Kòlo 2:19 - WƆŊ FƐ̀Ì EBÒ SÌÀŊ DAYÀA

¹⁹ Aŋ fè ɓɛìŋ àŋ bà nyiŋ bà wò Jisɛ̀ Kulaì sùà, wo yèɔ yaà ɓɛ̀màŋɗì ke kpùnaàŋ wɔ. Wo Jisɛ̀ Kulaì nàŋ kiɛ̀ŋ ke kpùnaàŋ gààŋ, yèè wò toomàŋ maŋ suono suono màŋ yèè maŋ kèìŋ maŋ wèè maŋ kùwà koɓɛ̀ guùŋ kpaŋ, e kìlà kè dɛkɛ̀ màànààŋ wo Dayà manaŋ lɛ̀.

Kòlo 2:19 ပူးပေါင်းရင်းမြစ်များ

Luù 5:38

Sèè è nɔ̀ŋ yɛi, sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà!

Jɔ̀ɔŋ 17:21

Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Nyɛ̀nɛ̀ŋ 4:32

Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

Luùm 11:17

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, yèè wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ. Wo Dayà wòiŋ nyɛ̀nɛ̀ŋ nàŋ ɓèmè maŋ jɛ̀ì maŋ kuù kpee màŋ wò naŋ gbèyè maŋ e yìwìà ke yèɛ àŋ naŋ nyùɔ̀ŋ yɛ. Wèè esaɓù lɛɛ̀, nìŋ jikà e kpùùmaàŋ folo e gùlò ke kuù nyùaŋ yii sùà lɛ, nààŋ nìŋ naŋ nɔ̀ŋ aŋ bà nyiŋ bà.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

1 Kɔliìŋ 11:3

Kɛɛ mìŋ manaŋ wèè naŋ jàà jii kɛ̀ wo Jisɛ̀ Kulaì nàŋ yaà wo ɓɛ̀ è ɗì wèè felaa gbiŋ, wo felaa nàŋ yaà wo ɓɛ̀ è ɗì wèè wo jawèuŋ nɔɔ̀ŋ, yèè wo Dayà nàŋ yaà wo ɓɛ̀ è ɗì wèè wo Jisɛ̀ Kulaì.

1 Kɔliìŋ 3:6

Miàŋ naŋ nyùɔ̀ŋ ke kuù kòmàaŋ, wo Àpolò naŋ gɔ̀àà ke kuù wùìyèɛ maŋ màì, kɛɛ wo Dayà naŋ nyɛ̀nɛ̀ŋ ke kuù kòmàaŋ naŋ wùìyè.

Ɛfesɔ̀ 1:22

Wo Dayà naŋ kìɛ̀ŋ wo Jisɛ̀ Kulaì e gààŋ manɛ̀ŋ maŋ gbiŋ diɛŋ, yèè wèè e tɛ̀ɛ̀tɛ̀ɛ̀ ke gbòò anyuùŋ hààwe nyàŋ wò nauŋ nyɛ̀nɛ̀ŋ wo sìèfeìŋ wèè manɛ̀ŋ maŋ gbiŋ.

Ɛfesɔ̀ 1:23

Ke gbòò anyuùŋ hààwe nyàŋ nàŋ yaà ke kpùnàŋ Jisɛ̀ Kulaìɛ wuŋ bi wò naŋ nyiŋ dìò sùà kpaŋ, wuŋ bi nàŋ gè maŋ keì maŋ gbiŋ e ɗì.

Ɛfesɔ̀ 2:21

Wuŋ nàŋ yaà wo nyùnɔ̀ɔŋ wò kuwa ke saaàŋ gbiŋ dìì, yèè wo nyiŋ nyɛ̀nɛ̀ŋ ke mììnè ke sààŋ zòòlò nɛɛmaŋ wèè Kanaà Dayà.

Ɛfesɔ̀ 4:3

Fɛ̀ɛìŋ, wèè wo Jìnàŋ Nɛɛmaàŋ gbìàŋ maŋ jiiiŋ màŋ koɓɛ̀ guùŋ. Nyɛ̀nɛìŋ tɛɛ̀ esàɓù ke jii fàaà naiŋ jàànè koɓɛ̀ guùŋ nɛ.

Ɛfesɔ̀ 5:29

Yàwi nyɛɛ̀ŋ bà gbiŋ kòò è wùɔ̀ŋ wa màŋ kpùnaŋ wi màŋ. Kɛɛ, è gɔɔyɛ̀ìŋ maŋ kpùnaŋ wi màŋ eiŋ miŋ kùwà tɛ̀ɛ̀tɛ̀ɛ̀ kaiŋ, màànààŋ nɔŋ wo Jisɛ̀ Kulaì kuwo ke gbòò anyuùŋ hààwe nyàŋ lɛ,

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

1Tɛsè 3:12

Tɔ̀ wo Kanaà nyɛ̀nɛ̀ŋ e mànaàŋ e fèemàiŋ nɛ̀ yèè e wèè anyùùŋ nyaŋ gbiŋ e dɛɛ̀ sùà, e nɔ̀ŋ màànààŋ e mànaàŋ maŋ jii wi màŋ sùà weèiŋ è naŋ dɛɛ̀ lɛ.

1Tɛsè 4:10

yèè kòò nìŋ yaà nyìnìè maŋ kpèè mɛɛ̀ŋ koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ maŋ gbiŋ sùà wɔŋ fàà ko Mɛ̀sèdonià. E wèètii nyɛ̀iŋ nààŋ wùìya wi nyàŋ, è yààìŋ dàwe sùà wèè naŋ nyɛ̀nɛ̀ŋ zimgbe e tii nìàŋ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.