Kòlo 2:23 - WƆŊ FƐ̀Ì EBÒ SÌÀŊ DAYÀA

²³ Maŋ langi mààŋ mɛɛ̀ŋ, wɛ̀i ɓɛ̀nɛ̀ŋ tɔ̀ɔ̀ e jiikɛ̀ɛ siaŋ ko nɛ̀ɛ̀ŋ nyiŋ niìŋ, nààŋ àŋ zoolà aŋ màikà, e kìlà àŋ tɔɔ̀ nyiŋ bi kɛ̀ àŋ yaà tɛ̀ɛ̀ e kèè Dayàa sùà, yèè àŋ jaa maŋ kpùnaŋ nyiŋ màŋ maŋ keì keekèè zimgbe. Kɛɛ maŋ kuwà è gààŋ gbiŋ màŋ keì nyɛ̀nɛŋ wi màŋ diɛŋ màŋ kpùnaŋ wi màŋ sùà.

Kòlo 2:23 ပူးပေါင်းရင်းမြစ်များ

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

Ɛfesɔ̀ 5:29

Yàwi nyɛɛ̀ŋ bà gbiŋ kòò è wùɔ̀ŋ wa màŋ kpùnaŋ wi màŋ. Kɛɛ, è gɔɔyɛ̀ìŋ maŋ kpùnaŋ wi màŋ eiŋ miŋ kùwà tɛ̀ɛ̀tɛ̀ɛ̀ kaiŋ, màànààŋ nɔŋ wo Jisɛ̀ Kulaì kuwo ke gbòò anyuùŋ hààwe nyàŋ lɛ,

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Kòlo 2:22

Manɛ̀ŋ mɛɛ̀ŋ gbiŋ kile manɛ̀ŋ foo sèè àŋ kpɛɛyɛ̀ miìŋ tòòmo. Màŋ yaà nɔŋ maŋ langi yèè maŋ kàà nyuùŋkpùuŋ.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Time 4:3

Anyuùŋ tòa mààŋ nyɛɛ̀ŋ naŋ kaà kɛ̀, e fè è tɔ̀ɔ̀nyaàŋ wèè wò nyùùŋ wo ɓèmè wo jɔùŋ ɔ̀ɔ̀ wo felaa, yèè wo jè mànɛ̀ŋ je gɛ̀wɛɛ̀ bà. Kɛɛ wo Dayà naŋ bànè maŋ nɛ̀ŋje mɛɛ̀ŋ wèè eiŋ miŋ jììyà è zòòlò ke sɛ̀ gèe sùà, wèè anyuùŋ hààwe nyàŋ nyìmàŋ e tɔ̀ɔ̀nyaàaŋ.

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.