Kòlo 2:9 - WƆŊ FƐ̀Ì EBÒ SÌÀŊ DAYÀA

⁹ E ɗewe kiiɛ̀ wo Dayàa yaà lɛ, e ɗèwè kìì guùŋ bi nɔŋ sùà wo Jisɛ̀ Kulaì naŋ tèènè wo Dayà e nɔ̀ŋ kiiuŋ nɛ̀ ke kpùnàŋ wɔŋ nyiiŋ gèeuŋ nɔɔ̀ŋ sùà,

Kòlo 2:9 ပူးပေါင်းရင်းမြစ်များ

Maafiù 1:23

Wò naŋ woò wààŋ, “Wo jɔ̀ùŋ jɔ̀à bɛ̀ɛ̀ do nàŋ nɔ̀ŋ le sùà yèè wò do nàŋ kòmò wo jɔ̀àfelaa, yèè àŋ douŋ nàŋ jàà e dèèɛ Ìmaanuɛ̀.” (E fàsàì e dèèɛ Ìmaanuɛ̀ nàŋ yaà kɛ̀, “Wo Dayà yaà wì e tɛɛ.”)

Luù 14:22

E teenga kpuu sùa wo ɓɔìjɔ̀àa naŋ kɛ̀ɛ̀ maŋjɛ̀wɛ yèè wò naŋ wòò wo kààmɔɔuŋ nɔɔ̀ŋ wààŋ, ‘Kà nyɛ̀nɛ̀ŋ e nɛ̀ɛŋ mùŋ naim woò wèè ka nyɛ̀nɛ̀ŋ lɛ, kɛɛ maŋ jɛ̀i foo zimgbe naŋ joo wèè anyuùŋ zimgbe.’

Luù 3:22

yèè wo Jìnàŋ Nɛɛmaàŋ, wo yèɔ naŋ tèènè wo poopoò ke kpùnaŋ sùà wɔ, naŋ dèyè wo jɛ̀ì Jisɛ̀ diɛŋ. Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Jɔ̀ɔŋ 10:38

Kɛɛ sèè mìŋ nyɛnɛŋ e yèɛ wo Dèda miɔ̀ŋ nyɛnɛŋ lɛ̀, kɛ̀ kɛ̀ɛ̀nɛìŋ e hààwe esàɓù tii, sèè pɛɛ nìŋ goim haawè. Kpeiŋ nìŋ do nàŋ nyìmè kɛ̀ tɔɔɓaa wo Dèdaà yààìm ko sùà yèè mìŋ yàuŋ ko sùà.”

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 17:21

Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Jɔ̀ɔŋ 2:21

Kɛɛ e kèè ke saaŋ zòòlò Dayàa wo Jisɛ̀ yaà wa wòò e kii nyiŋ nɛ̀ nàŋ yaà ke kpùnàŋ wuŋ biɛ̀.

Nyɛ̀nɛ̀ŋ 17:29

Nààŋ è yààìŋ aŋ jɔ̀à Dayà lɛ, ɓɔ̀ è gongòiŋ kɛ̀ è nɔ̀ŋ kiiuŋ nɛ̀ è yaà e nɛ̀ŋ gbiŋ mààŋ wo dayà jooɔ̀ wo yèɔ àŋ naŋ bàànè è gòoò, ɔ̀ɔ̀ è kaiŋfua ɔ̀ɔ̀ kè dùò wɔ. Wo fè mààŋ è nɛ̀ŋ gbiŋ è yèɛ wò nyuùŋkpùuŋ naŋ gongò kɛ̀ è kuwa e nɔ̀ŋ yèè wò naŋ banè lɛ.

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

Kòlo 1:19

È yaà wa esàɓù e kìtì Dayàa wuŋ bi sùà wo Jɔ̀àfelaaà naŋ wa tèènè wo Dayà e nɔ̀ŋ kiiuŋ nɛ̀ gbiŋ sùà.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

1Jɔ̀ɔŋ 5:7

Aŋ sèì taai naŋ kìɛ̀ŋ ke mìè seìɛ.