ̀ manɛ̀ŋ maŋ yaà ko àìjɛnɛ̀ŋ maŋ, ko yèi wo Jisɛ̀ Kulaì jaa ke kpùà kanauŋ nɛɛ̀ŋ diɛŋ wɔŋ kùàŋ jìkà Dayàa lɛ̀.

Kòlo 3:1 ပူးပေါင်းရင်းမြစ်များ

Maafiù 22:44

‘Wo Kanaà Dayà naŋ wòò wo Kana miɔ̀ŋ wààŋ, “Jɛ̀ì kià wɔŋ kùàŋ jìka miɔ̀ŋ e jèèsùà kaum hòà aŋ jooum nyàŋ ko gòlòò dìì.” ’

Maafiù 26:64

Wo Jisɛ̀ naŋ nyiŋ fasàì wààŋ, “Yɛi nìŋ naŋ woò. Kɛɛ tɔ̀ miŋ woòiŋ e tɔɔɓaaà, yèè nyɛ̀iŋ nààŋ gbiŋ nìŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ jaa wɔŋ kùàŋ jìkà wo Dayà Gaàŋ Gbeeɔ̀ yèè mìŋ yaà hìnìè wɔŋ ɗùkpù ke nyiliɛ̀ diɛŋ!”

Maafiù 6:20

Kɛ̀ɛ̀ gbìaìŋ e sùlò nɛɛnɛiŋ nɛ̀ ko àìjɛnɛ̀ŋ, ko yèei aŋ gbiimiŋ nyàŋ yaà maŋ kààlo naàŋ niŋ pɔɔpɔ̀ɔ̀ lɛ, e kìlà anyuùŋ wùa naàŋ hnè àŋ do gɔ̀ɛ̀ɛ̀ wɔ̀ŋ gbemgbeeɔ̀ wèè aŋ niŋ wùà.

Maafiù 6:33

Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀ wòiŋ kìɛ̀ŋ manɛ̀ŋ gbànaŋ mɛɛ̀ŋ gbiŋ.

Luù 12:33

Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 20:42

Wo Dèèwe wuŋ bi naŋ wa gbòò e yìwìà wɔŋ fɛ̀ì Saàaŋ sùà wààŋ, ‘Wo Kanaà Dayà naŋ wòò wo Kana miɔ̀ŋ wààŋ, “Jɛ̀ì kià wɔŋ kùàŋ jìka miɔ̀ŋ

Luù 22:69

Kɛɛ e yìwìà nàaŋ e hàì e teenga bà nìŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ jaa wɔŋ kùàŋ jìkà Dàyà Gaàŋ Gbeeɔ̀.”

Nyɛ̀nɛ̀ŋ 2:34

Esaɓù kɛ̀ wo Dèèwe nààŋ gò wa jòwà kò àìjɛnɛ̀ŋ; kɛɛ wuŋ bi naŋ wa woò wààŋ, ‘Wo Kànà È Gunɔ̀ɔŋ naŋ wòò wo Kana miɔ̀ŋ wààŋ, “Jɛ̀ì kià wɔŋ kùàŋ jìka miɔ̀ŋ,

Nyɛ̀nɛ̀ŋ 7:55

Kɛɛ wo Siiwììŋ, wo yèɔ wo Jìnàŋ Nɛɛmaàŋ naŋ wa dìèsùà wɔ, naŋ gè fɛ̀ɛ̀ dìì wo yɛ̀mɛ̀ ko àìjɛnɛ̀ŋ, yèè wò naŋ yɛ̀mɛ̀ e gbòlòùŋ Dayaà yèè wo Jisɛ̀ sia wɔŋ kùàŋ jìkà Dayàa.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Luùm 8:6

Sèè maŋ jii wi màŋ maŋ nɔ̀ŋ e gààŋ maŋ jùumù wi màŋ dìì, maŋ kpùnaŋ wi màŋ do nàŋ fɔ̀ɔ̀yɛ̀ maŋ jùumù sùà. Kɛɛ sèè maŋ jii wi màŋ maŋ nɔ̀ŋ e gààŋ wo Jìnàŋ Nɛɛmaàŋ dìì, wo Dayà do nàŋ nyɛ̀nɛ̀ŋ eiŋ kɛ̀ɛ̀nɛ̀ŋ wɔŋ nyiiŋ gèe e kìlà eiŋ nɔ̀ŋ ke jii fàa sùà.

2 Kɔliìŋ 4:18

E gòiŋ jàà fɛ̀ɛ̀ dìì wèè mànɛ̀ŋ maŋ è yɛmɛ̀ìŋ maŋ, sɔɔ̀ maŋ yè maŋ e fèiŋ yɛmɛ̀ maŋ. Manɛ̀ŋ maŋ àŋ yɛmɛ̀ maŋ, màŋ yaà nɔŋ wèè e teenga kpuu, kɛɛ maŋ yè maŋ aŋ fè yɛmɛ̀ maŋ, màŋ yaà wèè julɔfɔ.

Ɛfesɔ̀ 4:10

Yèè è naŋ ɓɛìŋ fasàì kɛ̀ wo nyùnɔ̀ɔŋ nɔŋ naŋ wa dèyè wɔ, wo nyùùŋ guùŋ bi nɔŋ naŋ wa jòwò ke nyiliɛ̀ dìmɛ̀ wèè e fɛɛ̀uŋ kpɛ̀lɛ̀ manɛ̀ŋ bànè Dayà maŋ gbiŋ diɛŋ.

Ɛfesɔ̀ 5:22

Nyɛ̀iŋ nààŋ jɔ̀ùŋ nèè yɛ̀ɛ̀ nyaŋ, jɔ̀ɔ̀lɔìŋ aŋ faniŋ nyàŋ dìì màànààŋ nìŋ jɔɔlɔ̀ Kanaà dìì lɛ.

Kòlo 2:20

Nyɛ̀iŋ yèè wo Jisɛ̀ Kulaì naŋ wa fɔ̀ɔ̀yɛ̀ koɓɛ̀ guùŋ, yèè wò naiŋ bilɛ̀ŋ e yìwìà e gààŋ wo ɓɛ̀màŋɗì aŋ jìnàŋ ɗuunyaàŋ. Wèè kiìŋ naàŋ nìŋ yaà maŋ nyiiŋ gèe sùà e teenè mààŋ nìŋ yaà wèè e ɗuunyaŋ lɛɛ̀? Wèè kiìŋ nìŋ jɔɔlɔ̀ maŋ langi mààŋ mɛɛ̀ŋ dìì?

Kòlo 3:2

Gòngoìŋ wèè manɛ̀ŋ maŋ yaào màŋ, kɛɛ ɓɔ̀ è nɔ̀ŋ manɛ̀ŋ maŋ yaà è dììɛ diɛŋ màŋ è ɗuunyaŋ lɛɛ̀.

Hiɓu 1:13

Wo Dayà gò wa wòò wò màikàuŋ nɔɔ̀ŋ bà gbiŋ wààŋ, “Jɛ̀ì kià wɔŋ kùàŋ jìka miɔ̀ŋ e jèèsùà ka nyɛ̀nɛ̀ŋ aŋ jooum nyàŋ aŋ nɔ̀ŋ e nɛ̀ŋ dè maŋ gòlò diɛum.”

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 10:12

Wo Jisɛ̀ Kulaì naŋ wa kìɛ̀ŋ wuŋ bi e saaà gèeo sùà, e sàà gè ɗì guùŋ bi kuwa sɛmɛmaŋ, yèè è teenga gbiŋ è guo maŋ jùumù wi màŋ, e kìlà wò naŋ jɛ̀ì wɔŋ kùàŋ jìkà Dayàa wèè woo jèè jɛ̀i.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 8:1

E gbèìŋ gbèìŋ nɛ e nyaàiŋ dè e yèɛ è yààìŋ woo lɛ̀ nàŋ yaà kɛ̀, è kùwàìŋ wo Kànà Sìèfèìŋ Zòòlo Gbee wo yèɔ jaa ke kpùà Kanaà Dàyà Gaàŋ Gbeeɔ̀ kùàŋ jìka wɔ̀ ko àìjɛnɛ̀ŋ.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.