Kòlo 1:13 - WƆŊ FƐ̀Ì EBÒ SÌÀŊ DAYÀA

¹³ Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

Kòlo 1:13 ပူးပေါင်းရင်းမြစ်များ

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 3:17

Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo Jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Luù 13:24

“Nyɛ̀nɛìŋ e tɛ̀ɛ̀tɛ̀ɛ̀ɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè niŋ jɔɔyɛ̀ wɔŋ gbemgbee suulìɔ sùà. Esaɓù kɛ̀ aŋ zimgbe nyiŋ do nàŋ kàmè ɗewe wèè aŋ jɔ̀à ko àìjɛnɛ̀ŋ wɔŋ dòmaŋ nyaaŋ joo bà, kɛɛ aŋ naàŋ jɔ̀.

Luù 22:53

Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 3:35

Wo Dèda wiɔ̀ Dayà manaŋ wo Jɔ̀àfelaauŋ nɔɔ̀ŋ, yèè wò nauŋ kìɛ̀ŋ e gààŋ manɛ̀ŋ maŋ gbiŋ diɛŋ.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

2 Kɔliìŋ 11:14

Kɛɛ, tɛɛ̀ ɓɔ̀ è foonò nyùùŋ! Wo Sɛ̀tanàŋ wuŋ bi pɛɛ naŋ wa ɓemè, e kìlà wo tɔ̀ɔ̀ wuŋ bi wèè wo nɔ̀ŋ mààŋ wo màìkà e gbolòùŋ gbee bà!

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Ɛfesɔ̀ 4:18

Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

Ɛfesɔ̀ 5:5

Kùwieìŋ e hààwe lɛɛ̀ kɛ̀ wo nyuùŋ nyɛ̀nɛ̀ŋ ke yɛɛ̀ naanààŋ gbiŋ, ɔ̀ɔ̀ wo nyuùŋ kùwìè ke jii kùwà ninaŋ, ɔ̀ɔ̀ wo nyùnùɔŋ naŋ nyɛ̀nɛ̀ŋ e wùànàŋ keekèè wèè e nɛ̀ŋ gbiŋ wɔ̀, e yaà nɔŋ mààŋ maŋ goò zòòlo, wo naàŋ wa nàwèè nàŋ kɛ̀ɛ̀nɛ̀ŋ è nɛ̀ŋ bà gbiŋ è gààŋ Kànà Jisɛ̀ Kulaìɛ yaà Dayàa dìì.

Ɛfesɔ̀ 5:8

Nyɛ̀iŋ bi nìŋ yaà wa ke nyiwì sùà, kɛɛ nààŋ wo Kanaà naŋ naàŋ nɔ̀ŋ wo kɛ̀ɛ̀nɛiŋ nɔɔ̀ŋ lɛ, nìŋ yaà e gbolòùŋ sùà.

Ɛfesɔ̀ 6:12

E fèìŋ sùmiaŋ sùà màŋ kèìŋ yaà màŋ sɛ̀ìŋ, sɔɔ̀ aŋ jinàŋ naanààŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ, yèè maŋ gaàŋ gò kùwìè kò dìa nyiŋ màŋ e ɗùùnyàŋ ke nyìwì lɛɛ̀ dìì.

1Tɛsè 2:12

È naiŋ sìè di, e nyɛ̀nɛ̀ŋ maŋ jiiiŋ màŋ fà, yèè è naiŋ nɔ̀ŋ dàwe sùà wèè naŋ nɔ̀ŋ wɔ̀ŋ nyiiŋ gèe sùà wɔŋ yèɔ naŋ fɔ̀ɔ̀yɛ̀ Dayà jii wɔ̀ŋ, wo yèɔ naiŋ nyààŋ wèè woiŋ gè nyààŋ diɛŋ naŋ nɔ̀ŋ aŋ bàuŋbà e kanauŋ nɛ̀ yaà e jòòwouŋ nɛ̀ sùà wɔ.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.

1Jɔ̀ɔŋ 2:8

È gbio sùà, ke sàwàa mìŋ yaà nààŋ sengei yɛ̀ kè yaà ke jɛi nyiŋ, efèfoo è naŋ yɛ̀mɛ̀ e tɔ̀ɔ̀nyaàŋ kɛnɛ nyiŋ nɛ̀ wo Jisɛ̀ Kulaì sùà yèè nyɛ̀iŋ bi. Ke nyìwìɛ kè yaà màaŋ sùà yèè e gbòlòùŋ tɔ̀ɔ̀nyaàaŋ è yaà naàŋ mɛ̀ɛŋ sùà.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.