Kòlo 1:20 - WƆŊ FƐ̀Ì EBÒ SÌÀŊ DAYÀA

²⁰ E yìwìà esàɓù wo Jɔ̀àfelaauŋ nɔɔ̀ŋ sùà, wo Dayà naŋ wa ɗewè wèè wo kɛ̀lɛ̀ɛ̀ anyùùŋ nyaŋ gbiŋ ko àìjɛnɛ̀ŋ yèè e dììɛ diɛŋ koɓɛ̀ wuŋ biì. Wò naŋ wa hìàŋ jii fàa, nààŋ wò naŋ wa nyimèè wèè wo gììyà maŋ sɛ̀ìŋ wo Jɔ̀àfelaauŋ nɔɔ̀ŋ saaà wɔŋ vànèkpaaà diɛŋ. E ɗewe lɛɛ̀ sùà wò naŋ kɛ̀lɛ̀ɛ̀ manɛ̀ŋ maŋ gbiŋ ko àìjɛnɛ̀ŋ yaà e ɗuunyaàŋ koɓɛ̀ wuŋ biì.

Kòlo 1:20 ပူးပေါင်းရင်းမြစ်များ

Maafiù 1:21

Wò do nàŋ kòmò wo jɔ̀àfelaa, yèè mùŋ kuwa mauŋ jàà e dèèɛ wo Jisɛ̀. Esaɓù kɛ̀, wuŋ nàŋ do nàŋ jòèyè anyunùuŋ nyàŋ e yìwìà maŋ jùumù nyiŋ màŋ sùà.”

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Nyɛ̀nɛ̀ŋ 10:30

Wo Kɔ̀nilìɔ̀ naŋ fasàì wààŋ, “Maŋ ɗɔ̀ɔ̀ tiinàŋ naàŋ mààŋ, nààŋ mìŋ yaà mɛ̀iŋ zoolo e gɔɛɛ gbòà taaà e koya gɔɛɛ ko saaŋ mio. Ko fɛɛ̀feìŋ, wo felaa gɔ̀àì maŋ deè fùà naim sìè ko fɛɛ̀feìŋ

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Fèle 2:10

Weètii, e yìwìà ɓɛ̀ɛ̀jàa gbee e nyaàiŋ dè e dèè Jisɛ̀ɛ, anyùùŋ nyaŋ gbiŋ ko àìjɛnɛ̀ŋ, e ɗuunyaàŋ, yèè e dììɛ dìì, do nàŋ dè maŋ gɛ̀ɛ̀nìŋ nyiŋ màŋ dìì ko fɛɛ̀fenùuŋ,

Kòlo 1:16

E saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ ko àìjɛnɛ̀ŋ yaà e dììɛ diɛŋ, maŋ yè maŋ nìŋ yɛmɛ̀ e kìlà niŋ fè yɛmɛ̀ maŋ, e kpùlìà aŋ jinàŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ. Wo Dayà naŋ wa bànè e ɗuunyaàŋ gbiŋ e saɓùuŋ nɛ̀ sùà yèè e weèuŋ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.