Kòlo 2:1 - WƆŊ FƐ̀Ì EBÒ SÌÀŊ DAYÀA

¹ Mìŋ manaŋ naŋ nyìmàŋ e tòmo nyìngaà mìŋ naŋ nyɛ̀nɛ̀ŋ e weèiŋ yèè wèè anyuùŋ hààwe nyàŋ ko Làòdisià, yaà anyuùŋ hààwe nyiiŋ gbiŋ aŋ yè nyaŋ kòò àŋ yɛ̀mɛ̀ wa kè kpùnaŋ miɛ̀ŋ nyaŋ.

Kòlo 2:1 ပူးပေါင်းရင်းမြစ်များ

Luù 22:44

Ke jii mɔ̀ɔ̀nɛŋ gbee sùà wò naŋ ɓɛìŋ zoolò. Yèè maŋ jɛi màŋ nauŋ wa fòlò kɔɔ màŋ yaà wa mààŋ maŋ sɛ̀ìŋ màŋ yaà dè sùà ko dììnaŋ.

Nyɛ̀nɛ̀ŋ 20:25

“Kà mààmè maŋ tàtaiŋ màŋ sùà, mìŋ yààìŋ wòò ebò siaàŋ nyaàiŋ dè e Kànà Dayàa, kɛɛ kà naàŋ nyìmàŋ kɛ̀ nyɛ̀iŋ nààŋ bà gbiŋ niŋ naàim wa nàwèè ɓɛìŋ yɛmɛ̀.

Nyɛ̀nɛ̀ŋ 20:38

Ke nyowoɛ̀ naŋ wa nyɛ̀nɛ̀ŋ aŋ gbiŋ esaɓù kɛ̀ wo Pɔɔ̀ naŋ nyiŋ wa woò wààŋ, “Niŋ naàim wa nàwèè ɓɛìŋ yɛmɛ̀.” Yèè aŋ gbiŋ nauŋ kɔ̀ɔ̀ koɓɛ̀ wɔŋ meeèɔ.

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

Fèle 1:30

Nìŋ naim yɛmɛ̀ mìŋ naŋ kɔ̀ e mɔ̀ɔ̀nɛŋ dìì, yèè kòò nìŋ yaà nɔŋ kùmìè e kèè e keì nyìnga mɛ̀. Nyɛ̀iŋ pɛɛ nìŋ kuwa naŋ kà maŋ keì nyìnga dìì e ɗèwè guùŋ nɛ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

Kòlo 1:29

Wèè ka nyɛ̀nɛ̀ŋ tɛɛ̀ e hɛɛnɛ̀ŋ, mìŋ naŋ tomo nyìnga, yèè mìŋ naŋ tòòmò e gaàŋ gbeeɛ̀ wo Jisɛ̀ Kulaì naim kiɛ̀ŋ è toomàìm ko sùà lɛ.

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

Maŋ kèì nyɛɛnɛŋ 1:11

Ke mìèɛ naŋ woò wààŋ, “Singà e nɛ̀ɛŋ mùŋ naŋ yɛmɛ̀ lɛ wɔŋ fɛi sùà, yèè muŋ tùàŋ niŋ koɓɛ̀ maŋ gbòò anyuùŋ hààwe nyàŋ maŋ jàwà gbèègbèè nɔɔnɔŋ le tìyèe mɛɛ̀ŋ sùà, ko Ɛfesɔ̀, ko Sìmanà, ko Pɛgamùŋ, ko Tàyatilà, ko Saɗì, ko Fèlèdɛfià, yaà ko Làòdisià.”